حدیث نمبر: 3494 --- حکم البانی: صحيح ، ابن ماجة ( 3840 ) ... عبداللہ بن عباس ؓ سے روایت ہے کہ رسول اللہ ﷺ انہیں (صحابہ کو) یہ دعا سکھایا کرتے تھے جیسا کہ انہیں قرآن کی سورت سکھایا کرتے تھے : « اللہم إني أعوذ بك من عذاب جہنم ومن عذاب القبر وأعوذ بك من فتنۃ المسيح الدجال وأعوذ بك من فتنۃ المحيا والممات » ” اے اللہ ! میں تیری پناہ چاہتا ہوں جہنم کے عذاب سے اور قبر کے عذاب سے اور میں تیری پناہ چاہتا ہوں مسیح دجال کے فتنہ سے ، اور میں تیری پناہ چاہتا ہوں حیات و موت کے فتنے (کشمکش) سے “ ۔ امام ترمذی کہتے ہیں : یہ حدیث حسن صحیح غریب ہے ۔ ... (ص/ح)

حدیث نمبر: 86 --- ہم سے موسیٰ بن اسماعیل نے بیان کیا ، ان سے وہیب نے ، ان سے ہشام نے فاطمہ کے واسطے سے نقل کیا ، وہ اسماء سے روایت کرتی ہیں کہ میں عائشہ ؓ کے پاس آئی ، وہ نماز پڑھ رہی تھیں ، میں نے کہا کہ لوگوں کا کیا حال ہے ؟ تو انہوں نے آسمان کی طرف اشارہ کیا (یعنی سورج کو گہن لگا ہے) اتنے میں لوگ (نماز کے لیے) کھڑے ہو گئے ۔ عائشہ ؓ نے کہا ، اللہ پاک ہے ۔ میں نے کہا (کیا یہ گہن) کوئی (خاص) نشانی ہے ؟ انہوں نے سر سے اشارہ کیا یعنی ہاں ! پھر میں (بھی نماز کے لیے) کھڑی ہو گئی ۔ حتیٰ کہ مجھے غش آنے لگا ، تو میں اپنے سر پر پانی ڈالنے لگی ۔ پھر (نماز کے بعد) رسول اللہ ﷺ نے اللہ تعالیٰ کی تعریف اور اس کی صفت بیان فرمائی ، پھر فرمایا ، جو چیز مجھے پہلے دکھلائی نہیں گئی تھی آج وہ سب اس جگہ میں نے دیکھ لی ، یہاں تک کہ جنت اور دوزخ کو بھی دیکھ لیا اور مجھ پر یہ وحی کی گئی کہ تم اپنی قبروں میں آزمائے جاؤ گے ، « مثل » یا « قريب » کا کون سا لفظ اسماء نے فرمایا ، میں نہیں جانتی ، فاطمہ کہتی ہیں (یعنی) فتنہ دجال کی طرح (آزمائے جاؤ گے) کہا جائے گا (قبر کے اندر کہ) تم اس آدمی کے بارے میں کیا جانتے ہو ؟ تو جو صاحب ایمان یا صاحب یقین ہو گا ، کون سا لفظ فرمایا اسماء ؓ نے ، مجھے یاد نہیں ۔ وہ کہے گا وہ محمد اللہ کے رسول ﷺ ہیں ، جو ہمارے پاس اللہ کی ہدایت اور دلیلیں لے کر آئے تو ہم نے ان کو قبول کر لیا اور ان کی پیروی کی وہ محمد ﷺ ہیں ۔ تین بار (اسی طرح کہے گا) پھر (اس سے) کہہ دیا جائے گا کہ آرام سے سو جا بیشک ہم نے جان لیا کہ تو محمد ﷺ پر یقین رکھتا تھا ۔ اور بہرحال منافق یا شکی آدمی ، میں نہیں جانتی کہ ان میں سے کون سا لفظ اسماء ؓ نے کہا ۔ تو وہ (منافق یا شکی آدمی) کہے گا کہ جو لوگوں کو میں نے کہتے سنا میں نے (بھی) وہی کہہ دیا ۔ (باقی میں کچھ نہیں جانتا ۔) ... حدیث متعلقہ ابواب: سورج گرہن اور نماز کسوف ۔ قبروں میں تمہاری آزمائش ہو گی ۔

حدیث نمبر: 1343 --- رقم الحديث ترقيم الباني: 1989... سیدنا ابوذر ؓ بیان کرتے ہیں کہ میں اور نبی کریم صلى اللہ علیہ وسلم ایک دوسرے کی کوکھ پر ہاتھ رکھ کر آپ صلى اللہ علیہ وسلم کے گھر کی طرف جا رہے تھے ۔ آپ صلى اللہ علیہ وسلم نے فرمایا : ”میری امت کے حق میں گمراہ کرنے والے حکمران ، دجال سے بھی زیادہ خطرناک ہوں گے ۔ “

حدیث نمبر: 1393 --- رقم الحديث ترقيم الباني: 2739... سیدنا حذیفہ ؓ کہتے ہیں : لوگ رسول اللہ ﷺ سے خیر کے بارے میں سوال کرتے تھے اور میں شر کے بارے میں دریافت کرتا تھا تاکہ اس میں مبتلا نہ ہو جاؤں ۔ (ایک دن) میں نے کہا : اے اللہ کے رسول ! ہم جاہلیت اور شر کا زمانہ گزار رہے تھے ، اللہ تعالیٰ نے اسلام ، جسے ہم نے قبول کیا ، کو اور آپ کو ہماری طرف بھیچا ۔ (اب سوال یہ ہے کہ) کیا اس خیر کے بعد پھر شر (کا غلبہ ہو گا) جیسا کہ پہلے تھا ؟ آپ ﷺ نے تین دفعہ فرمایا : ”حذیفہ ! اللہ کی کتاب پڑھ اور اس کے احکام پر عمل کر ۔ “ میں نے کہا : اے اللہ کے رسول ! کیا اس شر کے بعد پھر خیر ہو گی ؟ آپ ﷺ نے فرمایا : ”ہاں ۔ “ میں نے کہا : اس سے بچنے کا کیا طریقہ ہو گا ؟ آپ ﷺ نے فرمایا : ”تلوار ۔ “ میں نے کہا : کیا اس شر کے بعد پھر خیر ہو گی ؟ اور ایک روایت میں ہے کہ کیا تلوار کے بعد خیر کا کوئی حصہ باقی رہے گا ؟ (یعنی لڑائی آپ ﷺ نے فرمایا : ”ہاں ۔ “ اور ایک روایت میں ہے کہ امارت (اور جماعت) تو قائم رہے گی ، لیکن معمولی چون وچرا اور دلوں میں نفرتیں اور کینے ہوں گے ، ظاہری صلح ، اور اندرون خانہ لڑائی ہو گی ۔ میں نے کہا : کینے کا کیا مطلب ہے ؟ آپ ﷺ نے فرمایا : ”میرے بعد ایک قوم یا مختلف حکمران ہوں گے جو میری سنت پر عمل نہیں کریں گے اور میری سیرت کے علاوہ کوئی اور سیرت اختیار کریں گے ، تو ان کے بعض امور کو اچھا سمجھے گا اور بعض کو برا اور ان میں ایسے لوگ بھی منظر عام پر آئیں گے جو انسانوں کے روپ میں ہوں گے ، لیکن ان کے دل شیطانی ہوں گے ۔ “ ایک روایت میں ہے : میں نے کہا : ظاہری صلح باطن لڑائی اور دلوں میں کینہ ، ان چیزوں کا کیا مطلب ہے ؟ آپ ﷺ نے فرمایا : ”لوگوں کے دل (ان خصائل حمیدہ) کی طرف نہیں لوٹیں گے ، جن سے وہ پہلے متصف ہوں گے ۔ “ میں نے کہا : کیا اس خیر کے بعد بھی شر ہوگا ؟ آپ ﷺ نے فرمایا : ”ہاں ، اندھا دھند فتنہ ہو گا ، اور (اس میں ایسے لوگ ہوں گے کہ گویا کہ) وہ جہنم کے دروازوں پر کھڑے داعی ہیں ، جو آدمی ان کی بات مانے گا وہ اس کو جہنم میں پھینک دیں گے ۔ “ میں نے کہا : اے اللہ کے رسول ! ایسے لوگوں کی صفات بیان کیجئیے آپ ﷺ نے فرمایا : ”وہ ہماری نسل کے ہوں گے اور ہما ری طرح با تیں کریں گے ۔ “ میں نے کہا : اے اللہ کے رسول ! اگر ایسا زمانہ مجھے پا لے تو میرے لیے کیا حکم ہے ؟ آپ ﷺ نے فرمایا...

حدیث نمبر: 2935 --- رقم الحديث ترقيم الباني: 2651... سیدنا ابوسعید خدری ؓ بیان کرتے ہیں کہ رسول اللہ ﷺ نے فرمایا : ”جس نے سورۃ الکہف کی تلاوت کی ، جس طرح وہ نازل ہوئی ، تو یہ پڑھنے والے کے لیے روز قیامت اس کی اقامت گاہ سے مکہ تک نور کا سبب بنے گی اور جس نے اس سورت کی آخری دس آیات پڑھیں اور پھر دجال نکل آیا تو اسے کوئی نقصان نہ پہنچا سکے گا اور جس نے وضو کر کے یہ دعا پڑھی : « سُبْحَانَكَ اللَّہُمَّ وَبِحَمْدِكَ ، أَشْہَدُ أَنْ لا إِلَہَ إِلا أَنْتَ ، أَسْتَغْفِرُكَ وَأَتُوبُ إِلَيْكَ » ”اے اللہ ! تو پاک ہے اپنی تعریفوں کے ساتھ ، میں گواہی دیتا ہوں کہ تو ہی معبود برحق ہے ، میں تجھ سے بخشش طلب کرتا ہوں اور تیری طرف رجوع کرتا ہوں ۔ “ تو یہ کلمات ایک ورق میں لکھ کر مہر شدہ (‏‏‏‏حفاظت گاہ) میں رکھ دیے جاتے ہیں ، جسے قیامت کے دن تک نہیں توڑا جا سکتا ۔ “

حدیث نمبر: 3055 --- رقم الحديث ترقيم الباني: 2651... سیدنا ابوسعید خدری ؓ بیان کرتے ہیں کہ رسول اللہ ﷺ نے فرمایا : ”جس نے سورہ کہف کی تلاوت کی ، جس طرح وہ نازل ہوئی ، تو یہ سورت روز قیامت پڑھنے والے کے لیے اس کی اقامت گاہ سے مکہ تک نور کا سبب بنے گی اور جس نے اس سورت کی آخری دس آیات پڑھیں اور پھر دجال نکل آیا تو اسے کوئی نقصان نہیں پہنچا سکے گا اور جس نے وضو کر کے یہ دعا پڑھی : اے اللہ ! تو پاک ہے اپنی تعریفوں کے ساتھ ، میں گواہی دیتا ہوں کہ تو ہی معبود برحق ہے ، میں تجھ سے بخشش طلب کرتا ہوں اور تیری طرف رجوع کرتا ہوں ۔ تو یہ کلمات ورق میں لکھوا کر ایک مہر شدہ (‏‏‏‏حفاظت گاہ) میں رکھ دیے جاتے ہیں ، جسے قیامت کے دن تک نہیں توڑا جا سکتا ۔ “

حدیث نمبر: 3485 --- رقم الحديث ترقيم الباني: 1959... سیدنا عمران بن حصین ؓ سے روایت ہے کہ رسول اللہ ﷺ نے فرمایا : ”میری امت کی ایک جماعت حق پر جہاد کرتی رہے گی ، دشمنی کرنے والوں پر غالب رہے گی ، حتیٰ کہ ان کے آخری افراد مسیح دجال کے ساتھ لڑیں گے ۔ “

حدیث نمبر: 909 --- حکم البانی: صحيح... ابوہریرہ ؓ کہتے ہیں کہ رسول اللہ ﷺ نے فرمایا : ” جب کوئی شخص آخری تشہد (تحیات اور درود) سے فارغ ہو جائے تو چار چیزوں سے اللہ کی پناہ مانگے : جہنم کے عذاب سے ، قبر کے عذاب سے ، موت و حیات کے فتنے سے ، اور مسیح دجال کے فتنے سے “ ۔ ... (ص/ح)

حدیث نمبر: 1328 --- ‏‏‏‏ سیدنا ابوہریرہ ؓ سے روایت ہے کہ رسول اللہ ﷺ نے فرمایا : « اللَّہُمَّ إِنِّى أَعُوذُ بِكَ مِنْ عَذَابِ الْقَبْرِ وَعَذَابِ النَّارِ وَفِتْنَۃِ الْمَحْيَا وَالْمَمَاتِ وَشَرِّ الْمَسِيحِ الدَّجَّالِ » ” یا اللہ ! پناہ مانگتا ہوں میں تیری قبر کے عذاب سے اور دوزخ کے عذاب سے اور زندگی اور موت سے فساد اور دجال کی برائی سے ۔ “

حدیث نمبر: 984 --- حکم البانی: حسن صحيح... عبداللہ بن عباس ؓ سے روایت ہے کہ نبی اکرم ﷺ تشہد کے بعد یہ کہتے تھے : « اللہم إني أعوذ بك من عذاب جہنم وأعوذ بك من عذاب القبر وأعوذ بك من فتنۃ الدجال وأعوذ بك من فتنۃ المحيا والممات » یعنی ” اے اللہ ! میں تیری پناہ چاہتا ہوں جہنم کے عذاب سے ، تیری پناہ چاہتا ہوں قبر کے عذاب سے ، تیری پناہ چاہتا ہوں دجال کے فتنہ سے اور تیری پناہ چاہتا ہوں زندگی اور موت کے فتنے سے “ ۔ ... (ص/ح)