21. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : جساسہ کا بیان ۔ [سنن ابی داود]
حدیث نمبر: 4328 --- حکم البانی: ضعيف الإسناد... جابر ؓ کہتے ہیں کہ رسول اللہ ﷺ نے ایک دن منبر پر فرمایا : ” کچھ لوگ سمندر میں سفر کر رہے تھے کہ اسی دوران ان کا کھانا ختم ہو گیا تو ان کو ایک جزیرہ نظر آیا اور وہ روٹی کی تلاش میں نکلے ، ان کی ملاقات جساسہ سے ہوئی “ ولید بن عبداللہ کہتے ہیں : میں نے ابوسلمہ سے پوچھا : جساسہ کیا ہے ؟ تو انہوں نے جواب دیا کہ وہ ایک عورت تھی جو اپنی کھال اور سر کے بال کھینچ رہی تھی ، اس جساسہ نے کہا : اس محل میں (چلو) پھر انہوں نے پوری حدیث ذکر کی اس میں ہے ” اور دجال نے بیسان کے کھجور کے درختوں ، اور زغر کے چشموں کے متعلق دریافت کیا ، اس میں ہے ” یہی مسیح ہے “ ۔ ولید بن عبداللہ کہتے ہیں : اس پر ابن ابی سلمہ نے مجھ سے کہا : اس حدیث میں کچھ ایسی چیزیں بھی ہیں جو مجھے یاد نہیں ہیں ۔ ابوسلمہ بن عبدالرحمٰن کہتے ہیں : جابر نے پورے وثوق سے کہا : یہی ابن صیاد ہے ، تو میں نے کہا : وہ تو مر چکا ہے ، اس پر انہوں نے کہا : مر جانے دو ، میں نے کہا : وہ تو مسلمان ہو گیا تھا ، کہا : ہو جانے دو ، میں نے کہا : وہ مدینہ میں آیا تھا ، کہا : آنے دو ، اس سے کیا ہوتا ہے ۔ ... (ص/ح)
22. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : معرکوں میں مسلمانوں کے جماؤ کی جگہ کا بیان ۔ [سنن ابی داود]
حدیث نمبر: 4298 --- حکم البانی: صحيح... ابوالدرداء ؓ کہتے ہیں کہ رسول اللہ ﷺ نے فرمایا : ” (دجال سے) جنگ کے روز مسلمانوں کا جماؤ غوطہٰ میں ہو گا ، جو اس شہر کے ایک جانب میں ہے جسے دمشق کہا جاتا ہے ، جو شام کے بہترین شہروں میں سے ہے “ ۔ ... (ص/ح)
23. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : قیامت کی نشانیوں کا بیان ۔ [سنن ابی داود]
حدیث نمبر: 4310 --- حکم البانی: صحيح... ابوزرعہ کہتے ہیں کہ کچھ لوگ مروان کے پاس مدینہ آئے تو وہاں اسے (قیامت کی) نشانیوں کے متعلق بیان کرتے سنا کہ سب سے پہلی نشانی ظہور دجال کی ہو گی ، تو میں عبداللہ بن عمرو ؓ کے پاس گیا ، اور ان سے اسے بیان کیا ، تو عبداللہ نے صرف اتنا کہا کہ میں نے رسول اللہ ﷺ کو فرماتے سنا ہے کہ پہلی نشانی سورج کا پچھم سے طلوع ہونا ہے ، یا بوقت چاشت لوگوں کے درمیان دابہ (چوپایہ) کا ظہور ہے ، ان دونوں میں سے جو نشانی بھی پہلے واقع ہو دوسری بالکل اس سے متصل ہو گی ، اور عبداللہ بن عمرو جن کے زیر مطالعہ آسمانی کتابیں رہا کرتی تھیں کہتے ہیں : میرا خیال ہے ان دونوں میں پہلے سورج کا پچھم سے نکلنا ہے ۔ ... (ص/ح)
24. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : لڑائی پر لڑائی ہونے کا بیان ۔ [سنن ابی داود]
حدیث نمبر: 4295 --- حکم البانی: ضعيف... معاذ بن جبل ؓ کہتے ہیں کہ رسول اللہ ﷺ نے فرمایا : ” بڑی جنگ ، قسطنطنیہ کی فتح اور دجال کا نکلنا تینوں چیزیں سات مہینے کے اندر ہوں گی “ ۔ ... (ض)
25. سنن ابی داود --- کتاب: وتر کے فروعی احکام و مسائل --- باب : ( بری باتوں سے اللہ کی ) پناہ مانگنے کا بیان ۔ [سنن ابی داود]
حدیث نمبر: 1542 --- حکم البانی: صحيح... عبداللہ بن عباس ؓ کہتے ہیں کہ رسول اللہ ﷺ انہیں یہ دعا اسی طرح سکھاتے جس طرح قرآن کی سورۃ سکھاتے تھے ، فرماتے : « اللہم إني أعوذ بك من عذاب جہنم وأعوذ بك من عذاب القبر وأعوذ بك من فتنۃ المسيح الدجال وأعوذ بك من فتنۃ المحيا والممات » ” اے اللہ میں تیری پناہ مانگتا ہوں جہنم کے عذاب سے ، تیری پناہ مانگتا ہوں قبر کے عذاب سے ، تیری پناہ مانگتا ہوں مسیح دجال کے فتنے سے اور تیری پناہ مانگتا ہوں زندگی اور موت کی آزمایشوں سے “ ۔ ... (ص/ح)
26. سنن ابی داود --- کتاب: جہاد کے مسائل --- باب : ظالم حکمرانوں کے ساتھ جہاد کرنے کا بیان ۔ [سنن ابی داود]
حدیث نمبر: 2532 --- حکم البانی: ضعيف... انس بن مالک ؓ کہتے ہیں کہ رسول اللہ ﷺ نے فرمایا : ” تین باتیں ایمان کی اصل ہیں : ۱- جو لا الہٰ الا اللہ کہے اس (کے قتل اور ایذاء) سے رک جانا ، اور کسی گناہ کے سبب اس کی تکفیر نہ کرنا ، نہ اس کے کسی عمل سے اسلام سے اسے خارج کرنا ۔ ۲- جہاد جاری رہے گا جس دن سے اللہ نے مجھے نبی بنا کر بھیجا ہے یہاں تک کہ میری امت کا آخری شخص دجال سے لڑے گا ، کسی بھی ظالم کا ظلم ، یا عادل کا عدل اسے باطل نہیں کر سکتا ۔ ۳- تقدیر پر ایمان لانا “ ۔ ... (ض)
27. سنن ابی داود --- ابواب: نماز شروع کرنے کے احکام ومسائل --- باب : تشہد کے بعد آدمی کیا پڑھے ؟ [سنن ابی داود]
حدیث نمبر: 983 --- حکم البانی: صحيح... ابوہریرہ ؓ کہتے کہ رسول اللہ ﷺ نے فرمایا : ” جب تم میں سے کوئی آخری تشہد سے فارغ ہو تو چار چیزوں سے اللہ کی پناہ مانگے : جہنم کے عذاب سے ، قبر کے عذاب سے ، زندگی اور موت کے فتنے سے اور مسیح دجال کے شر سے “ ۔ ... (ص/ح)
28. سنن ابی داود --- کتاب: فتنوں اور جنگوں کا بیان --- باب : فتنوں کا ذکر اور ان کے دلائل کا بیان ۔ [سنن ابی داود]
حدیث نمبر: 4242 --- حکم البانی: صحيح... عبداللہ بن عمر ؓ ما کہتے ہیں کہ ہم لوگ رسول اللہ ﷺ کے پاس بیٹھے تھے آپ نے فتنوں کے تذکرہ میں بہت سے فتنوں کا تذکرہ کیا یہاں تک کہ فتنہ احلاس کا بھی ذکر فرمایا تو ایک شخص نے عرض کیا : اللہ کے رسول ! فتنہ احلاس کیا ہے ؟ آپ ﷺ نے فرمایا : ” وہ ایسی نفرت و عداوت اور قتل و غارت گری ہے کہ انسان ایک دوسرے سے بھاگے گا ، اور باہم برسر پیکار رہے گا ، پھر اس کے بعد فتنہ سراء ہے جس کا فساد میرے اہل بیت کے ایک شخص کے پیروں کے نیچے سے رونما ہو گا ، وہ گمان کرے گا کہ وہ مجھ سے ہے حالانکہ وہ مجھ سے نہ ہو گا ، میرے اولیاء تو وہی ہیں جو متقی ہوں ، پھر لوگ ایک شخص پر اتفاق کر لیں گے جیسے سرین ایک پسلی پر (یعنی ایسے شخص پر اتفاق ہو گا جس میں استقامت نہ ہو گی جیسے سرین پہلو کی ہڈی پر سیدھی نہیں ہوتی) ، پھر « دھیماء » (اندھیرے) کا فتنہ ہو گا جو اس امت کے ہر فرد کو پہنچ کر رہے گا ، جب کہا جائے گا کہ فساد ختم ہو گیا تو وہ اور بھڑک اٹھے گا جس میں صبح کو آدمی مومن ہو گا ، اور شام کو کافر ہو جائے گا ، یہاں تک کہ لوگ دو خیموں میں بٹ جائیں گے ، ایک خیمہ اہل ایمان کا ہو گا جس میں کوئی منافق نہ ہو گا ، اور ایک خیمہ اہل نفاق کا جس میں کوئی ایماندار نہ ہو گا ، تو جب ایسا فتنہ رونما ہو تو اسی روز ، یا اس کے دو سرے روز سے دجال کا انتظار کرنے لگ جاؤ “ ۔ ... (ص/ح)
29. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : لڑائی پر لڑائی ہونے کا بیان ۔ [سنن ابی داود]
حدیث نمبر: 4296 --- حکم البانی: ضعيف... عبداللہ بن بسر ؓ سے روایت ہے کہ رسول اللہ ﷺ نے فرمایا : ” بڑی جنگ اور فتح قسطنطنیہ کے درمیان چھ سال کی مدت ہو گی اور ساتویں سال میں مسیح دجال کا ظہور ہو گا “ ۔ ابوداؤد کہتے ہیں : یہ عیسیٰ کی روایت سے زیادہ صحیح ہے ۔ ... (ض)
30. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : لڑائیوں اور فتنوں کی نشانیوں کا بیان ۔ [سنن ابی داود]
حدیث نمبر: 4294 --- حکم البانی: حسن... معاذ بن جبل ؓ کہتے ہیں کہ رسول اللہ ﷺ نے فرمایا : ” بیت المقدس کی آبادی مدینہ کی ویرانی ہو گی ، مدینہ کی ویرانی لڑائیوں اور فتنوں کا ظہور ہو گا ، فتنوں کا ظہور قسطنطنیہ کی فتح ہو گی ، اور قسطنطنیہ کی فتح دجال کا ظہور ہو گا “ پھر آپ نے اپنا ہاتھ اس شخص یعنی معاذ بن جبل کی ران یا مونڈھے پر مارا جن سے آپ یہ بیان فرما رہے تھے ، پھر فرمایا : ” یہ ایسے ہی یقینی ہے جیسے تمہارا یہاں ہونا یا بیٹھنا یقینی ہے “ ۔ ... (ص/ح)
31. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : قیامت کی نشانیوں کا بیان ۔ [سنن ابی داود]
حدیث نمبر: 4311 --- حکم البانی: صحيح... حذیفہ بن اسید غفاری ؓ کہتے ہیں کہ ہم رسول اللہ ﷺ کے کمرے کے زیر سایہ بیٹھے باتیں کر رہے تھے ، ہم نے قیامت کا ذکر کیا تو ہماری آوازیں بلند ہو گئیں تو آپ ﷺ نے فرمایا : ” قیامت اس وقت تک نہیں ہو گی ، یا قائم نہیں ہو گی جب تک کہ اس سے پہلے دس نشانیاں ظاہر نہ ہو جائیں : سورج کا پچھم سے طلوع ہونا ، دابہ (چوپایہ) کا ظہور ، یاجوج و ماجوج کا خروج ، ظہور دجال ، ظہور عیسیٰ بن مریم ، ظہور دخان (دھواں) اور تین جگہوں : مغرب ، مشرق اور جزیرہ عرب میں خسف (دھنسنا) اور سب سے آخر میں یمن کی طرف سے عدن کے گہرائی میں سے ایک آگ ظاہر ہو گی وہ ہانک کر لوگوں کو محشر کی طرف لے جائے گی “ ۔ ... (ص/ح)
32. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : جساسہ کا بیان ۔ [سنن ابی داود]
حدیث نمبر: 4325 --- حکم البانی: صحيح... فاطمہ بنت قیس ؓ سے روایت ہے کہ رسول اللہ ﷺ نے ایک رات عشاء پڑھنے میں دیر کی ، پھر نکلے تو فرمایا : ” مجھے ایک بات نے روک لیا ، جسے تمیم داری ایک آدمی کے متعلق بیان کر رہے تھے ، تو میں سمندر کے جزیروں میں سے ایک جزیرے میں تھا ، تمیم کہتے ہیں کہ ناگاہ میں نے ایک عورت کو دیکھا جو اپنے بال کھینچ رہی ہے ، تو میں نے پوچھا : تم کون ہو ؟ وہ بولی : میں جساسہ ہوں ، تم اس محل کی طرف جاؤ ، تو میں اس محل میں آیا ، تو کیا دیکھتا ہوں کہ اس میں ایک شخص ہے جو اپنے بال کھینچ رہا ہے ، وہ بیڑیوں میں جکڑا ہوا ہے ، اور آسمان و زمین کے درمیان میں اچھلتا ہے ، میں نے اس سے پوچھا : تم کون ہو ؟ تو اس نے کہا : میں دجال ہوں ، کیا امیوں کے نبی کا ظہور ہو گیا ؟ میں نے کہا : ہاں (وہ ظاہر ہو چکے ہیں) اس نے پوچھا : لوگوں نے ان کی اطاعت کی ہے یا نافرمانی ؟ میں نے کہا : نہیں ، بلکہ لوگوں نے ان کی اطاعت کی ہے ، تو اس نے کہا : یہ بہتر ہے ان کے لیے “ ۔ ... (ص/ح)
33. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : دجال کے نکلنے کا بیان ۔ [سنن ابی داود]
حدیث نمبر: 4322 --- حکم البانی: صحيح لغيره... ابوامامہ ؓ نے بھی اسی طرح کی حدیث نبی اکرم ﷺ سے روایت کی ہے اور نمازوں کا ذکر سابقہ حدیث کی طرح کیا ہے ۔ ... (ص/ح)
34. سنن ابی داود --- کتاب: اہم معرکوں کا بیان جو امت میں ہونے والے ہیں --- باب : دجال کے نکلنے کا بیان ۔ [سنن ابی داود]
حدیث نمبر: 4318 --- حکم البانی: صحيح... انس بن مالک ؓ نبی اکرم ﷺ سے یہی حدیث روایت کرتے ہیں اس میں ہے : ” اسے ہر مسلمان پڑھ لے گا “ ۔ ... (ص/ح)
|