حدیث نمبر: 7371 --- ‏‏‏‏ ربعی بن حراش سے روایت ہے ، سیدنا حذیفہ ؓ اور سیدنا ابو مسعود ؓ دونوں جمع ہوئے ۔ سیدنا حذیفہ ؓ نے کہا : میں ان سے زیادہ جانتا ہوں جو دجال کے ساتھ ہو گا ۔ اس کے ساتھ ایک نہر ہو گی پانی کی اور ایک نہر آگ کی ، پھر جس کو تم آگ دیکھو گے وہ پانی ہو گا اور جس کو تم پانی دیکھو گے وہ آگ ہے ۔ سو جو کوئی تم میں سے یہ وقت پائے اور پانی پینا چاہے وہ اس نہر میں سے پئے جو آگ معلوم ہوتی ہے اس کو پانی پائے گا ۔ سیدنا ابومسعود ؓ نے کہا : میں نے رسول اللہ ﷺ سے ایسا ہی سنا ہے ۔

حدیث نمبر: 4757 --- حکم البانی: صحيح... عبداللہ بن عمر ؓ کہتے ہیں کہ نبی اکرم ﷺ لوگوں میں کھڑے ہوئے ، اللہ کی لائق شان حمد و ثنا بیان فرمائی ، پھر دجال کا ذکر کیا اور فرمایا : ” میں تمہیں اس سے ڈراتا ہوں ، کوئی نبی ایسا نہیں گزرا جس نے اپنی قوم کو اس سے ڈرایا نہ ہو ، نوح (علیہ السلام) نے بھی اپنی قوم کو اس سے ڈرایا تھا ، لیکن میں تمہیں اس کے بارے میں ایسی بات بتا رہا ہوں جو کسی نبی نے اپنی قوم کو نہیں بتائی : وہ کانا ہو گا اور اللہ کانا نہیں ہے “ ۔ ... (ص/ح)

حدیث نمبر: 2234 --- حکم البانی: ضعيف ، المشكاة ( 5486 / التحقيق الثاني ) // ، ضعيف أبي داود ( 1019 / 4756 ) //... ابوعبیدہ بن جراح ؓ کہتے ہیں کہ میں نے رسول اللہ ﷺ کو فرماتے سنا : ” نوح علیہ السلام کے بعد کوئی نبی ایسا نہیں ہے جس نے اپنی امت کو دجال سے نہ ڈرایا ہو اور میں بھی تمہیں اس سے ڈرا رہا ہوں “ ، پھر رسول اللہ ﷺ نے ہم سے اس کا حال بیان کیا اور فرمایا : ” ہو سکتا ہے مجھے دیکھنے والے یا میری بات سننے والے کچھ لوگ اسے پا لیں “ ، صحابہ نے عرض کیا : اللہ کے رسول ! اس دن ہمارے دل کیسے ہوں گے ؟ آپ نے فرمایا : ” آج کی طرح یا اس سے بہتر “ ۔ امام ترمذی کہتے ہیں : ۱- یہ حدیث ابوعبیدہ بن جراح کی روایت سے حسن غریب ہے ، ۲- اس باب میں عبداللہ بن بسر ، عبداللہ بن حارث بن جزی ، عبداللہ بن مغفل اور ابوہریرہ ؓ سے بھی احادیث آئی ہیں ۔ ... (ص/ح)

حدیث نمبر: 3652 --- رقم الحديث ترقيم الباني: 3080... سیدنا انس بن مالک ؓ بیان کرتے ہیں کہ رسول اللہ ﷺ نے فرمایا : ”اصفہان کے ستر ہزار یہودی دجال کے پیچھے لگیں گے (‏‏‏‏پیروی کریں گے) جن کے جسموں پر سبز رنگ کی چادریں ہوں گی ۔ ‏‏‏‏“

حدیث نمبر: 3646 --- رقم الحديث ترقيم الباني: 1863... سیدنا ابی بن کعب ؓ سے روایت ہے کہ رسول اللہ ﷺ نے فرمایا : ”دجال کی آنکھ شیشے کی طرح سبز ہو گی اور ہم عذاب قبر سے اللہ تعالیٰ کی پناہ طلب کرتے ہیں ۔ “

حدیث نمبر: 3644 --- رقم الحديث ترقيم الباني: 1193... سیدنا عبداللہ بن عباس ؓ سے روایت ہے ، رسول اللہ ﷺ نے فرمایا : ”دجال کانا ہو گا ، اس کا رنگ سفید ہو گا ، ایسے لگتا ہے کہ اس کا سر چھوٹے مہلک سانپ (‏‏‏‏کے سر) کی طرح (‏‏‏‏یعنی اس کا سر بہت چھوٹا) ہو گا ، لوگوں میں عبدالعزی بن قطن اس کے زیادہ مشابہ ہے ، (‏‏‏‏ذہن نشین کر لو کہ مشابہت میں پڑ کر) ہلاک ہونے والے ہلاک ہوتے رہیں ، بیثک تمہارا رب کانا نہیں ہے ۔ “

حدیث نمبر: 7128 --- ہم سے یحییٰ بن بکیر نے بیان کیا ، کہا ہم سے لیث بن سعد نے بیان کیا ، ان سے عقیل نے ، ان سے ابن شہاب نے ، ان سے سالم نے اور ان سے عبداللہ بن عمر ؓ نے بیان کیا کہ رسول اللہ ﷺ نے فرمایا ” میں سویا ہوا (خواب میں) کعبہ کا طواف کر رہا تھا کہ ایک صاحب جو گندم گوں تھے اور ان کے سر کے بال سیدھے تھے اور سر سے پانی ٹپک رہا تھا (ان پر میری نظر پڑی) میں نے پوچھا یہ کون ہیں ؟ میرے ساتھ کے لوگوں نے بتایا کہ یہ عیسیٰ ابن مریم علیہما السلام ہیں پھر میں نے مڑ کر دیکھا تو موٹے شخص پر نظر پڑی جو سرخ تھا اس کے بال گھونگھریالے تھے ، ایک آنکھ کا کانا تھا ، اس کی ایک آنکھ انگور کی طرح اٹھی ہوئی تھی ۔ لوگوں نے بتایا کہ یہ دجال ہے ۔ اس کی صورت عبدالعزیٰ بن قطن سے بہت ملتی تھی ۔

حدیث نمبر: 2238 --- حکم البانی: ضعيف ، ابن ماجة ( 4092 ) // ضعيف ابن ماجة برقم ( 890 ) ، ضعيف أبي داود ( 925 / 4295 ) ، المشكاة ( 5425 ) ، ضعيف الجامع الصغير ( 5945 ) //... معاذ بن جبل ؓ سے روایت ہے کہ نبی اکرم ﷺ نے فرمایا : ” ملحمہ عظمی (بڑی لڑائی) ، فتح قسطنطنیہ اور خروج دجال (یہ تینوں واقعات) سات مہینے کے اندر ہوں گے “ ۔ امام ترمذی کہتے ہیں : ۱- یہ حدیث حسن غریب ہے ، ۲- ہم اسے صرف اسی سند سے جانتے ہیں ، ۳- اس باب میں صعب بن جثامہ ، عبداللہ بن بسر ، عبداللہ بن مسعود اور ابو سعید خدری ؓ سے بھی احادیث آئی ہیں ۔ ... (ض)

حدیث نمبر: 152 --- رقم الحديث ترقيم الباني: 3084... سیدنا انس ؓ بیان کرتے ہیں کہ رسول اللہ ﷺ نے فرمایا : ”بیشک دجال مکہ اور مدینہ کے علاوہ ساری زمین پر گھومے گا ، جب مدینہ کی طرف آنا چاہے گا تو اسے (اس کی طرف جانے والے) ہر راستے پر فرشتوں کی صفیں نظر آئیں گی ، وہ ”سبختہ الجرف“ مقام (یا جرف کی شوریلی زمین) پر آئے گا اور اس کے سامنے والے حصے پر پڑاؤ ڈالے گا ۔ پھر مدینہ زور زور سے تین دفعہ ہلے گا اور ہر منافق مرد اور عورت اس کے پاس چلا جائے گا ۔ “

حدیث نمبر: 7126 --- ہم سے علی بن عبداللہ نے بیان کیا ، کہا ہم سے محمد بن بشر نے بیان کیا ، کہا ہم سے مسعر نے بیان کیا ، ان سے سعد بن ابراہیم نے بیان کیا ، ان سے ان کے والد نے اور ان سے ابوبکرہ ؓ نے کہ نبی کریم ﷺ نے فرمایا ” مدینہ پر مسیح دجال کا رعب نہیں پڑے گا ۔ اس وقت اس کے سات دروازے ہوں گے اور ہر دروازے پر پہرہ دار دو فرشتے ہوں گے ۔ “ علی بن عبداللہ نے کہا کہ محمد بن اسحاق نے صالح بن ابراہیم سے روایت کیا ، ان سے ان کے والد ابراہیم بن عبدالرحمٰن بن عوف نے بیان کیا کہ میں بصرہ گیا تو مجھ سے ابوبکرہ ؓ نے یہی حدیث بیان کی ۔