حدیث نمبر: 4756 --- حکم البانی: ضعيف... ابوعبیدہ بن جراح ؓ کہتے ہیں کہ میں نے نبی اکرم ﷺ کو فرماتے ہوئے سنا : ” نوح کے بعد کوئی ایسا نبی نہیں ہوا جس نے اپنی قوم کو دجال سے نہ ڈرایا ہو اور میں بھی تمہیں اس سے ڈراتا ہوں “ پھر رسول اللہ ﷺ نے ہمارے سامنے اس کی صفت بیان کی اور فرمایا : ” شاید اسے وہ شخص پائے جس نے مجھے دیکھا اور میری بات سنی “ لوگوں نے عرض کیا : اس دن ہمارے دل کیسے ہوں گے ؟ کیا اسی طرح جیسے آج ہیں ؟ آپ ﷺ نے فرمایا : ” اس سے بھی بہتر “ (کیونکہ فتنہ و فساد کے باوجود ایمان پر قائم رہنا زیادہ مشکل ہے) ۔ ... (ص/ح)

حدیث نمبر: 7124 --- ہم سے سعد بن حفص نے بیان کیا ، انہوں نے کہا ہم سے شیبان نے بیان کیا ، ان سے یحییٰ نے بیان کیا ، ان سے اسحاق بن عبداللہ بن ابی طلحہ نے اور ان سے انس بن مالک ؓ نے بیان کیا کہ نبی کریم ﷺ نے فرمایا ” دجال آئے گا اور مدینہ کے ایک کنارے قیام کرے گا ، پھر مدینہ تین مرتبہ کانپے گا اور اس کے نتیجے میں ہر کافر اور منافق نکل کر اس کی طرف چلا جائے گا ۔ “

حدیث نمبر: 7281 --- ‏‏‏‏ یسیر بن جابر سے روایت ہے ، ایک بار کوفہ میں لال آندھی آئی ، ایک شخص آیا جس کا تکیہ کلام یہی تھا اے عبداللہ بن مسعود ! قیامت آئی ۔ یہ سن کر سیدنا عبداللہ بن مسعود ؓ بیٹھ گئے اور پہلے تکیہ لگائے تھے ، انہوں نے کہا : قیامت نہ قائم ہو گی یہاں تک کہ ترکہ نہ بٹے گا اور لوٹ سے خوشی نہ ہو گی (کیونکہ جب کوئی وارث ہی نہ رہے گا تو ترکہ کون بانٹے گا اور جب کوئی لڑائی سے زندہ نہ بچے گا تو لوٹ کی کیا خوشی ہو گی) پھر اپنے ہاتھ سے اشارہ کیا شام کے ملک کی طرف اور کہا : دشمن (نصاریٰ) جمع ہوں گے مسلمانوں سے لڑنے کے لیے اور مسلمان بھی ان سے لڑنے کے لیے جمع ہوں گے ۔ میں نے کہا : دشمن سے تمہاری مراد نصاریٰ ہیں ؟ انہوں نے کہا : ہاں اور اس وقت سخت لڑائی شروع ہو گی ۔ مسلمان ایک لشکر کو آگے بھیجیں گے جو مرنے کے لیے آگے بڑھے گا اور نہ لوٹے گا بغیر غلبہ کے (یعنی اس قصد سے جائے گا کہ یا لڑ کر مر جائیں گے یا فتح کر کے آئیں گے) ۔ پھر دونوں فرقے لڑیں گے یہاں تک کہ رات ہو جائے گی اور دونوں طرف کی فوجیں لوٹ جائیں گی کسی کو غلبہ نہ ہو گا اور جو لشکر لڑائی کے لیے بڑھا تھا وہ بالکل فنا ہو جائے گا (یعنی سب لوگ اس کے قتل ہو جائیں گے) ۔ دوسرے دن پھر مسلمان ایک لشکر آگے بڑھائیں گے جو مرنے کے لیے یا غالب ہونے کے لیے جائے گا اور لڑائی رہے گی یہاں تک کہ رات ہو جائے گی ۔ پھر دونوں طرف کی فوجیں لوٹ جائیں گی اور کسی کو غلبہ نہ ہو گا ، جو لشکر آگے بڑھا تھا وہ فنا ہو جائے گا ۔ پھر تیسرے دن مسلمان ایک لشکر آگے بڑھائیں گے مرنے یا غالب ہونے کی نیت سے اور شام تک لڑائی رہے گی ، پھر دونوں طرف کی فوجیں لوٹ جائیں گی ۔ کسی کو غلبہ نہ ہو گا اور وہ لشکر فنا ہو جائے گا ۔ جب چوتھا دن ہو گا تو جتنے مسلمان باقی رہ گئے ہوں گے وہ سب آگے بڑھیں گی ۔ اس دن اللہ تعالیٰ کافروں کو شکست دے گا اور ایسی لڑائی ہو گی کہ ویسی کوئی نہ دیکھے گا یا ویسی لڑائی کسی نے نہیں دیکھی یہاں تک کہ پرندہ ان کے اوپر یا ان کے بدن پر اڑے گا پھر آگے نہیں بڑھے گا کہ وہ مردہ ہو کر گریں گے ۔ ایک جدی لوگ جو گنتی میں سو ہوں گے ، ان میں سے ایک شخص بچے گا (یعنی فی صد ننانوے (۹۹) آدمی مارے جائیں گے اور ایک رہ جائے گا) ایسی حالت میں کون سی لوٹ سے خوشی حاصل ہو گی اور کون سا ترکہ بانٹا جائے گا ۔ پھر مسلمان اسی حالت میں ہوں گے کہ ایک اور...

حدیث نمبر: 7359 --- ‏‏‏‏ نافع سے روایت ہے ، سیدنا ابن عمر ؓ ابن صیاد سے ملے مدینہ کی کسی راہ میں تو سیدنا ابن عمر ؓ نے کوئی بات ایسی کہی جس سے ابن صیاد کو غصہ آ گیا ۔ وہ اتنا پھولا کہ راہ بند ہو گئی ۔ سیدنا عبداللہ بن عمر ؓ ، ام المؤمنین سیدہ حفصہ ؓ کے پاس گے ان کو یہ خبر پہنچ چکی تھی ۔ انہوں نے کہا : اللہ تعالیٰ تجھ پر رحم کرے تو نے ابن صیاد کو کیوں چھیڑا ۔ تجھ کو نہیں معلوم ہے کہ رسول اللہ ﷺ نے فرمایا : ”دجال جب نکلے گا تو اسی وجہ سے کہ غصے ہو گا .“ (تو شاید ابن صیاد دجال ہو اور تیرے غصہ دلانے کی وجہ سے نکل پڑے) ۔

حدیث نمبر: 7473 --- ہم سے اسحاق بن ابی عیسیٰ نے بیان کیا ، انہوں نے کہا ہم کو یزید بن ہارون نے خبر دی ، انہیں شعبہ نے خبر دی ، انہیں قتادہ نے اور انہیں انس بن مالک ؓ نے کہ رسول اللہ ﷺ نے فرمایا ” دجال مدینہ تک آئے گا لیکن دیکھے گا کہ فرشتہ اس کی حفاظت کر رہے ہیں پس نہ تو دجال اس سے قریب ہو سکے گا اور نہ طاعون ، اگر اللہ نے چاہا ۔ “

حدیث نمبر: 7213 --- ‏‏‏‏ سیدنا ابوسعید خدری ؓ سے روایت ہے ، انہوں نے کہا : میں نے یہ حدیث رسول اللہ ﷺ سے نہیں بلکہ زید بن ثابت سے سنی ، وہ کہتے تھے : رسول اللہ ﷺ بنی نجار کے باغ میں ایک خچر پر جا رہے تھے ، ہم آپ ﷺ کے ساتھ تھے ، اتنے میں وہ خچر بھڑکا اور قریب ہوا کہ آپ ﷺ کو گرا دے ۔ وہاں پر چھ یا پانچ یا چار قبریں تھیں ۔ آپ ﷺ نے فرمایا : ”کوئی جانتا ہے یہ قبریں کن کن کی ہیں ؟ “ ایک شخص بولا : میں جانتا ہوں ۔ آپ ﷺ نے فرمایا : ”کب مرے ؟ “ وہ بولا : شرک کے زمانہ میں ۔ آپ ﷺ نے فرمایا : ”اس امت کا امتحان ہو گا قبروں میں ، پھر اگر تم دفن کرنا نہ چھوڑ دو تو میں اللہ تعالیٰ سے دعا کرتا تم کو قبر کا عذاب سنا دیتا جو میں سن رہا ہوں ۔ “ بعد اس کے آپ ﷺ ہماری طرف متوجہ ہوئے اور فرمایا : ”پناہ مانگو اللہ تعالیٰ کی جہنم کے عذاب سے ۔ “ لوگوں نے کہا : پناہ مانگتے ہیں ہم اللہ کی جہنم کے عذاب سے ۔ پھر آپ ﷺ نے فرمایا : ”پناہ مانگو اللہ تعالیٰ کی قبر کے عذاب سے ۔ “ لوگوں نے کہا : پناہ مانگتے ہیں ہم اللہ کی قبر کے عذاب سے ۔ آپ ﷺ نے فرمایا : ” : پناہ مانگو اللہ کی چھپے اور کھلے فتنوں سے ۔ “ لوگوں نے کہا : پناہ مانگتے ہیں ہم اللہ تعالیٰ کی چھپے اور کھلے فتنوں سے ۔ آپ ﷺ نے فرمایا : ”پناہ مانگو اللہ تعالیٰ کی دجال کے فتنہ سے ۔ “ لوگوں نے کہا : پناہ مانگتے ہیں ہم اللہ کی دجال کے فتنہ سے ۔

حدیث نمبر: 5459 --- حکم البانی: صحيح الإسناد... حمید بیان کرتے ہیں کہ انس بن مالک ؓ سے قبر کے عذاب اور دجال کے بارے میں پوچھا گیا تو انہوں نے کہا کہ نبی اکرم ﷺ فرماتے تھے : « اللہم إني أعوذ بك من الكسل والہرم والجبن والبخل وفتنۃ الدجال وعذاب القبر » ” اے اللہ ! میں تیری پناہ مانگتا ہوں سستی و کاہلی سے ، بڑھاپے سے ، بزدلی سے ، بخیلی اور کنجوسی سے ، دجال کے فتنے سے اور قبر کے عذاب سے “ ۔ ... (ص/ح)

حدیث نمبر: 7333 --- ‏‏‏‏ سیدنا ابوہریرہ ؓ سے روایت ہے ، رسول اللہ ﷺ نے فرمایا : ” تم نے سنا ہے ایسا شہر جس کے ایک جانب خشکی ہے اور ایک جانب سمندر ہے ؟ “ اصحاب نے کہا : ہاں یا رسول اللہ ! ہم نے سنا ہے (یعنی قسطنطینیہ ہے) ۔ آپ ﷺ نے فرمایا : ” قیامت قائم نہ ہو گی یہاں تک کہ لڑیں گے اس شہر سے ستر ہزار سیدنا اسحاق کی اولاد سے ، سو جب اس شہر کے پاس آئیں گے تو اتر پڑیں گے ، سو ہتھیار سے نہ لڑیں گے اور نہ تیر ماریں گے « لا الہ الا اللہ واللہ اكبر » کہیں گے ، تو اس کی ایک طرف جو دریا میں ہے گر پڑے گی ، پھر دوسری بار « لا الہ الا اللہ واللہ اكبر » کہیں گے تو اس کی دوسری طرف گر پڑے گی ۔ پھر تیسری بار « لا الہ الا اللہ واللہ اكبر » کہیں گے تو ہر طرف سے کھل جائے گا ۔ سو اس شہر میں گھس پڑیں گے اور لوٹیں گے جب لوٹ کے مال بانٹ رہے ہوں گے کہ اچانک ایک چیخنے والا آئے گا اور کہے گا : دجال نکلا ، تو وہ ہر چیز کو چھوڑ دیں گے اور دجال کی طرف پلٹیں گے ۔ “

حدیث نمبر: 5515 --- حکم البانی: صحيح... ابوہریرہ ؓ روایت کرتے ہیں کہ نبی اکرم ﷺ نے فرمایا : ” اللہ کے عذاب سے اللہ کی پناہ مانگو اور موت اور زندگی کے فتنے سے ، قبر کے عذاب سے اور مسیح دجال (کانا دجال) کے فتنے سے اللہ کی پناہ مانگو “ ۔ ... (ص/ح)

حدیث نمبر: 1354 --- ہم سے عبدان نے بیان کیا ‘ کہا کہ ہمیں عبداللہ بن مبارک نے خبر دی ‘ انہیں یونس نے ‘ انہیں زہری نے ‘ کہا کہ مجھے سالم بن عبداللہ نے خبر دی کہ انہیں ابن عمر ؓ نے خبر دی کہ عمر ؓ رسول اللہ ﷺ کے ساتھ کچھ دوسرے اصحاب کی معیت میں ابن صیاد کے پاس گئے ۔ آپ ﷺ کو وہ بنو مغالہ کے مکانوں کے پاس بچوں کے ساتھ کھیلتا ہوا ملا ۔ ان دنوں ابن صیاد جوانی کے قریب تھا ۔ اسے نبی کریم ﷺ کے آنے کی کوئی خبر ہی نہیں ہوئی ۔ لیکن آپ ﷺ نے اس پر اپنا ہاتھ رکھا تو اسے معلوم ہوا ۔ پھر آپ ﷺ نے فرمایا اے ابن صیاد ! کیا تم گواہی دیتے ہو کہ میں اللہ کا رسول ہوں ۔ ابن صیاد رسول اللہ ﷺ کی طرف دیکھ کر بولا ہاں میں گواہی دیتا ہوں کہ آپ ان پڑھوں کے رسول ہیں ۔ پھر اس نے نبی کریم ﷺ سے دریافت کیا ۔ کیا آپ اس کی گواہی دیتے ہیں کہ میں بھی اللہ کا رسول ہوں ؟ یہ بات سن کر رسول اللہ ﷺ نے اسے چھوڑ دیا اور فرمایا میں اللہ اور اس کے پیغمبروں پر ایمان لایا ۔ پھر آپ ﷺ نے اس سے پوچھا کہ تجھے کیا دکھائی دیتا ہے ؟ ابن صیاد بولا کہ میرے پاس سچی اور جھوٹی دونوں خبریں آتی ہیں ۔ نبی کریم ﷺ نے فرمایا پھر تو تیرا سب کام گڈمڈ ہو گیا ۔ پھر آپ ﷺ نے اس سے فرمایا اچھا میں نے ایک بات دل میں رکھی ہے وہ بتلا ۔ (آپ ﷺ نے سورۃ الدخان کی آیت کا تصور کیا « فارتقب يوم تاتی السماء بدخان مبين ») ابن صیاد نے کہا وہ « دخ » ہے ۔ آپ ﷺ نے فرمایا چل دور ہو تو اپنی بساط سے آگے کبھی نہ بڑھ سکے گا ۔ عمر ؓ نے فرمایا یا رسول اللہ ! مجھ کو چھوڑ دیجئیے میں اس کی گردن مار دیتا ہوں ۔ آپ ﷺ نے فرمایا ‘ اگر یہ دجال ہے تو ، تو اس پر غالب نہ ہو گا اور اگر دجال نہیں ہے تو اس کا مار ڈالنا تیرے لیے بہتر نہ ہو گا ۔