21. سلسلہ احادیث صحیحہ --- زکوۃ، سخاوت، صدقہ، ہبہ --- اس خزانے کی مذمت ، جس کی زکوٰۃ ادا نہ کی جائے [سلسلہ احادیث صحیحہ]
حدیث نمبر: 961 --- رقم الحديث ترقيم الباني: 721... سیدنا ابوہریرہ ؓ سے مروی ہے کہ رسول اللہ ﷺ نے فرمایا : ”دینار خزانہ ہے ، درہم بھی خزانہ ہے اور قیراط بھی خزانہ ہے ۔ “ صحابہ نے پوچھا : ہم دینار اور درہم کو تو پہچانتے ہیں ، قیراط کسے کہتے ہیں ؟ آپ ﷺ نے فرمایا : ”نصف درہم کو ، نصف درہم کو ، نصف درہم کو (قیراط کہتے ہیں) ۔ “
22. سلسلہ احادیث صحیحہ --- زکوۃ، سخاوت، صدقہ، ہبہ --- ترکہ چھوڑنا کیسا ہے ؟ [سلسلہ احادیث صحیحہ]
حدیث نمبر: 973 --- رقم الحديث ترقيم الباني: 3483... سیدنا ابوہریرہ ؓ کہتے ہیں کہ ایک انصاری آدمی کاجنازہ لایا گیا ، آپ ﷺ نے اس کی نماز جنازہ پڑھائی اور پوچھا : اس نے (اپنی میراث میں) کیا چھوڑا ہے ؟ لوگوں نے بتایا کہ دو یا تین دینار ۔ آپ ﷺ نے فرمایا : ”دو داغنے کی جگہیں چھوڑ گیا ہے یا تین ۔ “
23. سلسلہ احادیث صحیحہ --- زکوۃ، سخاوت، صدقہ، ہبہ --- مفلس و نادار لوگوں کی اللہ تعالیٰ کے ہاں اہمیت [سلسلہ احادیث صحیحہ]
حدیث نمبر: 957 --- رقم الحديث ترقيم الباني: 2643... سیدنا ثوبان ؓ سے روایت ہے ، رسول اللہ ﷺ نے فرمایا : ” میری امت کے بعض افراد ایسے ہیں کہ اگر وہ تم میں سے کسی سے دینار کا سوال کریں ، تو وہ انہیں نہیں دے گا ، اگر درہم کا سوال کریں تو وہ انہیں نہیں دے گا اور اگر فلس (درہم کے چھٹے حصے) کا بھی سوال کریں تو وہ نہیں دے گا ، لیکن اگر وہ اللہ تعالیٰ سے جنت کا سوال کریں تو انہیں جنت عطا کر دے گا ۔ وہ لوگ مفلس و نادار ہیں ، انہیں حقیر (اور نا قابل توجہ) سمجھا جاتا ہے ، لیکن (اللہ تعالیٰ کے ہاں ان کی اتنی قدر و قیمت ہے کہ) اگر وہ اللہ پر قسم اٹھا دیں تو وہ ان کی قسم کو پورا کر دیتا ہے ۔ “
24. سلسلہ احادیث صحیحہ --- زکوۃ، سخاوت، صدقہ، ہبہ --- زکاۃ کے بغیر اسلام مکمل نہیں ہوتا [سلسلہ احادیث صحیحہ]
حدیث نمبر: 958 --- رقم الحديث ترقيم الباني: 3232... عیسیٰ بن خضرمی بن کلثوم بن علقمہ بن ناجیہ خزاعی اپنے دادا کلثوم سے ، وہ اپنے باپ سے روایت ہیں کہ نبی کریم ﷺ نے انہیں غزوہ مریسیع والے سال ، جب وہ مسلمان ہوئے تھے ، فرمایا تھا : ”مالوں کی زکوٰۃ دینے سے تمہارے اسلام کی تکمیل ہو گی ۔ “
25. سلسلہ احادیث صحیحہ --- زکوۃ، سخاوت، صدقہ، ہبہ --- خرچ کرنے والوں کے لیے فرشتوں کی دعا اور نہ کرنے والوں کے لیے ان کی بددعا [سلسلہ احادیث صحیحہ]
حدیث نمبر: 930 --- رقم الحديث ترقيم الباني: 443... سیدنا ابودردا ؓ بیان کرتے ہیں کہ نبی کریم ﷺ نے فرمایا : ”جب بھی سورج طلوع ہوتا ہے تو اس کے دونوں پہلوؤں میں دو فرشتے ہوتے ہیں ، وہ جن و انس کے علاوہ زمین والوں کو سناتے ہوئے ندا دیتے ہیں : لوگو ! اپنے رب کی طرف آؤ ۔ بلاشبہ کفایت کرنے والا قلیل مال ، غافل کر دینے والے کثیر مال سے بہتر ہوتا ہے ۔ اسی طرح جب بھی سورج غروب ہوتا ہے تو اس کے دونوں پہلوؤں پر دو فرشتے بھیجے جاتے ہیں جو جن و انس کے علاوہ اہل زمین کو سناتے ہوئے اعلان کرتے ہیں : اے اللہ ! خرچ کرنے والے کو بدلہ عطا فرما اور روک کر رکھنے والے کے مال کو ضائع کر دے ۔ “
26. سلسلہ احادیث صحیحہ --- زکوۃ، سخاوت، صدقہ، ہبہ --- عمارتوں پر خرچ کرنا فضوں ہے ، الایہ کہ . . . [سلسلہ احادیث صحیحہ]
حدیث نمبر: 953 --- رقم الحديث ترقيم الباني: 2830... سیدنا انس ؓ سے روایت ہے ، وہ کہتے ہیں : رسول اللہ ﷺ نکلے ، ایک بلند گنبد دیکھا اور فرمایا : ” یہ کیا ہے ؟ “ آپ ﷺ کے صحابہ نے کہا : یہ فلاں انصاری آدمی کا ہے ۔ آپ ﷺ خاموش رہے اور اس بات کو اپنے دل میں رکھ لیا ۔ جب اس کا مالک رسول اللہ ﷺ کے پاس آیا اور لوگوں کی موجودگی میں آپ کو سلام کہا ۔ آپ نے اس سے اعراض کیا ، اس نے کئی مرتبہ سلام کہا (لیکن آپ ﷺ اعراض کرتے رہے) ۔ بالآخر اس آدمی کو آپ ﷺ کی ناراضگی اور اعراض کا اندازہ ہو گیا ، اس نے صحابہ سے اس بات کی شکایت کی اور کہا : بخدا ! میں رسول اللہ ﷺ کو عجیب و اجنبی محسوس کر رہا ہوں ۔ انہوں نے کہا : آپ باہر نکلے تھے اور تیرا گنبد دیکھا تھا ۔ سو وہ آدمی فوراً اپنے گنبد کی طرف لوٹا اور اس کو گرا کر زمین میں برابر کر دیا ۔ (پھر) ایک دن رسول اللہ ﷺ نکلے اور وہ گنبد آپ کو نظر نہ آیا ، آپ ﷺ نے پوچھا : ”گنبد کو کیا ہوا ؟ “ صحابہ نے کہا : اس نے ہمارے سامنے آپ کے اعراض کرنے کا شکوہ کیا ، ہم نے (آپ کی ناپسندیدگی کی ساری صورتحال) اس پر واضح کر دی ، اس لیے اس نے اس کو منہدم کر دیا ۔ آپ ﷺ نے فرمایا : ”خبردار ! ہر عمارت اپنے مالک کے حق میں وبال ہے ، سوائے اس کے جس کے بغیر کوئی چارہ کار نہ ہو ۔ “
27. سلسلہ احادیث صحیحہ --- زکوۃ، سخاوت، صدقہ، ہبہ --- اللہ تعالیٰ کی طرف سے مدد اور صبر کی توفیق کب ملتی ہے ؟ [سلسلہ احادیث صحیحہ]
حدیث نمبر: 956 --- رقم الحديث ترقيم الباني: 1664... نبی کریم ﷺ نے فرمایا : ” بیشک (انسان پر ڈالے گئے) بوجھ اور کلفت کے مطابق اللہ کی طرف سے اس کے لیے مددگار آتا ہے اور (اسی طرح اس پر ڈالی گئی) آزمائش کے مطابق اللہ تعالیٰ کی طرف سے اسے صبر (کی توفیق) ملتی ہے یہ حدیث سیدنا ابوہریرہ اور سیدنا انس بن مالک ؓ سے مروی ہے ۔
28. سلسلہ احادیث صحیحہ --- زکوۃ، سخاوت، صدقہ، ہبہ --- فرع کا معنی و مفہوم اور اس کا حکم [سلسلہ احادیث صحیحہ]
حدیث نمبر: 978 --- رقم الحديث ترقيم الباني: 1996... سیدنا عبد مزنی ؓ بیان کرتے ہیں ، رسول اللہ ﷺ نے فرمایا : ”اونٹ میں بھی « فرع » ہے اور بکریوں میں بھی ۔ “
29. سلسلہ احادیث صحیحہ --- زکوۃ، سخاوت، صدقہ، ہبہ --- کون سا غلام آزاد کرنا افضل ہے ؟ [سلسلہ احادیث صحیحہ]
حدیث نمبر: 972 --- رقم الحديث ترقيم الباني: 3989... سیدنا ابوذر ؓ کہتے ہیں کہ میں نے نبی کریم ﷺ سے دریافت کیا کہ کون سا عمل افضل ہے ؟ آپ ﷺ نے فرمایا : ”اللہ پر ایمان لانا اور اس کے راستے میں جہاد کرنا ۔ “ میں نے کہا : کون سا غلام (آزاد کرنا) زیادہ فضلیت والا عمل ہے ؟ آپ ﷺ نے فرمایا : ”جو اپنے مالکوں کے نزدیک زیادہ قیمتی اور عمدہ ہو ۔ “ میں نے کہا : اگر میں ایسا (غلام آزاد) نہ کر سکوں تو ؟ آپ ﷺ نے فرمایا : ”کسی ہنر مند کی مدد کر دو یا کسی بے ہنر کا کام کر دو ۔ “ میں نے کہا : اگر مجھ میں یہ عمل کرنے کی بھی استطاعت نہ ہو تو ؟ آپ ﷺ نے فرمایا : ”لوگوں کو اپنے شر سے بچا کر رکھو ، یہ بھی تمہارا اپنے نفس پر صدقہ ہو گا ۔ “
30. سلسلہ احادیث صحیحہ --- زکوۃ، سخاوت، صدقہ، ہبہ --- اللہ تعالیٰ کے نام پر سوال کرنا کیسا ہے ؟ [سلسلہ احادیث صحیحہ]
حدیث نمبر: 981 --- رقم الحديث ترقيم الباني: 255... سیدنا عبداللہ بن عباس ؓ سے روایت ہے کہ ہم بیٹھے ہوئے تھے ، رسول اللہ ﷺ ہمارے پاس تشریف لائے اور فرمایا : ”کیا میں تمہیں اس شخص کے بارے میں بتاؤں جو منزلت کے اعتبار سے سب سے بہتر ہے ؟ “ ہم نے کہا : کیوں نہیں ۔ آپ ﷺ نے فرمایا : ’’ وہ آدمی ہے جس نے اللہ تعالیٰ کے راستے میں اپنے گھوڑے کا سر تھاما ہوا ہے ، (یعنی لڑنے کے لیے گھوڑے سمیت تیار ہے) حتی کہ وہ مر جاتا ہے یا اسے شہید کر دیا جاتا ہے ۔ “ پھر فرمایا : ”اب کیا میں تمہیں اس شخص کے بارے میں بتلاؤں جو اس کے بعد مرتبے والا ہے ؟ “ ہم نے کہا : جی ہاں ، اے اللہ کے رسول ! آپ ﷺ نے فرمایا : ”وہ آدمی ہے جو کسی گھاٹی میں سکونت پذیر ہے اور نماز قائم کرتا ہے ، زکوٰۃ ادا کرتا ہے اور لوگوں سے الگ تھلگ رہتا ہے ۔ “ پھر فرمایا : ”اب کیا میں تمہیں اس شخص کے بارے میں بھی بتلا دوں جو مرتبے کے لحظ سے سب برا ہے ؟ “ ہم نے کہا : جی ہاں ، اے اللہ کے رسول ! آپ ﷺ نے فرمایا : ”وہ ہے جس سے اللہ جو عظمتوں والا ہے کے نام پر سوال کیا جائے ، لیکن وہ پھر بھی نہ دے ۔ “
31. سلسلہ احادیث صحیحہ --- زکوۃ، سخاوت، صدقہ، ہبہ --- خرچ کرنے والوں کے لیے فرشتوں کی دعا اور نہ کرنے والوں کے لیے ان کی بددعا [سلسلہ احادیث صحیحہ]
حدیث نمبر: 931 --- رقم الحديث ترقيم الباني: 920... سیدنا ابوہریرہ ؓ سے مروی ہے کہ رسول اللہ ﷺ نے فرمایا : ”ہر دن جس میں بندے صبح کرتے ہیں ، دو فرشتے اترتے ہیں ، ان میں سے ایک کہتا ہے : اے اللہ ! خرچ کرنے والے کو اس کا متبادل عطا فرما اور دوسرا کہتا ہے : اے اللہ ! روک کر رکھنے والے کے (مال) کو ضائع فرما دے ۔ “
32. سلسلہ احادیث صحیحہ --- زکوۃ، سخاوت، صدقہ، ہبہ --- معذرت قبول کرلینی چاہیے [سلسلہ احادیث صحیحہ]
حدیث نمبر: 988M --- رقم الحديث ترقيم الباني: 2901... سیدنا نعمان بن بشیر ؓ کہتے ہیں : سیدنا ابوبکر ؓ آئے اور نبی کریم ﷺ کے پاس آنے کی اجازت طلب کی ۔ انہوں نے سن لیا تھا کہ سیدہ عائشہ ؓ رسول اللہ ﷺ پر اپنی آواز بلند کر رہی تھیں ۔ آپ ﷺ نے ان کو اجازت دی اور وہ اندر آ گئے اور کہا : ام رومان کی بیٹی ! اور اسے پکڑنا چاہا ، کیا تو رسول اللہ ﷺ پر اپنی آواز بلند کرتی ہے ؟ لیکن نبی کریم ﷺ دونوں کے درمیان حائل ہو گئے ۔ جب ابوبکر ؓ چلے گئے تو نبی کریم ﷺ نے سیدہ عائشہ ؓ کو راضی کرتے ہوئے فرمایا : ”دیکھو تو سہی کہ میں تیرے اور ایک آدمی کے درمیان حائل ہو گیا ۔ “ (اسی اثنا میں) سیدنا ابوبکر ؓ پھر آ گئے اور اجازت طلب کی اور سنا کہ آپ ﷺ سیدہ عائشہ ؓ کو ہنسا رہے تھے آپ ﷺ نے ان سے (اندر آنے کی) اجازت دی ، پھر وہ اندر آ گئے ۔ (اب کی بار) سیدنا ابوبکر ؓ نے کہا : اے اللہ کے رسول ! مجھے اپنے امن و صلح والے ماحول میں بھی شریک کیجئیے ، جس طرح اپنی لڑائی میں کیا تھا ۔
33. سلسلہ احادیث صحیحہ --- زکوۃ، سخاوت، صدقہ، ہبہ --- معذرت قبول کرلینی چاہیے [سلسلہ احادیث صحیحہ]
حدیث نمبر: 988 --- رقم الحديث ترقيم الباني: 2900... سیدہ عائشہ ؓ بیان کرتی ہیں کہ نبی کریم ﷺ نے عائشہ کے سلسلے میں ابوبکر سے عذر خواہی کی ، نبی کریم ﷺ کو یہ علم نہیں تھا کہ ابوبکر ، عائشہ کے معاملے میں وہ کچھ کر گزریں گے ، جو انہوں نے (اس مجلس میں) کیا تھا ۔ انہوں نے ہاتھ اٹھایا اور عائشہ کو تھپڑ دے مارا اور ان کے سینے پر بھی زور سے ضرب لگائی ۔ نبی کریم ﷺ نے یہ بات محسوس کی اور فرمایا : ”ابوبکر ! آئندہ میں کبھی بھی تجھ سے عذر خواہی نہیں کروں گا ۔ “
34. سلسلہ احادیث صحیحہ --- زکوۃ، سخاوت، صدقہ، ہبہ --- انسان اپنی حقیقت کو مدنظر رکھے ، نہ کہ مال و دولت کو [سلسلہ احادیث صحیحہ]
حدیث نمبر: 989 --- رقم الحديث ترقيم الباني: 1143... سیدنا بسر بن جحاش قرشی ؓ کہتے ہیں کہ رسول اللہ ﷺ نے یہ آیات تلاوت کیں : ” (تو اے پیغمبر !) ان کافروں کو کیا ہو گیا ہے ۔ دائیں اور بائیں طرف سے جٹ کے جٹ تیری طرف دوڑتے آتے ہیں ۔ کیا ان میں ہر کوئی یہ امید رکھتا ہے وہ آرام کے باغ (بہشت) میں جائے گا ۔ یہ تو کبھی نہیں ہونا ، وہ جانتے ہیں جس چیز سے ہم نے ان کو بنایا ۔ “ (سورہ معارج : ۳۶-۳۹) پھر آپ ﷺ نے اپنی ہتھیلی پر تھوکا اور فرمایا : ”اللہ فرماتا ہے : اے ابن آدم ! تو مجھے کیسے عاجز کرے گا ؟ میں نے تجھے اس قسم کے پانی سے پیدا کیا ، حتی کہ جب میں نے ٹھیک طور سے (تیرے سب اعضاء درست کیے) اور خوبصورتی کے ساتھ بنایا یہاں تک کہ جب تو دو دھاری دھار چادروں میں چلنے لگ گیا اور تجھے زمین میں وقار ملا تو تو نے مال جمع کرنا اور (بخیلی کرتے ہوئے) اسے روک کر رکھنا شروع کر دیا ، اور جب (موت کے وقت) جان ہنسلیوں میں آ گئی تو تو نے کہنا شروع کر دیا : (اب) میں صدقہ کرتا ہوں ۔ لیکن اب کہاں ہے صدقے کا وقت ؟ ! “
35. سلسلہ احادیث صحیحہ --- زکوۃ، سخاوت، صدقہ، ہبہ --- کیا اوقیہ کا مالک سوال نہیں کر سکتا ؟ ، کتنی مقدار کا مالک سوال نہیں کر سکتا ؟ [سلسلہ احادیث صحیحہ]
حدیث نمبر: 986 --- رقم الحديث ترقيم الباني: 1719... بنو اسد قبیلے کا ایک آدمی کہتا ہے : میں نے اپنے اہل سمیت بقیع الغرقد میں پڑاؤ ڈالا ، میرے اہل نے مجھے کہا : آپ رسول اللہ ﷺ کے پاس جائیں اور کھانے کے لیے کوئی چیز مانگ کر لائیں ، پھر وہ اپنی ضروریات کا تذکرہ کرنے میں مصروف ہو گئے ۔ میں رسول اللہ ﷺ کے پاس گیا ، میں نے دیکھا کہ ایک آدمی آپ ﷺ کے پاس بیٹھا سوال کر رہا تھا اور آپ ﷺ فرمارہے تھے : ”تجھے دینے کے لیے میرے پاس کچھ نہں ہے“ ، وہ آدمی غصے کی حالت میں یہ کہتے ہوئے چل دیا ، میری عمر کی قسم ! آپ جس کو چاہتے ہیں دیتے ہیں ۔ رسول اللہ ﷺ نے فرمایا : ”وہ مجھ پر اس بنا پر ناراض ہو رہا ہے کہ اسے دینے کے لیے میرے پاس کچھ نہیں ہے ، حالانکہ تم میں سے جس آدمی نے سوال کیا اور اس کے پاس ایک اوقیہ (چالیس درہم) یا اس کے برابر کوئی چیز ہو تو اس نے ضد اور اصرار کے ساتھ سوال کیا ۔ “ (جب اس) اسدی نے (یہ بات سنی تو) کہا : ہماری اونٹنی اوقیہ سے تو بہتر ہے ۔ سو میں لوٹ آیا اور آپ ﷺ سے سوال نہیں کیا ۔ بعد میں رسول اللہ ﷺ کے پاس جو اور منقیٰ لایا گیا ، آپ ﷺ نے ہم کو بھی دیا ، یہاں تک کہ اللہ تعالیٰ نے ہمیں غنی کر دیا ۔ مالک کہتے ہیں کہ ایک اوقیہ ، چالیس درہم کا ہوتا ہے ۔
36. سلسلہ احادیث صحیحہ --- زکوۃ، سخاوت، صدقہ، ہبہ --- لوگوں کو زائد پانی اور زائد گھاس سے منع کرنے کا انجام بد [سلسلہ احادیث صحیحہ]
حدیث نمبر: 985 --- رقم الحديث ترقيم الباني: 1422... سیدنا عبداللہ بن عمر ؓ سے روایت ہے کہ میں نے اپنی زمین کے عامل کی طرف لکھا کہ زائد پانی کو نہیں روکنا ، کیونکہ میں نے رسول اللہ ﷺ کو فرماتے سنا : ”جس نے (اپنی ضرورت سے) زائد پانی یا گھاس روک لیا تو روز قیامت اللہ تعالیٰ اس سے اپنے فضل کو روک لے گا ۔ “
37. سلسلہ احادیث صحیحہ --- زکوۃ، سخاوت، صدقہ، ہبہ --- سوال کرنا باعث فقیری ہے کوئی نہ کوئی ملازمت تلاش کر لینی چاہیے [سلسلہ احادیث صحیحہ]
حدیث نمبر: 987 --- رقم الحديث ترقيم الباني: 2543... سیدنا ابوہریرہ ؓ سے روایت ہے ، رسول اللہ ﷺ نے فرمایا : ”جب آدمی اپنے لیے (لوگوں سے) سوال کرنے کا دروازہ کھولتا ہے تو اللہ تعالیٰ اس پر فقر و فاقہ کا دروازہ کھول دیتے ہیں ۔ اگر آدمی رسی لے کر ، کسی پہاڑ (جنگل) میں چلا جائے ، لکڑیاں اکٹھی کر کے اٹھا لائے اور ان (کو فروخت کر کے ان) کے ذریعے اپنے کھانے کے سامان کا بندوبست کرے تو یہ اس کے لیے اس سے بہتر ہے کہ وہ لوگوں سے سوال کرے ، اسے کچھ دیا بھی جائے یا نہ دیا جائے ۔ “
38. سلسلہ احادیث صحیحہ --- زکوۃ، سخاوت، صدقہ، ہبہ --- اگر مسکین کو کھانا کھلانے کے بعد موت آ جائے تو. . . [سلسلہ احادیث صحیحہ]
حدیث نمبر: 984 --- رقم الحديث ترقيم الباني: 1645... سیدنا حذیفہ ؓ کہتے ہیں : رسول اللہ ﷺ بیمار تھے ، میں آپ کے پاس گیا ، میں نے دیکھا کہ آپ بیٹھنا چاہتے ہیں اور سیدنا علی رضی اللہ اونگھ کی وجہ سے ڈانواں ڈول ہو رہے ہیں ، میں نے کہا : اے اللہ کے رسول ! میرا خیال ہے کہ علی ؓ آپ کے ساتھ رات کو بیدار رہے ہیں تو اب میں آپ کو (سہارا دینے کے لیے) آپ کے قریب نہ ہو جاؤں ؟ آپ ﷺ نے فرمایا : ”تیری بہ نسبت علی اس خدمت کا زیادہ حقدار ہے ۔ “ پس سیدنا علی ؓ آپ ﷺ کے قریب ہوئے اور آپ ﷺ کو سہارا دیا ۔ میں نے آپ ﷺ کو فرماتے سنا : ”جس کی زندگی کا خاتمہ اس حال میں ہو کہ اس نے اللہ سے ثواب حاصل کرنے کی امید میں کسی مسکین کو کھانا کھلا رکھا ہو تو وہ جنت میں داخل ہو گا ، جس کا خاتمہ اس حال میں ہوا کہ اس نے اللہ سے ثواب حاصل کرنے کی امید میں روزہ رکھا ہوا ہو تو وہ جنت میں داخل ہو گا اور جس کا اختتام اس صورت میں ہوا کہ اس نے اللہ تعالیٰ سے ثواب کی امید میں « لا الہ الا اللہ » پڑھا ہوا ہو تو وہ بھی جنت میں داخل ہو گا ۔ “
39. سلسلہ احادیث صحیحہ --- زکوۃ، سخاوت، صدقہ، ہبہ --- ہر نیکی کا بدلہ دیا جائے ، اگرچہ وہ دعا کی صورت میں ہو [سلسلہ احادیث صحیحہ]
حدیث نمبر: 983 --- رقم الحديث ترقيم الباني: 254... سیدنا عبداللہ بن عمر ؓ بیان کرے ہیں ۔ کہ نبی کریم ﷺ نے فرمایا : ”جو تم سے اللہ کا واسطہ دے کر پناہ مانگے ، اسے پناہ دے دو اور جو تم سے اللہ کا نام دے کر سوال کرے تو اسے دو اور جو تمہیں دعوت دے ، تو اس کی دعوت قبول کرو اور جو اللہ کے واسطے مدد کا مطالبہ کرے تو اس کی مدد کرو اور جو تمہارے ساتھ احسان کرے تو تم اس کا بدلہ دو اور اگر تم بدلہ دینے کی طاقت نہ پاؤ تو اس کے لیے دعائے خیر کرو (اور اتنی دعا کرو کہ) تمہیں یقین ہو جائے کہ تم نے اس کو بدلہ دے دیا ہے ۔ “
40. سلسلہ احادیث صحیحہ --- زکوۃ، سخاوت، صدقہ، ہبہ --- حرص بدترین صفت ہے ، [سلسلہ احادیث صحیحہ]
حدیث نمبر: 976 --- رقم الحديث ترقيم الباني: 560... سیدنا ابوہریرہ ؓ بیان کرتے ہیں کہ رسول اللہ ﷺ نے فرمایا : ”سخت کنجوسی اور سخت بزدلی کسی آدمی میں پا ئے جانے والی بدترین صفات ہیں ۔ “
|