حدیث نمبر: 1617 --- حکم البانی: ضعيف... اس سند سے اسماعیل (اسماعیل ابن علیہ) سے یہی حدیث (نمبر : ۱۶۱۶ کے اخیر میں مذکور سند سے) مروی ہے اس میں حنطہٰ کا ذکر نہیں ہے ۔ ابوداؤد کہتے ہیں : معاویہ بن ہشام نے اس حدیث میں ثوری سے ، ثوری نے زید بن اسلم سے ، زیدی اسلم نے عیاض سے ، عیاض نے ابوسعید سے « نصف صاع من بُرٍّ » نقل کیا ہے ، لیکن یہ زیادتی معاویہ بن ہشام کا یا اس شخص کا وہم ہے جس نے ان سے روایت کی ہے ۔ ... (ض)
حدیث نمبر: 1615 --- حکم البانی: صحيح... نافع کہتے ہیں کہ عبداللہ بن عمر ؓ نے کہا : اس کے بعد لوگوں نے آدھے صاع گیہوں کو ایک صاع کے برابر کر لیا ، عبداللہ (ایک صاع) کھجور ہی دیا کرتے تھے ، ایک سال مدینے میں کھجور کا ملنا دشوار ہو گیا تو انہوں نے جو دیا ۔ ... (ص/ح)
حدیث نمبر: 1614 --- حکم البانی: ضعيف خ مختصرا نحوه... عبداللہ بن عمر ؓ کہتے ہیں کہ رسول اللہ ﷺ کے زمانے میں لوگ صدقہ فطر میں ایک صاع جو یا کھجور یا بغیر چھلکے کا جو ، یا انگور نکالتے تھے ، جب عمر ؓ کا دور آیا اور گیہوں بہت زیادہ آنے لگا تو انہوں نے ان تمام چیزوں کے بدلے گیہوں کا آدھا صاع (صدقہ فطر) مقرر کیا ۔ ... (ص/ح)
حدیث نمبر: 1612 --- حکم البانی: صحيح... عبداللہ بن عمر ؓ کہتے ہیں کہ رسول اللہ ﷺ نے صدقہ فطر ایک صاع مقرر کیا ، پھر راوی نے مالک کی روایت کے ہم معنی حدیث ذکر کی ، اس میں « والصغير والكبير وأمر بہا أن تؤدى قبل خروج الناس إلى الصلاۃ » ” ہر چھوٹے اور بڑے پر (صدقہ فطر واجب ہے) اور آپ نے لوگوں کے نماز کے لیے نکلنے سے پہلے اس کے ادا کر دینے کا حکم دیا) کا اضافہ کیا ۔ ابوداؤد کہتے ہیں : عبداللہ عمری نے اسے نافع سے اسی سند سے روایت کیا ہے اس میں « على كل مسلم » کے الفاظ ہیں (یعنی ہر مسلمان پر لازم ہے) اور اسے سعید جمحی نے عبیداللہ (عمری) سے انہوں نے نافع سے روایت کیا ہے اس میں « من المسلمين » کا لفظ ہے حالانکہ عبیداللہ سے جو مشہور ہے اس میں « من المسلمين » کا لفظ نہیں ہے ۔ ... (ص/ح)
65. سنن ابی داود --- کتاب: زکوۃ کے احکام و مسائل --- باب : جن پھلوں کو زکاۃ میں دینا جائز نہیں ان کا بیان ۔ [سنن ابی داود]
حدیث نمبر: 1608 --- حکم البانی: حسن... عوف بن مالک ؓ کہتے ہیں کہ رسول اللہ ﷺ ایک بار ہمارے پاس مسجد میں تشریف لائے ، آپ کے ہاتھ میں ایک چھڑی تھی ، ایک شخص نے خراب قسم کی کھجور کا خوشہ لٹکا رکھا تھا ، آپ ﷺ نے اس خوشہ میں چھڑی چبھوئی اور فرمایا : ” اس کا صدقہ دینے والا شخص اگر چاہتا تو اس سے بہتر دے سکتا تھا “ ، پھر فرمایا : ” یہ صدقہ دینے والا قیامت کے روز « حشف » (خراب قسم کی کھجور) کھائے گا “ ۔ ... (ص/ح)
66. سنن ابی داود --- کتاب: زکوۃ کے احکام و مسائل --- باب : گیہوں میں آدھا صاع صدقہ فطر دینے کے قائلین کی دلیل کا بیان ۔ [سنن ابی داود]
حدیث نمبر: 1622 --- حکم البانی: ضعيف... حسن کہتے ہیں کہ ابن عباس ؓ نے رمضان کے اخیر میں بصرہ کے منبر پر خطبہ دیا اور کہا : ” اپنے روزے کا صدقہ نکالو “ ، لوگ نہیں سمجھ سکے تو انہوں نے کہا : ” اہل مدینہ میں سے کون کون لوگ یہاں موجود ہیں ؟ اٹھو اور اپنے بھائیوں کو سمجھاؤ ، اس لیے کہ وہ نہیں جانتے ۔ رسول اللہ ﷺ نے یہ صدقہ فرض کیا کھجور یا جَو سے ایک صاع ، اور گیہوں سے آدھا صاع ہر آزاد اور غلام ، مرد ، عورت ، چھوٹے اور بڑے پر “ ، پھر جب علی ؓ آئے تو انہوں نے ارزانی دیکھی اور کہنے لگے : ” اللہ تعالیٰ نے تمہارے لیے کشادگی کر دی ہے ، اب اسے ہر شے میں سے ایک صاع کر لو تو بہتر ہے “ ۔ حمید کہتے ہیں : حسن کا خیال تھا کہ صدقہ فطر اس شخص پر ہے جس نے رمضان کے روزے رکھے ہوں ۔ ... (ض)
حدیث نمبر: 1611 --- حکم البانی: صحيح... عبداللہ بن عمر ؓ سے روایت ہے کہ رسول اللہ ﷺ نے صدقہ فطر کھجور سے ایک صاع اور جو سے ایک صاع فرض کیا ہے ، جو مسلمانوں میں سے ہر آزاد اور غلام پر ، مرد اور عورت پر (فرض) ہے ۔ ... (ص/ح)
حدیث نمبر: 1610 --- حکم البانی: صحيح ق دون فعل ابن عمر ولـ خ نحوه... عبداللہ بن عمر ؓ کہتے ہیں کہ رسول اللہ ﷺ نے ہمیں حکم دیا کہ صدقہ فطر لوگوں کے نماز کے لیے نکلنے سے پہلے ادا کیا جائے ، راوی کہتے ہیں : چنانچہ ابن عمر ؓ نماز عید کے ایک یا دو دن پہلے صدقہ فطر ادا کرتے تھے ۔ ... (ص/ح)
69. سنن ابی داود --- کتاب: زکوۃ کے احکام و مسائل --- باب : صدقہ فطر کا بیان ۔ [سنن ابی داود]
حدیث نمبر: 1609 --- حکم البانی: حسن... عبداللہ بن عباس ؓ کہتے ہیں کہ رسول اللہ ﷺ نے صدقہ فطر صائم کو لغو اور بیہودہ باتوں سے پاک کرنے کے لیے اور مسکینوں کے کھانے کے لیے فرض کیا ہے ، لہٰذا جو اسے (عید کی) نماز سے پہلے ادا کرے گا تو یہ مقبول صدقہ ہو گا اور جو اسے نماز کے بعد ادا کرے گا تو وہ عام صدقات میں سے ایک صدقہ ہو گا ۔ ... (ص/ح)
70. سنن ابی داود --- کتاب: زکوۃ کے احکام و مسائل --- باب : درخت پر پھل کے تخمینہ لگانے کا بیان ۔ [سنن ابی داود]
حدیث نمبر: 1605 --- حکم البانی: ضعيف... عبدالرحمٰن بن مسعود ؓ کہتے ہیں کہ سہل بن ابی حثمہ ؓ ہماری مجلس میں تشریف لائے ، انہوں نے کہا : ہمیں رسول اللہ ﷺ نے حکم دیا ہے کہ جب تم پھلوں کا تخمینہ کر لو تب انہیں کاٹو اور ایک تہائی چھوڑ دیا کرو اگر تم ایک تہائی نہ چھوڑ سکو تو ایک چوتھائی ہی چھوڑ دیا کرو ۔ ابوداؤد کہتے ہیں : اندازہ لگانے والا ایک تہائی بیج بونے وغیرہ جیسے کاموں کے لیے چھوڑ دے گا ، اس کی زکاۃ نہیں لے گا ۔ ... (ص/ح)
71. سنن ابی داود --- کتاب: زکوۃ کے احکام و مسائل --- باب : جن پھلوں کو زکاۃ میں دینا جائز نہیں ان کا بیان ۔ [سنن ابی داود]
حدیث نمبر: 1607 --- حکم البانی: صحيح... سہل ؓ کہتے ہیں کہ رسول اللہ ﷺ نے « جعرور » اور « لون الحبیق » کو زکاۃ میں لینے سے منع فرمایا ، زہری کہتے ہیں : یہ دونوں مدینے کی کھجور کی قسمیں ہیں ۔ ابوداؤد کہتے ہیں : اسے ابوالولید نے بھی سلیمان بن کثیر سے انہوں نے زہری سے روایت کیا ہے ۔ ... (ض)
72. سنن ابی داود --- کتاب: زکوۃ کے احکام و مسائل --- باب : کھجور کا تخمینہ کب لگایا جائے گا ؟ [سنن ابی داود]
حدیث نمبر: 1606 --- حکم البانی: ضعيف... ام المؤمنین عائشہ ؓ خیبر کے معاملہ کا ذکر کرتے ہوئے بیان کرتی ہیں کہ نبی اکرم ﷺ عبداللہ بن رواحہ ؓ کو یہودیوں کے پاس بھیجتے تو وہ کھجور کو اس وقت اندازہ لگاتے جب وہ پکنے کے قریب ہو جاتی قبل اس کے کہ وہ کھائی جا سکے ۔ ... (ض)
73. سنن ابی داود --- کتاب: زکوۃ کے احکام و مسائل --- باب : شہد کی زکاۃ کا بیان ۔ [سنن ابی داود]
حدیث نمبر: 1602 --- حکم البانی: حسن... اس سند سے بھی عبداللہ بن عمرو ؓ سے مغیرہ ؓ کی روایت کے ہم معنی روایت ہے اس میں « إن شبابۃ بطن من فہم » کے بجائے « إن بطنا من فہم » ہے اور « من كل عشر قرب قربۃ » کے بجائے « من عشر قرب قربۃ » اور « لہم وادييہم » کے بجائے « واديين لہم » ہے ۔ ... (ص/ح)
74. سنن ابی داود --- کتاب: زکوۃ کے احکام و مسائل --- باب : درختوں پر انگور کا تخمینہ ( اندازہ ) لگانا ۔ [سنن ابی داود]
حدیث نمبر: 1604 --- حکم البانی: ضعيف... ابن شہاب سے اس سند سے بھی اسی مفہوم کی حدیث مروی ہے ابوداؤد کہتے ہیں : سعید نے عتاب سے کچھ نہیں سنا ہے ۔ ... (ض)
75. سنن ابی داود --- کتاب: زکوۃ کے احکام و مسائل --- باب : درختوں پر انگور کا تخمینہ ( اندازہ ) لگانا ۔ [سنن ابی داود]
حدیث نمبر: 1603 --- حکم البانی: ضعيف... عتاب بن اسید ؓ کہتے ہیں کہ رسول اللہ ﷺ نے انگور کا تخمینہ لگانے کا حکم دیا جیسے درخت پر کھجور کا تخمینہ لگایا جاتا ہے اور ان کی زکاۃ اس وقت لی جائے جب وہ خشک ہو جائیں جیسے کھجور کی زکاۃ سوکھنے پر لی جاتی ہے ۔ ... (ض)
76. سنن ابی داود --- کتاب: زکوۃ کے احکام و مسائل --- باب : شہد کی زکاۃ کا بیان ۔ [سنن ابی داود]
حدیث نمبر: 1601 --- حکم البانی: حسن... عبداللہ بن عمرو ؓ سے روایت ہے کہ قبیلہ شبابہ جو قبیلہ فہم کی ایک شاخ ہے ، پھر راوی نے اسی طرح ذکر کیا اور کہا : ہر دس مشک میں سے ایک مشک زکاۃ ہے ۔ سفیان بن عبداللہ ثقفی کہتے ہیں : وہ ان کے لیے دو وادیوں کو ٹھیکہ پر دیئے ہوئے تھے ، اور مزید کہتے ہیں : تو وہ لوگ انہیں اسی قدر شہد دیتے تھے جتنا وہ رسول اللہ ﷺ کو دیتے تھے اور آپ نے ان کے لیے دو وادیوں کو ٹھیکہ پر دیا تھا ۔ ... (ص/ح)
77. سنن ابی داود --- کتاب: زکوۃ کے احکام و مسائل --- باب : وقت سے پہلے زکاۃ نکال دینے کا بیان ۔ [سنن ابی داود]
حدیث نمبر: 1623 --- حکم البانی: صحيح م خ دون قوله أما شعرت... ابوہریرہ ؓ کہتے ہیں کہ نبی اکرم ﷺ نے عمر بن خطاب ؓ کو زکاۃ وصول کرنے کے لیے بھیجا تو ابن جمیل ، خالد بن ولید اور عباس ؓ نے (زکاۃ دینے سے) انکار کیا تو رسول اللہ ﷺ نے فرمایا : ” ابن جمیل اس لیے نہیں دیتا ہے کہ وہ فقیر تھا اللہ نے اس کو غنی کر دیا ، رہے خالد بن ولید تو خالد پر تم لوگ ظلم کر رہے ہو ، انہوں نے اپنی زرہیں اور سامان جنگ اللہ کی راہ میں دے رکھے ہیں ، اور رہے رسول اللہ ﷺ کے چچا عباس تو ان کی زکاۃ میرے ذمہ ہے اور اسی قدر اور ہے “ ، پھر آپ ﷺ نے فرمایا : ” کیا تمہیں نہیں معلوم کہ چچا والد کے برابر ہے “ ۔ راوی کو شک ہے « صنو الأب » کہا ، یا « صنو أبيہ » کہا ۔ ... (ص/ح)
78. سنن ابی داود --- کتاب: زکوۃ کے احکام و مسائل --- باب : زکاۃ ایک شہر سے دوسرے شہر میں لے جانا کیسا ہے ؟ [سنن ابی داود]
حدیث نمبر: 1625 --- حکم البانی: صحيح... عطا کہتے ہیں زیاد یا کسی اور امیر نے عمران بن حصین ؓ کو زکاۃ کی وصولی کے لیے بھیجا ، جب وہ لوٹ کر آئے تو اس نے عمران سے پوچھا : مال کہاں ہے ؟ انہوں نے کہا : کیا آپ نے مجھے مال لانے بھیجا تھا ؟ ہم نے اسے لیا جس طرح ہم رسول اللہ ﷺ کے عہد میں لیتے تھے ، اور اس کو صرف کر دیا جہاں ہم رسول اللہ ﷺ کے عہد میں صرف کرتے تھے ۔ ... (ص/ح)
79. سنن ابی داود --- کتاب: زکوۃ کے احکام و مسائل --- باب : رشتے داروں سے صلہ رحمی ( اچھے برتاؤ ) کا بیان ۔ [سنن ابی داود]
حدیث نمبر: 1694 --- حکم البانی: صحيح... عبدالرحمٰن بن عوف ؓ کہتے ہیں کہ میں نے رسول اللہ ﷺ کو فرماتے سنا : ” اللہ تعالیٰ نے فرمایا ہے : میں رحمن ہوں اور « رَحِم » (ناتا) ہی ہے جس کا نام میں نے اپنے نام سے مشتق کیا ہے ، لہٰذا جو اسے جوڑے گا میں اسے جوڑوں گا اور جو اسے کاٹے گا ، میں اسے کاٹ دوں گا “ ۔ ... (ص/ح)
80. سنن ابی داود --- کتاب: زکوۃ کے احکام و مسائل --- باب : ایک شخص کو کتنی زکاۃ دی جائے ؟ [سنن ابی داود]
حدیث نمبر: 1638 --- حکم البانی: صحيح... بشیر بن یسار کہتے ہیں کہ انصار کے ایک آدمی نے انہیں خبر دی جس کا نام سہل بن ابی حثمہ تھا کہ نبی اکرم ﷺ نے صدقے کے اونٹوں میں سے سو اونٹ ان کو دیت کے دیئے یعنی اس انصاری کی دیت جو خیبر میں قتل کیا گیا تھا ۔ ... (ص/ح)
|