حدیث نمبر: 1572 --- حکم البانی: صحيح... علی ؓ سے روایت ہے (زہیر کہتے ہیں : میرا خیال ہے کہ انہوں نے نبی اکرم ﷺ سے روایت کی ہے) ، آپ ﷺ نے فرمایا ہے : ” چالیسواں حصہ نکالو ، ہر چالیس (۴۰) درہم میں ایک (۱) درہم ، اور جب تک دو سو (۲۰۰) درہم پورے نہ ہوں تم پر کچھ لازم نہیں آتا ، جب دو سو (۲۰۰) درہم پورے ہوں تو ان میں پانچ (۵) درہم زکاۃ کے نکالو ، پھر جتنے زیادہ ہوں اسی حساب سے ان کی زکاۃ نکالو ، بکریوں میں جب چالیس (۴۰) ہوں تو ایک (۱) بکری ہے ، اگر انتالیس (۳۹) ہوں تو ان میں کچھ لازم نہیں “ ، پھر بکریوں کی زکاۃ اسی طرح تفصیل سے بیان کی جو زہری کی روایت میں ہے ۔ گائے بیلوں میں یہ ہے کہ ہر تیس (۳۰) گائے یا بیل پر ایک سالہ گائے دینی ہو گی اور ہر چا لیس (۴۰) میں دو سالہ گائے دینی ہو گی ، باربرداری والے گائے بیلوں میں کچھ لازم نہیں ہے ، اونٹوں کے بارے میں زکاۃ کی وہی تفصیل اسی طرح بیان کی جو زہری کی روایت میں گزری ہے ، البتہ اتنے فرق کے ساتھ کہ پچیس (۲۵) اونٹوں میں پانچ (۵) بکریاں ہوں گی ، ایک بھی زیادہ ہونے یعنی چھبیس (۲۶) ہو جانے پر پینتیس (۳۵) تک ایک (۱) بنت مخاض ہو گی ، اگر بنت مخاض نہ ہو تو ابن لبون نر ہو گا ، اور جب چھتیس (۳۶) ہو جائیں تو پینتالیس (۴۵) تک ایک (۱) بنت لبون ہے ، جب چھیالیس (۴۶) ہو جائیں تو ساٹھ (۶۰) تک ایک (۱) حقہ ہے جو نر اونٹ کے لائق ہو جاتی ہے “ ، اس کے بعد اسی طرح بیان کیا ہے جیسے زہری نے بیان کیا یہاں تک کہ جب اکیانوے (۹۱) ہو جائیں تو ایک سو بیس (۱۲۰) تک دو (۲) حقہ ہوں گی جو جفتی کے لائق ہوں ، جب اس سے زیادہ ہو جائیں تو ہر پچاس (۵۰) پر ایک (۱) حقہ دینا ہو گا ، زکاۃ کے خوف سے نہ اکٹھا مال جدا کیا جائے اور نہ جدا مال اکٹھا کیا جائے ، اسی طرح نہ کوئی بوڑھا جانور قابل قبول ہو گا اور نہ عیب دار اور نہ ہی نر ، سوائے اس کے کہ مصدق کی چاہت ہو ۔ (زمین سے ہونے والی) ، پیداوار کے سلسلے میں کہا کہ نہر یا بارش کے پانی کی سینچائی سے جو پیداوار ہوئی ہو ، اس میں دسواں حصہ لازم ہے اور جو پیداوار رہٹ سے پانی کھینچ کر کی گئی ہو ، اس میں بیسواں حصہ لیا جائے گا “ ۔ عاصم اور حارث کی ایک روایت میں ہے کہ زکاۃ ہر سال لی جائے گی ۔ زہیر کہتے ہیں : میرا خیال ہے کہ ہر سال ایک بار کہا ۔ عاصم کی روایت میں ہے : ” جب بنت مخاض اور ابن لبون بھی نہ ہو تو دس درہم یا دو بکریاں دین...

حدیث نمبر: 1582 --- حکم البانی: ضعيف... اس طریق سے بھی زکریا بن اسحاق سے یہی حدیث اسی سند سے مروی ہے اس میں مسلم بن شعبہ ہے اور اس میں ہے کہ « شافع » وہ بکری ہے جس کے پیٹ میں بچہ ہو ۔ ۱۵۸۲/م- ابوداؤد کہتے ہیں : میں نے عمرو بن حارث حمصی کی اولاد کے پاس حمص میں عبداللہ بن سالم کی کتاب میں پڑھا کہ زبیدی سے روایت ہے ، وہ کہتے ہیں : مجھے یحییٰ بن جابر نے خبر دی ہے ، انہوں نے جبیر بن نفیر سے جبیر نے عبداللہ بن معاویہ غاضری سے جو غاضرہ قیس سے ہیں ، روایت کی ہے ، وہ کہتے ہیں : نبی اکرم ﷺ نے فرمایا : ” تین باتیں ہیں جو کوئی ان کو کرے گا ایمان کا مزا چکھے گا : جو صرف اللہ کی عبادت کرے ، « لا إلہ إلا اللہ » کا اقرار کرے ، اپنے مال کی زکاۃ خوشی سے ہر سال ادا کیا کرے ، اور زکاۃ میں بوڑھا ، خارشتی ، بیمار اور گھٹیا قسم کا جانور نہ دے بلکہ اوسط درجے کا مال دے ، اس لیے کہ اللہ نے نہ تو تم سے سب سے بہتر کا مطالبہ کیا اور نہ ہی تمہیں گھٹیا مال دینے کا حکم دیا ہے “ ۔ ... (ض)

حدیث نمبر: 1590 --- حکم البانی: صحيح... عبداللہ بن ابی اوفی ؓ کہتے ہیں کہ میرے والد (ابواوفی) اصحاب شجرہ میں سے تھے ، جب نبی اکرم ﷺ کے پاس کوئی قوم اپنے مال کی زکاۃ لے کر آتی تو آپ فرماتے : اے اللہ ! آل فلاں پر رحمت نازل فرما ، میرے والد اپنی زکاۃ لے کر آپ کے پاس آئے تو آپ ﷺ نے فرمایا : ” اے اللہ ! ابواوفی کی اولاد پر رحمت نازل فرما “ ۔ ... (ص/ح)

حدیث نمبر: 1591 --- حکم البانی: حسن صحيح... عبداللہ بن عمرو ؓ سے روایت ہے کہ نبی اکرم ﷺ نے فرمایا : نہ « جلب » صحیح ہے نہ « جنب » لوگوں سے زکاۃ ان کے ٹھکانوں میں ہی لی جائے گی ۔ ... (ص/ح) ... حدیث متعلقہ ابواب: تحصیل دار کو لوگوں کے گھر جا کر زکاۃ وصول کرنی چاہیئے ۔

حدیث نمبر: 1575 --- حکم البانی: حسن... معاویہ بن حیدہ ؓ کہتے ہیں رسول اللہ ﷺ نے فرمایا : ” چرنے والے اونٹوں میں چالیس (۴۰) میں ایک (۱) بنت لبون ہے ، (زکاۃ بچانے کے خیال سے) اونٹ اپنی جگہ سے اِدھر اُدھر نہ کئے جائیں ، جو شخص ثواب کی نیت سے زکاۃ دے گا اسے اس کا اجر ملے گا ، اور جو اسے روکے گا ہم اس سے اسے وصول کر لیں گے ، اور (زکاۃ روکنے کی سزا میں) اس کا آدھا مال لے لیں گے ، یہ ہمارے رب عزوجل کے تاکیدی حکموں میں سے ایک تاکیدی حکم ہے ، آل محمد کا اس میں کوئی حصہ نہیں “ ۔ ... (ص/ح) ... حدیث متعلقہ ابواب: زکاۃ کا مذکورہ بالا نصاب اور شرح ان مویشیوں کے لیے ہے جو نصف سال سے زائد عرصہ قدرتی وسائل پر گزارہ کرتے رہے ہوں ۔

حدیث نمبر: 1564 --- حکم البانی: حسن المرفوع منه فقط... ام المؤمنین ام سلمہ ؓ کہتی ہیں میں سونے کے اوضاح پہنا کرتی تھی ، میں نے عرض کیا : اللہ کے رسول ! کیا یہ کنز ہے ؟ آپ ﷺ نے فرمایا : ” جو مال اتنا ہو جائے کہ اس کی زکاۃ دی جائے پھر اس کی زکاۃ ادا کر دی جائے وہ کنز نہیں ہے “ ۔ ... (ض)

حدیث نمبر: 1556 --- حکم البانی: صحيح ق لكن قوله ع... ابوہریرہ ؓ کہتے ہیں جب رسول اللہ ﷺ کی وفات ہو گئی ، آپ کے بعد ابوبکر ؓ خلیفہ بنائے گئے اور عربوں میں سے جن کو کافر ہونا تھا کافر ہو گئے تو عمر بن خطاب ؓ نے ابوبکر ؓ سے کہا : آپ لوگوں سے کیوں کر لڑیں گے جب کہ رسول اللہ ﷺ نے فرمایا ہے : ” مجھے حکم دیا گیا ہے کہ میں لوگوں سے جنگ کروں یہاں تک کہ وہ « لا إلہ إلا اللہ » کہیں ، لہٰذا جس نے « لا إلہ إلا اللہ » کہا اس نے مجھ سے اپنا مال اور اپنی جان محفوظ کر لی سوائے حق اسلام کے اور اس کا حساب اللہ تعالیٰ پر ہے ؟ “ ، ابوبکر ؓ نے کہا : اللہ کی قسم ! میں ہر اس شخص سے جنگ کروں گا جو نماز اور زکاۃ کے درمیان تفریق کرے گا ، اس لیے کہ زکاۃ مال کا حق ہے ، قسم اللہ کی ، یہ لوگ جس قدر رسول اللہ ﷺ کو دیتے تھے اگر اس میں سے اونٹ کے پاؤں باندھنے کی ایک رسی بھی نہیں دی تو میں ان سے جنگ کروں گا ، عمر بن خطاب ؓ کہتے ہیں : اللہ کی قسم ! اس کے سوا کچھ نہ تھا کہ میں نے سمجھا کہ اللہ تعالیٰ نے ابوبکر ؓ کا سینہ جنگ کے لیے کھول دیا ہے اور اس وقت میں نے جانا کہ یہی حق ہے ۔ ابوداؤد کہتے ہیں : یہ حدیث رباح بن زید نے روایت کی ہے اور عبدالرزاق نے معمر سے معمر نے زہری سے اسے اسی سند سے روایت کیا ہے ، اس میں بعض نے « عناقا » کی جگہ « عقالا » کہا ہے اور ابن وہب نے اسے یونس سے روایت کیا ہے اس میں « عناقا » کا لفظ ہے ۔ ابوداؤد کہتے ہیں : شعیب بن ابی حمزہ ، معمر اور زبیدی نے اس حدیث میں زہری سے « لو منعوني عناقا » نقل کیا ہے اور عنبسہ نے یونس سے انہوں نے زہری سے یہی حدیث روایت کی ہے ۔ اس میں بھی « عناقا » کا لفظ ہے ۔ ... (ص/ح)

حدیث نمبر: 1562 --- حکم البانی: ضعيف... سمرہ بن جندب ؓ سے روایت ہے انہوں نے امابعد کہا پھر کہا : رسول اللہ ﷺ ہم کو حکم دیتے تھے کہ ہم ان چیزوں میں سے زکاۃ نکالیں جنہیں ہم بیچنے کے لیے رکھتے تھے ۔ ... (ض)

حدیث نمبر: 1563 --- حکم البانی: حسن... عبداللہ بن عمرو ؓ سے روایت ہے کہ ایک عورت رسول اللہ ﷺ کی خدمت میں حاضر ہوئی ، اس کے ساتھ اس کی ایک بچی تھی ، اس بچی کے ہاتھ میں سونے کے دو موٹے موٹے کنگن تھے ، آپ ﷺ نے اس سے پوچھا : ” کیا تم ان کی زکاۃ دیتی ہو ؟ “ اس نے کہا : نہیں ، آپ ﷺ نے فرمایا : ” کیا تمہیں یہ اچھا لگے گا کہ قیامت کے روز اللہ تعالیٰ تمہیں آگ کے دو کنگن ان کے بدلے میں پہنائے “ ۔ عبداللہ بن عمرو بن العاص ؓ کہتے ہیں کہ اس عورت نے دونوں کنگن اتار کر انہیں رسول اللہ ﷺ کے سامنے ڈال دئیے اور بولی : یہ اللہ اور اس کے رسول کے لیے ہیں ۔ ... (ص/ح) ... حدیث متعلقہ ابواب: سونے اور چاندی کے زیر استعمال زیورات پر بھی زکاۃ ہے ۔

حدیث نمبر: 1573 --- حکم البانی: صحيح... علی ؓ اس حدیث کے ابتدائی کچھ حصہ کے ساتھ نبی اکرم ﷺ سے روایت کرتے ہیں آپ نے فرمایا : ” جب تمہارے پاس دو سو (۲۰۰) درہم ہوں اور ان پر ایک سال گزر جائے تو ان میں پانچ (۵) درہم زکاۃ ہو گی ، اور سونا جب تک بیس (۲۰) دینار نہ ہو اس میں تم پر زکاۃ نہیں ، جب بیس (۲۰) دینار ہو جائے اور اس پر ایک سال گزر جائے تو اس میں آدھا دینار زکاۃ ہے ، پھر جتنا زیادہ ہو اس میں اسی حساب سے زکاۃ ہو گی (یعنی چالیسواں حصہ) “ ۔ راوی نے کہا : مجھے یاد نہیں کہ « فبحساب ذلك » علی ؓ کا قول ہے یا اسے انہوں نے نبی اکرم ﷺ تک مرفوع کیا ہے ؟ اور کسی بھی مال میں زکاۃ نہیں ہے جب تک کہ اس پر سال نہ گزر جائے ، مگر جریر نے کہا ہے کہ ابن وہب اس حدیث میں نبی اکرم ﷺ سے اتنا اضافہ کرتے ہیں : ” کسی مال میں زکاۃ نہیں ہے جب تک اس پر سال نہ گزر جائے “ ۔ ... (ض)