141. سلسلہ احادیث صحیحہ --- زکوۃ، سخاوت، صدقہ، ہبہ --- مشرکین سے تحفہ لینا کیسا ہے ؟ [سلسلہ احادیث صحیحہ]
حدیث نمبر: 969 --- رقم الحديث ترقيم الباني: 1707... حکیم بن حزام کہتے ہیں کہ رسول اللہ ﷺ عہد جاہلیت میں اس کو سب سے زیادہ محبوب تھے ۔ جب آپ نے نبوت کا دعوی کیا اور مدینہ کی طرف ہجرت فرما گئے اور حکیم بن حزام ، جبکہ وہ کافر تھے ، حج کے موسم میں مکہ میں آئے اور دیکھا کہ ذی یزن کی ایک عمدہ پوشاک فروخت کی جا رہی تھی ، انہوں نے رسول اللہ ﷺ کو ہدیہ دینے کے لیے وہ خرید لی اور مدینہ پہنچ گئے ۔ جب انہوں نے یہ پوشاک بطور ہدیہ آپ ﷺ کے سامنے پیش کرنا چاہی تو آپ نے انکار کر دیا ۔ عبید اللہ کہتے ہیں : میرا خیال ہے کہ آپ ﷺ نے فرمایا : ”ہم مشرکین سے کوئی چیز قبول نہیں کرتے ، ہاں اگر آپ دینا ہی چاہتے ہیں تو ہم اسے قیمت کے بدلے خرید لیتے ہیں ۔ “ جب آپ نے ہدیہ قبول کرنے سے انکار کیا تو میں نے (قیمت کے بدلے) دے دیا ۔
142. سلسلہ احادیث صحیحہ --- زکوۃ، سخاوت، صدقہ، ہبہ --- خزانہ و بال جان بھی ہے [سلسلہ احادیث صحیحہ]
حدیث نمبر: 974 --- رقم الحديث ترقيم الباني: 558... سیدنا ابوہریرہ ؓ بیان کرتے ہیں کہ رسول اللہ ﷺ نے فرمایا : ”تمہارا خزانہ روز قیامت (زہریلے) گنجے سانپ کی شکل اختیار کر لے گا ، اس کا مالک اس سے بھاگے گا ، لیکن وہ اس کا تعاقب کرتے ہوئے کہے گا : میں تیرا خزانہ (ہی) ہوں ۔ اللہ کی قسم ! وہ اس کا تعاقب کرتا رہے گا ، یہاں تک کہ وہ اپنا ہاتھ پھیلائے گا اور وہ اسے اپنے منہ کا لقمہ بنا لے گا ۔ “
143. سلسلہ احادیث صحیحہ --- زکوۃ، سخاوت، صدقہ، ہبہ --- صدقہ کرنے سے ستر شیطان کے جبڑے ٹوٹ جائے ہیں [سلسلہ احادیث صحیحہ]
حدیث نمبر: 979 --- رقم الحديث ترقيم الباني: 1268... ابن بریدہ اپنے باپ ؓ سے روایت کرتے ہیں کہ نبی کریم ﷺ نے فرمایا : ’’جب (مسلمان) بندہ صدقہ کرتا ہے تو وہ اس کے ذریعے ستر (۷۰) شیطانوں کے جبڑے توڑ ڈالتا ہے ۔ “
144. سلسلہ احادیث صحیحہ --- زکوۃ، سخاوت، صدقہ، ہبہ --- اللہ تعالیٰ کے نام پر سوال کرنا کیسا ہے ؟ [سلسلہ احادیث صحیحہ]
حدیث نمبر: 980 --- رقم الحديث ترقيم الباني: 253... سیدنا عبداللہ بن عباس ؓ بیان کرتے ہیں کہ رسول اللہ ﷺ نے فرمایا : ”جو اللہ کا واسطہ دے کر پناہ مانگے ، اس کو پناہ دے دو اور جو اللہ کے نام پر سوال کرے تو اس کو بھی دو ۔ “
145. سلسلہ احادیث صحیحہ --- زکوۃ، سخاوت، صدقہ، ہبہ --- بخیل کم از کم اپنی ذات پر تو خرچ کرے [سلسلہ احادیث صحیحہ]
حدیث نمبر: 977 --- رقم الحديث ترقيم الباني: 1096... سیدنا ابوقتادہ ؓ سے روایت ہے کہ رسول اللہ ﷺ نے فرمایا : ”لوگو ! اللہ تعالیٰ سے اس کے دیے ہوئے مال کے عوض اپنے نفسوں کو خرید لو ، اگر کوئی کنجوسی کرے اور لوگوں کو اپنا مال نہ دے تو اپنے آپ (پر خرچ کرنے) سے ابتداء کرے اور اپنے نفس پر صدقہ کرے (اور وہ اس طرح کہ) اللہ عزوجل کے دیے ہوئے رزق میں سے کھائے اور پہنے ۔ “
146. سلسلہ احادیث صحیحہ --- زکوۃ، سخاوت، صدقہ، ہبہ --- فرع کا معنی و مفہوم اور اس کا حکم [سلسلہ احادیث صحیحہ]
حدیث نمبر: 978 --- رقم الحديث ترقيم الباني: 1996... سیدنا عبد مزنی ؓ بیان کرتے ہیں ، رسول اللہ ﷺ نے فرمایا : ”اونٹ میں بھی « فرع » ہے اور بکریوں میں بھی ۔ “
147. سلسلہ احادیث صحیحہ --- زکوۃ، سخاوت، صدقہ، ہبہ --- غلام سے بہترین نسخہ ، جسم کی بجائے روح پر زیادہ توجہ دی جائے [سلسلہ احادیث صحیحہ]
حدیث نمبر: 975 --- رقم الحديث ترقيم الباني: 1882... فضل بن حسن ضمری ، ام حکم یا ضباعہ ، جو دونوں زبیر بن عبدالمطلب کی بیٹیاں ہیں ، سے روایت کرتے ہیں ، وہ کہتی ہیں : رسول اللہ ﷺ کے پاس کچھ قیدی آئے ۔ میں ، میری بہن اور فاطمہ آپ ﷺ کے پاس گئیں ، آپ سے اپنی مشکلات کی شکایت کی اور مطالبہ کیا کہ ہمارے لیے کچھ قیدیوں کا حکم دیا جائے ۔ رسول اللہ ﷺ نے فرمایا : ”بدر کے یتیم لوگ تم سے سبقت لے گئے ہیں (اور سارے قیدی لے گئے ہیں) ، لیکن میں تمہیں ایسی چیز بتلاتا ہوں جو تمہارے لیے قیدیوں سے بہتر ہے ، (اور وہ یہ کہ) ہر نماز کے بعد تینتیس دفعہ « اللہ اكبر » کہنا ، تنتیس دفعہ « سبحان اللہ » کہنا ، تنتیس دفعہ « الحمد للہ » کہنا اور (سو کا عدد پورا کرنے کے لیے ایک دفعہ) « لا الہ الا اللہ وحدو لا شريك لہ ، لہ الملك ولہ الحمد ، وہو على كل شيء قدير » نہیں کوئی معبود برحق مگر اللہ ، وہ اکیلا ہے ، اس کا کوئی شریک نہیں ، بادشاہی اسی کی ہے اور تعریف اسی کے لیے ہے وہ ہر چیز پر قادر ہے ، کہنا ۔ “
148. سلسلہ احادیث صحیحہ --- زکوۃ، سخاوت، صدقہ، ہبہ --- حرص بدترین صفت ہے ، [سلسلہ احادیث صحیحہ]
حدیث نمبر: 976 --- رقم الحديث ترقيم الباني: 560... سیدنا ابوہریرہ ؓ بیان کرتے ہیں کہ رسول اللہ ﷺ نے فرمایا : ”سخت کنجوسی اور سخت بزدلی کسی آدمی میں پا ئے جانے والی بدترین صفات ہیں ۔ “
149. سلسلہ احادیث صحیحہ --- زکوۃ، سخاوت، صدقہ، ہبہ --- کون سا غلام آزاد کرنا افضل ہے ؟ [سلسلہ احادیث صحیحہ]
حدیث نمبر: 972 --- رقم الحديث ترقيم الباني: 3989... سیدنا ابوذر ؓ کہتے ہیں کہ میں نے نبی کریم ﷺ سے دریافت کیا کہ کون سا عمل افضل ہے ؟ آپ ﷺ نے فرمایا : ”اللہ پر ایمان لانا اور اس کے راستے میں جہاد کرنا ۔ “ میں نے کہا : کون سا غلام (آزاد کرنا) زیادہ فضلیت والا عمل ہے ؟ آپ ﷺ نے فرمایا : ”جو اپنے مالکوں کے نزدیک زیادہ قیمتی اور عمدہ ہو ۔ “ میں نے کہا : اگر میں ایسا (غلام آزاد) نہ کر سکوں تو ؟ آپ ﷺ نے فرمایا : ”کسی ہنر مند کی مدد کر دو یا کسی بے ہنر کا کام کر دو ۔ “ میں نے کہا : اگر مجھ میں یہ عمل کرنے کی بھی استطاعت نہ ہو تو ؟ آپ ﷺ نے فرمایا : ”لوگوں کو اپنے شر سے بچا کر رکھو ، یہ بھی تمہارا اپنے نفس پر صدقہ ہو گا ۔ “
150. سلسلہ احادیث صحیحہ --- زکوۃ، سخاوت، صدقہ، ہبہ --- ہاتھ کو صرف خیر و بھلائی کی طرف بڑھایا جائے [سلسلہ احادیث صحیحہ]
حدیث نمبر: 949 --- رقم الحديث ترقيم الباني: 1560... سیدنا اسود بن اصرم محاربی ؓ کہتے ہیں : میں نے کہا : اے اللہ کے رسول ! مجھے کوئی وصیت فرمائیں ۔ آپ ﷺ نے فرمایا : ”اپنے ہاتھ کو قابو میں رکھ ۔ “ اور ایک اور روایت میں ہے : ”ہاتھ کو نہ پھیلا ، مگر خیر و بھلائی کی طرف ۔ “
151. سلسلہ احادیث صحیحہ --- زکوۃ، سخاوت، صدقہ، ہبہ --- لوگوں سے مستغنی ہونے کی کوشش کی جائے [سلسلہ احادیث صحیحہ]
حدیث نمبر: 948 --- رقم الحديث ترقيم الباني: 1450... سیدنا عبداللہ بن عباس ؓ سے روایت ہے کہ رسول اللہ ﷺ نے فرمایا : ”لوگوں سے غنی (اور بے پرواہ) ہو جاؤ ، اگرچہ وہ مسواک ملنے کی صورت میں ہو ۔ “
152. سنن ابی داود --- کتاب: زکوۃ کے احکام و مسائل --- باب : رشتے داروں سے صلہ رحمی ( اچھے برتاؤ ) کا بیان ۔ [سنن ابی داود]
حدیث نمبر: 1696 --- حکم البانی: صحيح... جبیر بن مطعم ؓ کہتے ہیں کہ نبی اکرم ﷺ نے فرمایا : ” رشتہ ناتا توڑنے والا جنت میں نہیں جائے گا “ ۔ ... (ص/ح)
153. سلسلہ احادیث صحیحہ --- زکوۃ، سخاوت، صدقہ، ہبہ --- بیوی پر خرچ کرنا پھی صدقہ ہے [سلسلہ احادیث صحیحہ]
حدیث نمبر: 911 --- رقم الحديث ترقيم الباني: 982... سیدنا ابومسعود بدری ؓ سے روایت ہے کہ رسول اللہ ﷺ نے فرمایا : ”آدمی کا ثواب کی نیت سے اپنے اہل پر خرچ کرنا بھی صدقہ ہے ۔ “
154. سلسلہ احادیث صحیحہ --- زکوۃ، سخاوت، صدقہ، ہبہ --- صدقہ کرنے میں جلدی کرنا اور اس کی وجہ مال کی معمولی مقدار کے ذریعے آتش دوزخ سے بچا جا سکتا ہے [سلسلہ احادیث صحیحہ]
حدیث نمبر: 918 --- رقم الحديث ترقيم الباني: 3495... سیدنا عدی بن حاتم ؓ کہتے ہیں : میں رسول اللہ ﷺ کے پاس موجود تھا ، آپ کے پاس دو آدمی آئے ، ان میں سے ایک نے فقر و فاقہ کی اور دوسرے نے راستے کے غیر محفوظ ہونے کی شکایت کی ۔ رسول اللہ ﷺ نے فرمایا : رہا مسئلہ راستے کے غیر محفوظ ہونے کا ، تو تھوڑا عرصہ ہے ، اس کے بعد (اتنا امن ہوگا کہ) غلے والے قافلے بھی مکہ کی طرف بغیر محافظ کے روانہ ہوں گے اور جہاں تک غربت و افلاس کا تعلق ہے ، تو (اس کی فکر نہ کرو) قیامت کے برپا ہونے سے پہلے تم میں سے ایک آدمی صدقہ لے کر گھومے گا لیکن (مال و دولت کی فراوانی کی وجہ سے) وہ ایسا فرد نہیں پائے گا جو اس کا صدقہ قبول کرے ۔ (یاد رکھو کہ) تم میں سے ہر کوئی اللہ تعالیٰ کے سامنے کھڑا ہو گا اور دونوں کے درمیان پردہ ہو گا نہ ترجمانی کرنے والا ترجمان ۔ اللہ تعالیٰ پوچھے گا : کیا میں نے تجھے مال دیا تھا ؟ وہ کہے گا : کیوں نہیں ۔ پھر اللہ تعالیٰ پوچھے گا : کیا میں نے تیری طرف رسول بھیجا تھا ؟ وہ کہے گا ، کیوں نہیں ۔ پس جب وہ اپنی دائیں جانب دیکھے گا تو صرف آگ نظر آئے گی اور بائیں جانب دیکھے گا تو ادھر بھی صرف آگ نظر آئے گی ۔ ہر کوئی آگ سے بچے ، اگرچہ کھجور کے ٹکڑے کے ساتھ ، اگر وہ بھی نہ ہو تو اچھی بات کے ساتھ ۔ “
155. سلسلہ احادیث صحیحہ --- زکوۃ، سخاوت، صدقہ، ہبہ --- صدقہ فطر [سلسلہ احادیث صحیحہ]
حدیث نمبر: 917 --- رقم الحديث ترقيم الباني: 1179... سیدنا عبداللہ بن عباس ؓ کہتے ہیں کہ رسول اللہ ﷺ نے فرمایا : ”کھانے کا ایک صاع ادا کیا کرو ۔ “
156. سلسلہ احادیث صحیحہ --- زکوۃ، سخاوت، صدقہ، ہبہ --- غیر مسلم پر بھی صدقہ کیا جا سکتا ہے [سلسلہ احادیث صحیحہ]
حدیث نمبر: 915 --- رقم الحديث ترقيم الباني: 2766... سعید بن جبیر کہتے ہیں کہ رسول اللہ ﷺ نے فرمایا : ”صرف اپنے دین والوں پر صدقہ کرو ۔ “ جب اللہ تعالیٰ نے یہ آیت نازل کی : ”انہیں ہدایت پر لاکھڑا کرنا تیرے ذمہ نہیں بلکہ ہدایت اللہ تعالیٰ دیتا ہے جسے چاہتا ہے اور تم جو بھلی چیز اللہ کی راہ میں دو گے اس کا فائدہ خود پاؤ گے ، تمہیں صرف اللہ تعالیٰ کی رضا مندی کی طلب کے لیے ہی خرچ کرنا چاہے اور تم جو کچھ مال خرچ کرو گے اس کا پورا پورا بدلہ تمہیں دیا جائے گا ۔ “ (سورہ بقرہ : ۲۷۲) تو آپ ﷺ نے فرمایا : ”تمام اہل ادیان پر صدقہ کیا کرو ۔ “
157. سلسلہ احادیث صحیحہ --- زکوۃ، سخاوت، صدقہ، ہبہ --- صدقے میں اعلیٰ چیزیں پیش کی جائیں صدقہ کرتے وقت قرابتداروں کو ترجیح دی جائے [سلسلہ احادیث صحیحہ]
حدیث نمبر: 914 --- رقم الحديث ترقيم الباني: 2426... سیدہ عائشہ ؓ کہتی ہیں : نبی کریم ﷺ کو سانڈا بطور ہدیہ پیش کیا گیا ، لیکن آپ نے نہیں کھایا ۔ سیدہ عائشہ ؓ نے کہا : اے اللہ کے رسول ! ہم یہ مساکین کو کھلا دیں ؟ آپ ﷺ نے فرمایا : ”جو چیز تم خود نہیں کھاتے وہ کسی کومت کھلاؤ ۔ “
158. سلسلہ احادیث صحیحہ --- زکوۃ، سخاوت، صدقہ، ہبہ --- صدقہ فطر [سلسلہ احادیث صحیحہ]
حدیث نمبر: 916 --- رقم الحديث ترقيم الباني: 1177... عبداللہ بن ثعلبہ بن صغیر یا ثعلبہ اپنے باپ سے روایت کرتے ہیں کہ رسول اللہ ﷺ نے فرمایا : ”ہر آزاد اور غلام اور چھوٹے بڑے کی طرف سے ایک صاع گندم (جو دو آدمیوں کی طرف سے ادا کیا جائے گا) کا ، یا ایک صاع کھجور کا یا ایک صاع جو کا (بطور صدقہ فطر) ادا کرو ۔ “
159. سلسلہ احادیث صحیحہ --- زکوۃ، سخاوت، صدقہ، ہبہ --- صدقے میں اعلیٰ چیزیں پیش کی جائیں صدقہ کرتے وقت قرابتداروں کو ترجیح دی جائے [سلسلہ احادیث صحیحہ]
حدیث نمبر: 913 --- رقم الحديث ترقيم الباني: 3982... سیدنا انس بن مالک ؓ کہتے ہیں کہ سیدنا ابوطلحہ ؓ مدینہ منورہ کے انصاریوں میں کھجور کے باغات کے اعتبار سے سب سے زیادہ مالدار تھے اور انہیں اپنے مالوں میں سب سے زیادہ پسندیدہ بیرحا (نامی باغ) تھا ، یہ مسجد نبوی کے بلکل سامنے تھا ، نبی کریم ﷺ اس میں تشریف لے جاتے اور باغ میں موجود خوش گوار پانی پیتے تھے ۔ سیدنا انس ؓ بیان فرماتے ہیں کہ جب یہ آیت نازل ہوئی : ”تم ہرگز نیکی کو نہیں پہنچ سکو گے ، تاآنکہ تم اپنی پسندیدہ چیزیں خرچ کرو“ (سورۂ آل عمران : ۹۲) تو سیدنا ابوطلحہ ؓ رسول اللہ ﷺ کی خدمت میں حاضر ہوئے اور عرض کیا : اے اللہ کے رسول ! اللہ تعالیٰ نے آپ پر یہ آیت نازل فرمائی ”تم ہرگز نیکی کو نہیں پہنچ سکو گے ، تا آنکہ تم اپنی پسندیدہ چیزیں خرچ کرو“ اور مجھے اپنے مالوں میں سے سب سے زیادہ محبوب چیز بیرحا (باغ) ہے ، میں اسے اللہ کے لیے صدقہ کرتا ہوں ۔ میں اللہ تعالیٰ سے اس کے اجر و ثواب کی اور اس کے پاس اس کے ذخیرہ ہونے کی امید رکھتا ہوں ، پس آپ اللہ کی طرف سے عطا کئے گئے فہم کے مطابق جہاں مناسب سمجھیں ، اسے خرچ کر دیں ۔ رسول اللہ ﷺ نے ارشاد فرمایا : ”واہ واہ ! یہ تو بڑا نفع بخش مال ہے ، یہ تو بڑا نفع بخش ہے ! تم نے جو کچھ کہا ہے ، میں نے سن لیا ہے ۔ میری رائے یہ ہے کہ تم اسے اپنے رشتہ داروں میں تقسیم کر دو ۔ “
160. سلسلہ احادیث صحیحہ --- زکوۃ، سخاوت، صدقہ، ہبہ --- بیوی پر خرچ کرنا پھی صدقہ ہے [سلسلہ احادیث صحیحہ]
حدیث نمبر: 912 --- رقم الحديث ترقيم الباني: 729... سیدنا ابومسعودی بدری ؓ سے روایت ہے ، رسول اللہ ﷺ نے فرمایا : ”جب آدمی اپنے اہل و عیال پر ثواب کی نیت سے خرچ کرتا ہے تو وہ اس کے لیے صدقہ شمار ہوتا ہے ۔ “
|