حدیث نمبر: 3578 --- حکم البانی: صحيح ، ابن ماجة ( 1385 ) ... عثمان بن حنیف ؓ سے روایت ہے کہ ایک نابینا شخص نبی اکرم ﷺ کے پاس آیا اور کہا : آپ دعا فرما دیجئیے کہ اللہ مجھے عافیت دے ، آپ نے فرمایا : ” اگر تم چاہو تو میں دعا کروں اور اگر چاہو تو صبر کیے رہو ، کیونکہ یہ تمہارے لیے زیادہ بہتر (و سود مند) ہے “ ۔ اس نے کہا : دعا ہی کر دیجئیے ، تو آپ نے اسے حکم دیا کہ ” وہ وضو کرے ، اور اچھی طرح سے وضو کرے اور یہ دعا پڑھ کر دعا کرے : « اللہم إني أسألك وأتوجہ إليك بنبيك محمد نبي الرحمۃ إني توجہت بك إلى ربي في حاجتي ہذہ لتقضى لي اللہم فشفعہ » ” اے اللہ ! میں تجھ سے مانگتا ہوں اور تیرے نبی محمد جو نبی رحمت ہیں کے وسیلے سے تیری طرف متوجہ ہوتا ہوں ، میں نے آپ کے واسطہ سے اپنی اس ضرورت میں اپنے رب کی طرف توجہ کی ہے تاکہ تو اے اللہ ! میری یہ ضرورت پوری کر دے تو اے اللہ تو میرے بارے میں ان کی شفاعت قبول کر “ ۔ امام ترمذی کہتے ہیں : ۱- یہ حدیث حسن صحیح غریب ہے اور ہم اسے صرف اسی سند سے جانتے ہیں یعنی ابو جعفر کی روایت سے ، ۲- اور ابوجعفر خطمی ہیں ۳- اور عثمان بن حنیف یہ سہل بن حنیف کے بھائی ہیں ۔ ... (ص/ح)

حدیث نمبر: 1240 --- حکم البانی: صحيح ، ابن ماجة ( 2254 ) ... عبادہ بن صامت ؓ سے روایت ہے کہ نبی اکرم ﷺ نے فرمایا : ” سونے کو سونے سے ، چاندی کو چاندی سے ، کھجور کو کھجور سے ، گیہوں کو گیہوں سے ، نمک کو نمک سے اور جو کو جو سے برابر برابر بیچو ، جس نے زیادہ دیا یا زیادہ لیا اس نے سود کا معاملہ کیا ۔ سونے کو چاندی سے نقداً نقد ، جیسے چاہو بیچو ، گیہوں کو کھجور سے نقداً نقد جیسے چاہو بیچو ، اور جو کو کھجور سے نقداً نقد جیسے چاہو بیچو “ ۔ امام ترمذی کہتے ہیں : ۱- عبادہ ؓ کی حدیث حسن صحیح ہے ، ۲- بعض لوگوں نے اس حدیث کو خالد سے اسی سند سے روایت کیا ہے اس میں یہ ہے کہ گیہوں کو جو سے نقدا نقد جیسے چاہو بیچو ، ۳- بعض لوگوں نے اس حدیث کو خالد سے اور خالد نے ابوقلابہ سے اور ابوقلابہ نے ابوالاشعث سے اور ابوالاشعث نے عبادہ سے اور عبادہ نے نبی اکرم ﷺ سے روایت کیا ہے اور اس میں یہ اضافہ کیا ہے : خالد کہتے ہیں : ابوقلابہ نے کہا : گیہوں کو جو سے جیسے سے چاہو بیچو ۔ پھر انہوں نے پوری حدیث ذکر کی ، ۴- اس باب میں ابوسعید ، ابوہریرہ ، بلال اور انس ؓ سے بھی احادیث آئی ہیں ۔ ۵- اہل علم کا اسی پر عمل ہے ، وہ لوگ گیہوں کو گیہوں سے اور جو کو جو سے صرف برابر برابر ہی بیچنے کو جائز سمجھتے ہیں اور جب اجناس مختلف ہو جائیں تو کمی ، بیشی کے ساتھ بیچنے میں کوئی حرج نہیں بشرطیکہ بیع نقداً نقد ہو ۔ صحابہ کرام وغیرہم میں سے اہل علم کا یہی قول ہے ۔ سفیان ثوری ، شافعی ، احمد اور اسحاق بن راہویہ کا بھی یہی قول ہے ۔ شافعی کہتے ہیں : اس کی دلیل نبی اکرم ﷺ کا یہ فرمان ہے کہ جو کو گیہوں سے نقدا نقد جیسے چاہو بیچو ، ۶- اہل علم کی ایک جماعت نے جو سے بھی گیہوں کے بیچنے کو مکروہ سمجھا ہے ، الا یہ کہ وزن میں مساوی ہوں ، پہلا قول ہی زیادہ صحیح ہے ۔ ... (ص/ح)

حدیث نمبر: 662 --- حکم البانی: منكر بزيادة : ... ابوہریرہ ؓ کہتے ہیں کہ رسول اللہ ﷺ نے فرمایا : ” اللہ صدقہ قبول کرتا ہے اور اسے اپنے دائیں ہاتھ سے لیتا ہے اور اسے پالتا ہے جیسے تم میں سے کوئی اپنے گھوڑے کے بچھڑے کو پالتا ہے یہاں تک کہ لقمہ احد پہاڑ کے مثل ہو جاتا ہے ۔ اس کی تصدیق اللہ کی کتاب (قرآن) سے ہوتی ہے ، اللہ تعالیٰ فرماتا ہے « ألم يعلموا أن اللہ ہو يقبل التوبۃ عن عبادہ ويأخذ الصدقات » ” کیا انہیں نہیں معلوم کہ اللہ ہی ہے جو اپنے بندوں کی توبہ قبول کرتا ہے اور صدقات لیتا ہے “ اور « ‏ (يمحق اللہ الربا ويربي الصدقات‏ » ” اللہ سود کو مٹاتا ہے اور صدقات کو بڑھاتا ہے “ ۔ امام ترمذی کہتے ہیں : ۱- یہ حدیث حسن صحیح ہے ، ۲- نیز عائشہ ؓ سے مروی ہے کہ انہوں نے نبی اکرم ﷺ سے اسی طرح روایت کی ہے ، ۳- اہل علم میں سے بہت سے لوگوں نے اس حدیث کے بارے میں اور اس جیسی صفات کی دوسری روایات کے بارے میں اور باری تعالیٰ کے ہر رات آسمان دنیا پر اترنے کے بارے میں کہا ہے کہ ” اس سلسلے کی روایات ثابت ہیں ، ان پر ایمان لایا جائے ، ان میں کسی قسم کا وہم نہ کیا جائے گا ، اور نہ اس کی کیفیت پوچھی جائے ۔ اور اسی طرح مالک ، سفیان بن عیینہ اور عبداللہ بن مبارک سے مروی ہے ، ان لوگوں نے ان احادیث کے بارے میں کہا ہے کہ ان حدیثوں کو بلاکیفیت جاری کرو اسی طرح کا قول اہل سنت و الجماعت کے اہل علم کا ہے ، البتہ جہمیہ نے ان روایات کا انکار کیا ہے ، وہ کہتے ہیں کہ ان سے تشبیہ لازم آتی ہے ۔ اللہ تعالیٰ نے اپنی کتاب کے کئی مقامات پر ” ہاتھ ، کان ، آنکھ “ کا ذکر کیا ہے ۔ جہمیہ نے ان آیات کی تاویل کی ہے اور ان کی ایسی تشریح کی ہے جو اہل علم کی تفسیر کے خلاف ہے ، وہ کہتے ہیں کہ اللہ نے آدم کو اپنے ہاتھ سے پیدا نہیں کیا ، دراصل ہاتھ کے معنی یہاں قوت کے ہیں ۔ اسحاق بن ابراہیم بن راہویہ کہتے ہیں : تشبیہ تو تب ہو گی جب کوئی کہے : « يد كيد أو مثل يد » یا « سمع كسمع أو مثل سمع » ” یعنی اللہ کا ہاتھ ہمارے ہاتھ کی طرح ہے ، یا ہمارے ہاتھ کے مانند ہے ، اس کا کان ہمارے کان کی طرح ہے یا ہمارے کان کے مانند ہے “ تو یہ تشیبہ ہوئی ۔ (نہ کہ صرف یہ کہنا کہ اللہ کا ہاتھ ہے ، اس سے تشبیہ لازم نہیں آتی) اور جب کوئی کہے جیسے اللہ نے کہا ہے کہ اس کے ہاتھ کان اور آنکھ ہے اور یہ نہ کہے کہ وہ کیسے ہیں اور نہ یہ کہے ...

حدیث نمبر: 3055 --- حکم البانی: صحيح... عمرو بن احوص ؓ کہتے ہیں کہ میں نے نبی اکرم ﷺ کو حجۃ الوداع میں فرماتے سنا : ” لوگو ! سنو ، کون سا دن زیادہ تقدیس کا ہے “ ؟ آپ نے تین بار یہ فرمایا ، لوگوں نے کہا : حج اکبر کا دن ، آپ ﷺ نے فرمایا : ” تمہارے خون اور تمہارے مال اور تمہاری عزت و آبرو ایک دوسرے پر ایسے ہی حرام ہیں جیسے تمہارے اس دن کی ، اور تمہارے اس مہینے کی ، اور تمہارے اس شہر کی حرمت ہے ، جو کوئی جرم کرے گا ، تو اس کا مواخذہ اسی سے ہو گا ، باپ کے جرم کا مواخذہ بیٹے سے ، اور بیٹے کے جرم کا مواخذہ باپ سے نہ ہو گا ، سن لو ! شیطان اس بات سے ناامید ہو گیا ہے کہ اب تمہارے اس شہر میں کبھی اس کی عبادت کی جائے گی ، لیکن عنقریب بعض کاموں میں جن کو تم معمولی جانتے ہو ، اس کی اطاعت ہو گی ، وہ اسی سے خوش رہے گا ، سن لو ! جاہلیت کے سارے خون معاف کر دئیے گئے (اب اس کا مطالبہ و مواخذہ نہ ہو گا) اور میں حارث بن عبدالمطلب کا خون سب سے پہلے زمانہ جاہلیت کے خون میں معاف کرتا ہوں ، (جو قبیلہ بنی لیث میں دودھ پیا کرتے تھے اور قبیلہ ہذیل نے انہیں شیر خوارگی کی حالت میں قتل کر دیا تھا) سن لو ! جاہلیت کے تمام سود معاف کر دئیے گئے ، تم صرف اپنا اصل مال لے لو ، نہ تم ظلم کرو ، نہ تم پر ظلم ہو ، آگاہ رہو ، اے میری امت کے لوگو ! کیا میں نے اللہ کا حکم تمہیں پہنچا دیا ہے “ ؟ آپ ﷺ نے یہ تین بار فرمایا ، لوگوں نے عرض کیا : جی ہاں ، آپ نے پہنچا دیا ، آپ نے فرمایا : ” اے اللہ ! تو گواہ رہ “ ، اور اسے آپ نے تین بار دہرایا ۔ ... (ص/ح)

حدیث نمبر: 2260 --- حکم البانی: صحيح... مالک بن اوس بن حدثان کہتے ہیں کہ میں یہ کہتے ہوئے آیا کہ کون درہم کی بیع صرف کرتا ہے ؟ یہ سن کر طلحہ بن عبیداللہ ؓ بولے ، اور وہ عمر بن خطاب ؓ کے پاس بیٹھے تھے : لاؤ مجھے اپنا سونا دکھاؤ ، اور دے جاؤ ، پھر ذرا ٹھہر کے آنا ، جب ہمارا خزانچی آ جائے گا تو ہم تمہیں درہم دے دیں گے ، اس پر عمر ؓ نے کہا : ہرگز نہیں ، اللہ کی قسم ! یا تو اس کی چاندی دے دو ، یا اس کا سونا اسے لوٹا دو ، اس لیے کہ رسول اللہ ﷺ نے فرمایا ہے : ” چاندی کو سونے سے بیچنا سود ہے مگر جب نقدا نقد ہو “ ۔ ... (ص/ح)

حدیث نمبر: 3541 --- حکم البانی: حسن... ابوامامہ ؓ کہتے ہیں کہ نبی اکرم ﷺ نے فرمایا : ” جس نے اپنے کسی بھائی کی کوئی سفارش کی اور کی اس نے اس سفارش کے بدلے میں سفارش کرنے والے کو کوئی چیز ہدیہ میں دی اور اس نے اسے قبول کر لیا تو وہ سود کے دروازوں میں سے ایک بڑے دروازے میں داخل ہو گیا “ ۔ ... (ض)

حدیث نمبر: 3595 --- رقم الحديث ترقيم الباني: 3415... سیدنا عبداللہ بن مسعود ؓ سے روایت ہے کہ نبی کریم ﷺ نے فرمایا : ”‏‏‏‏قیامت سے پہلے سود ، زنا اور شراب عام ہو جائے گا ۔ “ ‏‏‏‏

حدیث نمبر: 4584 --- حکم البانی: صحيح... عبداللہ بن عباس ؓ کہتے ہیں کہ مجھ سے اسامہ بن زید ؓ نے بیان کیا کہ رسول اللہ ﷺ نے فرمایا : ” سود تو صرف ادھار میں ہے “ ۔ ... (ص/ح)

حدیث نمبر: 2178 --- ہم سے علی بن عبداللہ نے بیان کیا ، کہا کہ ہم سے ضحاک بن مخلد نے بیان کیا ، کہا کہ ہم سے ابن جریج نے بیان کیا ، کہا کہ مجھے عمرو بن دینار نے خبر دی ، انہیں ابوصالح زیات نے خبر دی ، اور انہوں نے ابو سعید خدری ؓ کو یہ کہتے سنا کہ دینار ، دینار کے بدلے میں اور درہم ، درہم کے بدلے میں (بیچا جا سکتا ہے) اس پر میں نے ان سے کہا کہ ابن عباس ؓ تو اس کی اجازت نہیں دیتے ۔ ابوسعید ؓ نے بیان کیا کہ پھر میں نے ابن عباس ؓ سے اس کے متعلق پوچھا کہ آپ نے یہ نبی کریم ﷺ سے سنا تھا یا کتاب اللہ میں آپ نے اسے پایا ہے ؟ انہوں نے کہا کہ ان میں سے کسی بات کا میں دعویدار نہیں ہوں ۔ رسول اللہ ﷺ (کی احادیث) کو آپ لوگ مجھ سے زیادہ جانتے ہیں ۔ البتہ مجھے اسامہ ؓ نے خبر دی تھی کہ رسول اللہ ﷺ نے فرمایا (مذکورہ صورتوں میں) سود صرف ادھار کی صورت میں ہوتا ہے ۔

‏‏‏‏ کیونکہ اللہ پاک کا ارشاد ہے کہ اللہ تعالیٰ سود کو گھٹاتا ہے اور صدقات کو بڑھاتا ہے اور اللہ تعالیٰ کسی ناشکرے گنہگار کو پسند نہیں کرتا ۔ وہ لوگ جو ایمان لائے اور نیک عمل کئے ‘ نماز قائم کی اور زکوٰۃ دی ‘ انہیں ان اعمال کا ان کے پروردگار کے یہاں ثواب ملے گا اور نہ انہیں کوئی خوف ہو گا اور نہ وہ غمگین ہوں گے ۔