حدیث نمبر: 3687 --- حکم البانی: صحيح الإسناد... سعد بن عبادہ ؓ سے روایت ہے کہ انہوں نے نبی اکرم ﷺ سے اس نذر کے متعلق مسئلہ پوچھا جو ان کی ماں کے ذمہ تھی اور اسے پوری کرنے سے پہلے ہی انتقال کر گئی تھیں ؟ رسول اللہ ﷺ نے فرمایا : ” اس نذر کو تم ان کی طرف سے پوری کر دو “ ۔ ... (ص/ح)

حدیث نمبر: 2564 --- حکم البانی: صحيح... ابوذر ؓ کہتے ہیں کہ نبی اکرم ﷺ نے فرمایا : ” تین شخص ایسے ہیں جن سے اللہ تعالیٰ قیامت کے دن نہ بات کرے گا ، نہ ان کی طرف دیکھے گا ، نہ ان کو پاک کرے گا ، اور ان کے لیے درد ناک عذاب ہو گا “ ، پھر رسول اللہ ﷺ نے یہی آیت پڑھی ۔ تو ابوذر ؓ نے کہا : وہ لوگ نامراد ہوئے ، گھاٹے میں رہے ، آپ نے فرمایا : ” (وہ تین یہ ہیں) اپنا تہبند ٹخنے کے نیچے لٹکانے والا ، جھوٹی قسمیں کھا کھا کر اپنے سامان کو رواج دینے والا ، اپنے دیے ہوئے کا احسان جتانے والا “ ۔ ... (ص/ح)

حدیث نمبر: 2571 --- حکم البانی: ضعيف... ابوذر ؓ کہتے ہیں کہ نبی اکرم ﷺ نے فرمایا : ” تین آدمی ایسے ہیں جن سے اللہ عزوجل محبت کرتا ہے ، اور تین آدمی ایسے ہیں جن سے اللہ عزوجل بغض رکھتا ہے ، رہے وہ جن سے اللہ محبت کرتا ہے تو وہ یہ ہیں : ایک شخص کچھ لوگوں کے پاس گیا ، اور اس نے ان سے اللہ کے نام پر کچھ مانگا ، اور مانگنے میں ان کے اور اپنے درمیان کسی قرابت کا واسطہ نہیں دیا ۔ لیکن انہوں نے اسے نہیں دیا ۔ تو ایک شخص ان لوگوں کے پیچھے سے مانگنے والے کے پاس آیا ۔ اور اسے چپکے سے دیا ، اس کے اس عطیہ کو صرف اللہ عزوجل جانتا ہو اور وہ جسے اس نے دیا ہے ۔ اور کچھ لوگ رات میں چلے اور جب نیند انہیں اس جیسی اور چیزوں کے مقابل میں بہت بھلی لگنے لگی ، تو ایک جگہ اترے اور اپنا سر رکھ کر سو گئے ، لیکن ایک شخص اٹھا ، اور میرے سامنے گڑگڑانے لگا اور میری آیتیں پڑھنے لگا ۔ اور ایک وہ شخص ہے جو ایک فوجی دستہ میں تھا ، دشمن سے مڈبھیڑ ہوئی ، لوگ شکست کھا کر بھاگنے لگے مگر وہ سینہ تانے ڈٹا رہا یہاں تک کہ وہ مارا گیا ، یا اللہ تعالیٰ نے اسے فتح مند کیا ۔ اور تین شخص جن سے اللہ تعالیٰ بغض رکھتا ہے یہ ہیں : ایک بوڑھا زنا کار ، دوسرا گھمنڈی فقیر ، اور تیسرا ظالم مالدار “ ۔ ... (ص/ح)