301. سنن ابی داود --- کتاب: زکوۃ کے احکام و مسائل --- باب : صدقہ فطر کتنا دیا جائے ؟ [سنن ابی داود]
حدیث نمبر: 1613 --- حکم البانی: صحيح... عبداللہ بن عمر ؓ سے روایت ہے کہ نبی اکرم ﷺ نے صدقہ فطر جو یا کھجور میں سے ہر چھوٹے بڑے اور آزاد اور غلام پر ایک صاع فرض کیا ہے ۔ موسیٰ کی روایت میں « والذكر والأنثى » بھی ہے یعنی مرد اور عورت پر بھی ۔ ابوداؤد کہتے ہیں : اس میں ایوب اور عبداللہ یعنی عمری نے اپنی اپنی روایتوں میں نافع سے « ذكر أو أنثى » کے الفاظ (نکرہ کے ساتھ) ذکر کئے ہیں ۔ ... (ص/ح)
302. سنن ابن ماجہ --- کتاب: زکاۃ و صدقات کے احکام و مسائل --- باب : صدقہ دے کر واپس لینے کا بیان ۔ [سنن ابن ماجہ]
حدیث نمبر: 2391 --- حکم البانی: صحيح... عبداللہ بن عباس ؓ کہتے ہیں کہ رسول اللہ ﷺ نے فرمایا : ” جو صدقہ دے کر واپس لے لیتا ہے اس کی مثال کتے کی ہے جو قے کرتا ہے پھر لوٹ کر اس کو کھاتا ہے “ ۔ ... (ص/ح)
303. سلسلہ احادیث صحیحہ --- زکوۃ، سخاوت، صدقہ، ہبہ --- بخیل کم از کم اپنی ذات پر تو خرچ کرے [سلسلہ احادیث صحیحہ]
حدیث نمبر: 977 --- رقم الحديث ترقيم الباني: 1096... سیدنا ابوقتادہ ؓ سے روایت ہے کہ رسول اللہ ﷺ نے فرمایا : ”لوگو ! اللہ تعالیٰ سے اس کے دیے ہوئے مال کے عوض اپنے نفسوں کو خرید لو ، اگر کوئی کنجوسی کرے اور لوگوں کو اپنا مال نہ دے تو اپنے آپ (پر خرچ کرنے) سے ابتداء کرے اور اپنے نفس پر صدقہ کرے (اور وہ اس طرح کہ) اللہ عزوجل کے دیے ہوئے رزق میں سے کھائے اور پہنے ۔ “
304. سلسلہ احادیث صحیحہ --- زکوۃ، سخاوت، صدقہ، ہبہ --- کون سا غلام آزاد کرنا افضل ہے ؟ [سلسلہ احادیث صحیحہ]
حدیث نمبر: 972 --- رقم الحديث ترقيم الباني: 3989... سیدنا ابوذر ؓ کہتے ہیں کہ میں نے نبی کریم ﷺ سے دریافت کیا کہ کون سا عمل افضل ہے ؟ آپ ﷺ نے فرمایا : ”اللہ پر ایمان لانا اور اس کے راستے میں جہاد کرنا ۔ “ میں نے کہا : کون سا غلام (آزاد کرنا) زیادہ فضلیت والا عمل ہے ؟ آپ ﷺ نے فرمایا : ”جو اپنے مالکوں کے نزدیک زیادہ قیمتی اور عمدہ ہو ۔ “ میں نے کہا : اگر میں ایسا (غلام آزاد) نہ کر سکوں تو ؟ آپ ﷺ نے فرمایا : ”کسی ہنر مند کی مدد کر دو یا کسی بے ہنر کا کام کر دو ۔ “ میں نے کہا : اگر مجھ میں یہ عمل کرنے کی بھی استطاعت نہ ہو تو ؟ آپ ﷺ نے فرمایا : ”لوگوں کو اپنے شر سے بچا کر رکھو ، یہ بھی تمہارا اپنے نفس پر صدقہ ہو گا ۔ “
305. سنن ابن ماجہ --- کتاب: زکاۃ و صدقات کے احکام و مسائل --- باب : صدقہ کئے ہوئے مال کے وارث ہونے کا بیان ۔ [سنن ابن ماجہ]
حدیث نمبر: 2395 --- حکم البانی: حسن صحيح... عبداللہ بن عمرو بن العاص ؓ کہتے ہیں کہ ایک شخص نبی اکرم ﷺ کی خدمت میں آیا اور عرض کیا : میں نے اپنی ماں کو ایک باغ دیا تھا ، اور وہ مر گئیں ، اور میرے سوا ان کا کوئی اور وارث نہیں ؟ تو آپ ﷺ نے فرمایا : ” تمہیں تمہارے صدقہ کا ثواب مل گیا ، اور تمہارا باغ بھی تمہیں واپس مل گیا “ ۔ ... (ص/ح)
306. سلسلہ احادیث صحیحہ --- زکوۃ، سخاوت، صدقہ، ہبہ --- گھوڑے اور غلام پر زکوٰۃ نہیں [سلسلہ احادیث صحیحہ]
حدیث نمبر: 960 --- رقم الحديث ترقيم الباني: 2189... سیدنا ابوہریرہ ؓ سے روایت ہے ، نبی کریم ﷺ نے فرمایا : ”گھوڑے اور غلام پر کوئی زکوٰۃ نہیں ، البتہ غلام پر صدقہ فطر ہے ۔ “
307. سنن ابن ماجہ --- کتاب: زکاۃ و صدقات کے احکام و مسائل --- باب : صدقہ دے کر واپس لینے کا بیان ۔ [سنن ابن ماجہ]
حدیث نمبر: 2390 --- حکم البانی: صحيح... عمر بن خطاب ؓ سے روایت ہے کہ رسول اللہ ﷺ نے فرمایا : ” اپنے صدقہ کو دے کر واپس نہ لو “ ۔ ... (ص/ح)
308. سلسلہ احادیث صحیحہ --- آداب اور اجازت طلب کرنا --- راستے سے تکلیف دہ چیز دور کرنا صدقہ ہے [سلسلہ احادیث صحیحہ]
حدیث نمبر: 2730 --- رقم الحديث ترقيم الباني: 1558... سیدنا ابوبرزہ اسلمی ؓ کہتے ہیں : میں نے کہا : اے اللہ کے رسول ! مجھے کوئی عمل بتائیں کہ میں اسے انجام دے سکوں ۔ آپ ﷺ نے فرمایا : ” راستے سے تکلیف دہ چیز ہٹا دیا کر ، یہ تیرے لیے صدقہ ہو گا ۔ “
309. سلسلہ احادیث صحیحہ --- زکوۃ، سخاوت، صدقہ، ہبہ --- صدقے کی افضل صورتیں [سلسلہ احادیث صحیحہ]
حدیث نمبر: 923 --- رقم الحديث ترقيم الباني: 2587... سیدنا ابوہریرہ ؓ سے مروی ہے ، نبی کریم ﷺ نے فرمایا : ” (دودھ والا جانور) بطور عطیہ دینا افضل صدقہ ہے ، جو صبح کو ایک پیالہ دودھ کا دے اور ایک شام کو ۔ “
310. سلسلہ احادیث صحیحہ --- خرید و فروخت، کمائی اور زہد کا بیان --- ہر نیکی صدقہ ہے [سلسلہ احادیث صحیحہ]
حدیث نمبر: 1157 --- رقم الحديث ترقيم الباني: 2040... ” ہر نیکی ، جو تو کسی امیر یا فقیر کے ساتھ کرے ، صدقہ ہے ۔ “ یہ حدیث سیدنا عبداللہ بن مسعود اور سیدنا جابر ؓ سے مروی ہے ۔
حدیث نمبر: 2616 --- حکم البانی: صحيح... اسلم کہتے ہیں کہ میں نے عمر ؓ کو کہتے سنا کہ میں نے (ایک آدمی کو) ایک گھوڑا اللہ کی راہ میں سواری کے لیے دیا تو اسے اس شخص نے برباد کر دیا ، تو میں نے سوچا کہ میں اسے خرید لوں ، خیال تھا کہ وہ اسے سستا ہی بیچ دے گا ، میں نے اس بارے میں رسول اللہ ﷺ سے سوال کیا ، تو آپ نے فرمایا : ” تم اسے مت خریدو گرچہ وہ تمہیں ایک ہی درہم میں دیدے ، کیونکہ صدقہ کر کے پھر اسے لینے والا کتے کی طرح ہے جو قے کر کے اسے چاٹتا ہے “ ۔ ... (ص/ح)
312. صحیح بخاری --- کتاب: زکوۃ کے مسائل کا بیان --- باب : لوگوں کو صدقہ کی ترغیب دلانا اور اس کے لیے سفارش کرنا ۔ [صحیح بخاری]
حدیث نمبر: 1433 --- ہم سے صدقہ بن فضل نے بیان کیا ‘ کہا کہ ہمیں عبدہ نے ہشام سے خبر دی ’ انہیں ان کی بیوی فاطمہ بنت منذر نے اور ان سے اسماء ؓ نے بیان کیا کہ مجھ سے نبی کریم ﷺ نے فرمایا کہ خیرات کو مت روک ورنہ تیرا رزق بھی روک دیا جائے گا ۔ ... حدیث متعلقہ ابواب: بے حساب دو گے تو اللہ بے حساب دے گا ۔
313. سنن ابی داود --- کتاب: زکوۃ کے احکام و مسائل --- باب : ایک شخص نے صدقہ دیا پھر اس کا وارث ہو گیا تو اسے لے لے ۔ [سنن ابی داود]
حدیث نمبر: 1656 --- حکم البانی: صحيح م بزيادة قضيتين أخريين... بریدہ ؓ کہتے ہیں کہ ایک عورت رسول اللہ ﷺ کے پاس آئی اور کہا : میں نے ایک لونڈی اپنی ماں کو صدقہ میں دی تھی ، اب وہ مر گئی ہیں اور وہی لونڈی چھوڑ کر گئی ہیں ، آپ ﷺ نے فرمایا : ” تمہارا اجر پورا ہو گیا ، اور وہ لونڈی تیرے پاس ترکے میں لوٹ آئی “ ۔ ... (ص/ح)
314. سنن ابن ماجہ --- کتاب: زکاۃ و صدقات کے احکام و مسائل --- باب : صدقہ و خیرات کی فضیلت کا بیان ۔ [سنن ابن ماجہ]
حدیث نمبر: 1843 --- حکم البانی: صحيح... عدی بن حاتم ؓ کہتے ہیں کہ رسول اللہ ﷺ نے فرمایا : ” اللہ تعالیٰ تم میں سے ہر شخص سے قیامت کے دن کلام کرے گا ، اور دونوں کے درمیان کوئی ترجمان نہ ہو گا ، وہ اپنے سامنے دیکھے گا تو آگ ہو گی ، دائیں جانب دیکھے گا تو اپنے اعمال کے سوا کچھ نہ پائے گا ، اور بائیں دیکھے گا تو اپنے اعمال کے سوا ادھر بھی کچھ نہ دیکھے گا ، لہٰذا تم میں سے جو جہنم سے بچ سکے تو اپنے بچاؤ کا سامان کرے ، اگرچہ کھجور کا ایک ٹکڑا ہی صدقہ کر کے “ ۔ ... (ص/ح)
315. سنن ابی داود --- کتاب: زکوۃ کے احکام و مسائل --- باب : صدقہ فطر کتنا دیا جائے ؟ [سنن ابی داود]
حدیث نمبر: 1611 --- حکم البانی: صحيح... عبداللہ بن عمر ؓ سے روایت ہے کہ رسول اللہ ﷺ نے صدقہ فطر کھجور سے ایک صاع اور جو سے ایک صاع فرض کیا ہے ، جو مسلمانوں میں سے ہر آزاد اور غلام پر ، مرد اور عورت پر (فرض) ہے ۔ ... (ص/ح)
316. سلسلہ احادیث صحیحہ --- زکوۃ، سخاوت، صدقہ، ہبہ --- مال و دولت باعث ہلاکت ہے ، الا یہ کہ . . . [سلسلہ احادیث صحیحہ]
حدیث نمبر: 943 --- رقم الحديث ترقيم الباني: 2412... سیدنا ابوسعید خدری ؓ سے روایت ہے ، رسول اللہ ﷺ نے فرمایا : ”کثیر مال و دولت والوں کے لیے ہلاکت ہے ، مگر جس نے اپنے مال کو اس طرح کیا اور اس طرح کیا اور اس طرح کیا اور اس طرح کیا ۔ دائیں طرف اور بائیں طرف اور آگے اور پیچھے (یعنی چاروں جہات میں خوب صدقہ کیا) ۔ “
317. سنن ابن ماجہ --- کتاب: زکاۃ و صدقات کے احکام و مسائل --- باب : صدقہ فطر کا بیان ۔ [سنن ابن ماجہ]
حدیث نمبر: 1829 --- حکم البانی: صحيح... ابو سعید خدری ؓ کہتے ہیں کہ جب ہم میں رسول اللہ ﷺ موجود تھے ہم تو صدقہ فطر میں ایک صاع گیہوں ، ایک صاع کھجور ، ایک صاع جو ، ایک صاع پنیر ، اور ایک صاع کشمش نکالتے تھے ، ہم ایسے ہی برابر نکالتے رہے یہاں تک کہ معاویہ ؓ ہمارے پاس مدینہ آئے ، تو انہوں نے جو باتیں لوگوں سے کیں ان میں یہ بھی تھی کہ میں شام کے گیہوں کا دو مد تمہارے غلوں کی ایک صاع کے برابر پاتا ہوں ، تو لوگوں نے اسی پر عمل شروع کر دیا ۔ ابو سعید خدری ؓ نے کہا : میں جب تک زندہ رہوں گا اسی طرح ایک صاع نکالتا رہوں گا جس طرح رسول اللہ ﷺ کے زمانہ میں نکالا کرتا تھا ۔ ... (ص/ح)
318. سنن نسائی --- کتاب: وصیت کے احکام و مسائل --- باب : میت کی طرف سے صدقہ و خیرات کی فضیلت کا بیان ۔ [سنن نسائی]
حدیث نمبر: 3681 --- حکم البانی: صحيح... ابوہریرہ ؓ سے روایت ہے کہ رسول اللہ ﷺ نے فرمایا : ” جب انسان مر جاتا ہے تو اس کا عمل بھی ختم ہو جاتا ہے سوائے تین عمل کے (جن سے اسے مرنے کے بعد بھی فائدہ پہنچتا ہے) ایک صدقہ جاریہ ، دوسرا علم جس سے لوگ فائدہ اٹھائیں ، تیسرا نیک اور صالح بیٹا جو اس کے لیے دعا کرتا رہے “ ۔ ... (ص/ح)
319. سنن نسائی --- کتاب: زکاۃ و صدقات کے احکام و مسائل --- باب : صدقہ فطر میں کشمش ( خشک انگور ) دینے کا بیان ۔ [سنن نسائی]
حدیث نمبر: 2515 --- حکم البانی: سكت عنه الشيخ... ابو سعید خدری ؓ کہتے ہیں کہ رسول اللہ ﷺ جب ہم میں تھے تو ہم صدقہ فطر گی ہوں سے ، کھجور سے ، یا جو سے ، یا پنیر سے ایک صاع نکالتے تھے ، اور ہم برابر اسی طرح نکالتے رہے ۔ یہاں تک کہ معاویہ ؓ شام سے آئے ، اور انہوں نے جو باتیں لوگوں کو بتائیں ان میں ایک بات یہ بھی تھی کہ شامی گی ہوں کے دو مد (مدینہ کے) ایک صاع کے برابر ہیں ، تو لوگوں نے اسی کو اختیار کر لیا ۔ ... (ص/ح)
320. سنن نسائی --- کتاب: زکاۃ و صدقات کے احکام و مسائل --- باب : صدقہ فطر ناپنے کے پیمانہ کا بیان ۔ [سنن نسائی]
حدیث نمبر: 2511 --- حکم البانی: شاذ... ابن سیرین کہتے ہیں کہ ابن عباس ؓ نے صدقہ فطر کا ذکر کیا ۔ تو کہا : گیہوں سے ایک صاع ، یا کھجور سے ایک صاع ، یا جو سے ایک صاع ، یا سلت (جَو کی ایک قسم ہے) سے ایک صاع ہے ۔ ... (ص/ح)
|