حدیث نمبر: 2391 --- حکم البانی: صحيح... عبداللہ بن عباس ؓ کہتے ہیں کہ رسول اللہ ﷺ نے فرمایا : ” جو صدقہ دے کر واپس لے لیتا ہے اس کی مثال کتے کی ہے جو قے کرتا ہے پھر لوٹ کر اس کو کھاتا ہے “ ۔ ... (ص/ح)

حدیث نمبر: 972 --- رقم الحديث ترقيم الباني: 3989... سیدنا ابوذر ؓ کہتے ہیں کہ میں نے نبی کریم ﷺ سے دریافت کیا کہ کون سا عمل افضل ہے ؟ آپ ﷺ نے فرمایا : ”اللہ پر ایمان لانا اور اس کے راستے میں جہاد کرنا ۔ “ میں نے کہا : کون سا غلام (آزاد کرنا) زیادہ فضلیت والا عمل ہے ؟ آپ ﷺ نے فرمایا : ”جو اپنے مالکوں کے نزدیک زیادہ قیمتی اور عمدہ ہو ۔ “ میں نے کہا : اگر میں ایسا (غلام آزاد) نہ کر سکوں تو ؟ آپ ﷺ نے فرمایا : ”کسی ہنر مند کی مدد کر دو یا کسی بے ہنر کا کام کر دو ۔ “ میں نے کہا : اگر مجھ میں یہ عمل کرنے کی بھی استطاعت نہ ہو تو ؟ آپ ﷺ نے فرمایا : ”لوگوں کو اپنے شر سے بچا کر رکھو ، یہ بھی تمہارا اپنے نفس پر صدقہ ہو گا ۔ “

حدیث نمبر: 960 --- رقم الحديث ترقيم الباني: 2189... سیدنا ابوہریرہ ؓ سے روایت ہے ، نبی کریم ﷺ نے فرمایا : ”گھوڑے اور غلام پر کوئی زکوٰۃ نہیں ، البتہ غلام پر صدقہ فطر ہے ۔ “

حدیث نمبر: 2730 --- رقم الحديث ترقيم الباني: 1558... سیدنا ابوبرزہ اسلمی ؓ کہتے ہیں : میں نے کہا : اے اللہ کے رسول ! مجھے کوئی عمل بتائیں کہ میں اسے انجام دے سکوں ۔ آپ ﷺ نے فرمایا : ” راستے سے تکلیف دہ چیز ہٹا دیا کر ، یہ تیرے لیے صدقہ ہو گا ۔ “

حدیث نمبر: 1157 --- رقم الحديث ترقيم الباني: 2040... ” ہر نیکی ، جو تو کسی امیر یا فقیر کے ساتھ کرے ، صدقہ ہے ۔ “ یہ حدیث سیدنا عبداللہ بن مسعود اور سیدنا جابر ؓ سے مروی ہے ۔

حدیث نمبر: 1433 --- ہم سے صدقہ بن فضل نے بیان کیا ‘ کہا کہ ہمیں عبدہ نے ہشام سے خبر دی ’ انہیں ان کی بیوی فاطمہ بنت منذر نے اور ان سے اسماء ؓ نے بیان کیا کہ مجھ سے نبی کریم ﷺ نے فرمایا کہ خیرات کو مت روک ورنہ تیرا رزق بھی روک دیا جائے گا ۔ ... حدیث متعلقہ ابواب: بے حساب دو گے تو اللہ بے حساب دے گا ۔

حدیث نمبر: 1843 --- حکم البانی: صحيح... عدی بن حاتم ؓ کہتے ہیں کہ رسول اللہ ﷺ نے فرمایا : ” اللہ تعالیٰ تم میں سے ہر شخص سے قیامت کے دن کلام کرے گا ، اور دونوں کے درمیان کوئی ترجمان نہ ہو گا ، وہ اپنے سامنے دیکھے گا تو آگ ہو گی ، دائیں جانب دیکھے گا تو اپنے اعمال کے سوا کچھ نہ پائے گا ، اور بائیں دیکھے گا تو اپنے اعمال کے سوا ادھر بھی کچھ نہ دیکھے گا ، لہٰذا تم میں سے جو جہنم سے بچ سکے تو اپنے بچاؤ کا سامان کرے ، اگرچہ کھجور کا ایک ٹکڑا ہی صدقہ کر کے “ ۔ ... (ص/ح)

حدیث نمبر: 943 --- رقم الحديث ترقيم الباني: 2412... سیدنا ابوسعید خدری ؓ سے روایت ہے ، رسول اللہ ﷺ نے فرمایا : ”کثیر مال و دولت والوں کے لیے ہلاکت ہے ، مگر جس نے اپنے مال کو اس طرح کیا اور اس طرح کیا اور اس طرح کیا اور اس طرح کیا ۔ دائیں طرف اور بائیں طرف اور آگے اور پیچھے (یعنی چاروں جہات میں خوب صدقہ کیا) ۔ “

حدیث نمبر: 3681 --- حکم البانی: صحيح... ابوہریرہ ؓ سے روایت ہے کہ رسول اللہ ﷺ نے فرمایا : ” جب انسان مر جاتا ہے تو اس کا عمل بھی ختم ہو جاتا ہے سوائے تین عمل کے (جن سے اسے مرنے کے بعد بھی فائدہ پہنچتا ہے) ایک صدقہ جاریہ ، دوسرا علم جس سے لوگ فائدہ اٹھائیں ، تیسرا نیک اور صالح بیٹا جو اس کے لیے دعا کرتا رہے “ ۔ ... (ص/ح)

حدیث نمبر: 2511 --- حکم البانی: شاذ... ابن سیرین کہتے ہیں کہ ابن عباس ؓ نے صدقہ فطر کا ذکر کیا ۔ تو کہا : گیہوں سے ایک صاع ، یا کھجور سے ایک صاع ، یا جو سے ایک صاع ، یا سلت (جَو کی ایک قسم ہے) سے ایک صاع ہے ۔ ... (ص/ح)