حدیث نمبر: 1826 --- حکم البانی: صحيح... عبداللہ بن عمر ؓ کہتے ہیں کہ رسول اللہ ﷺ نے صدقہ فطر میں ایک صاع کھجور یا ایک صاع جو مسلمانوں میں سے ہر ایک پر فرض کیا ، خواہ وہ آزاد ہو یا غلام ، مرد ہو یا عورت ۔ ... (ص/ح)

حدیث نمبر: 3684 --- حکم البانی: حسن... سعد بن عبادہ ؓ کہتے ہیں کہ میں نے عرض کیا : ” اللہ کے رسول ! کون سا صدقہ افضل ہے ؟ آپ ﷺ نے فرمایا : ” پانی پلانا “ ۔ ... (ض)

حدیث نمبر: 922 --- رقم الحديث ترقيم الباني: 566... سیدنا جابر ؓ بیان کرتے ہیں کہ رسول اللہ ﷺ نے فرمایا : ”کم سرمائے والے آدمی کی محنت کا صدقہ افضل ہے اور جن افراد کی کفالت کا تو ذمہ دار ہے ، (مال خرچ کرنے کے سلسلے میں) ان سے ساتھ ابتدا کر ۔ “

حدیث نمبر: 2507 --- حکم البانی: صحيح... عبداللہ بن عمر ؓ کہتے ہیں کہ رسول اللہ ﷺ نے صدقہ فطر ایک صاع کھجور یا ایک صاع جو ، ہر چھوٹے ، بڑے ، مرد ، عورت ، آزاد اور غلام پر فرض کیا ہے ۔ ... (ص/ح)

حدیث نمبر: 2474 --- حکم البانی: ضعيف... ام المؤمنین عائشہ ؓ سے روایت ہے کہ انہوں نے پوچھا : اللہ کے رسول ! کون سی ایسی چیز ہے جس کا روکنا جائز نہیں ؟ آپ ﷺ نے فرمایا : ” پانی ، نمک اور آگ “ میں نے کہا : اللہ کے رسول ! پانی تو ہمیں معلوم ہے کہ اس کا روکنا جائز اور حلال نہیں ؟ لیکن نمک اور آگ کیوں جائز نہیں ، آپ ﷺ نے فرمایا : ” اے حمیراء ! جس نے آگ دی گویا اس نے وہ تمام کھانا صدقہ کیا جو اس پر پکا ، اور جس نے نمک دیا گویا اس نے وہ تمام کھانا صدقہ کیا جس کو اس نمک نے مزے دار بنایا ، اور جس نے کسی مسلمان کو جہاں پانی ملتا ہے ، ایک گھونٹ پانی پلایا گویا اس نے ایک غلام آزاد کیا ، اور جس نے کسی مسلمان کو ایسی جگہ ایک گھونٹ پانی پلایا جہاں پانی نہ ملتا ہو گویا اس نے اس کو نئی زندگی بخشی “ ۔ ... (ض)

حدیث نمبر: 2469 --- رقم الحديث ترقيم الباني: 3599... سیدنا عیاض بن حمار ؓ سے روایت ہے ، ‏‏‏‏بے شک رسول اللہ ﷺ نے ایک دن خطبہ میں ارشاد فرمایا : ” ‏‏‏‏خبردار ! میرے رب نے مجھے حکم دیا ہے کہ میں تم کو (‏‏‏‏ان امور کی) تعلیم دوں جو تم نہیں جانتے ۔ اللہ تعالیٰ نے مجھے آج جن امور کی تعلیم دی ہے ، ان میں سے یہ بھی ہیں کہ : ہر وہ مال جو میں نے بندے کو عطا کیا ہے ، وہ حلال ہے ، اور میں نے اپنے سب بندوں کو یکسو خالص مسلمان بنایا ہے ، لیکن ا‏‏‏‏ن کے پاس شیطان آئے اور انہوں نے ا‏‏‏‏ن کو ا‏‏‏‏ن کے دین سے دور کر دیا ۔ (‏‏‏‏نتیجتاً) جو میں نے ا‏‏‏‏ن کے لیے حلال کیا تھا ، ا‏‏‏‏نہوں نے ا‏‏‏‏ن پر حرام کر دیا اور ا‏‏‏‏ن کو یہ حکم دیا کہ وہ میرے ساتھ شرک کریں ، جس کی میں نے کوئی دلیل نازل نہیں کی ۔ بلاشبہ اللہ تعالیٰ نے اہل زمین کی طرف دیکھا تو عرب و عجم سمیت تمام کو گناہگار پایا ۔ سوائے ان لوگوں کے جو اہل کتاب میں سے باقی تھے ۔ اللہ تعالیٰ نے کہا : (‏‏‏‏اے محمد !) میں نے تجھے مبعوث کیا ہے ، تاکہ تجھے آزماؤں اور تیرے ذریعے لوگوں کو آزماؤں ۔ اب میں نے تجھ پر ایسی کتاب نازل کی ہے کہ جس کو پانی نہیں دھو سکتا ، تم نیند اور بیداری (‏‏‏‏دونوں حالتوں) میں اس کی تلاوت کرتے ہو ۔ اللہ تعالیٰ نے مجھ کو یہ حکم دیا کہ میں قریش کو جلا دوں ۔ میں نے کہا : اے میرے پروردگار ! وہ تو میرا سر پھوڑ دیں گے اور اس کو (‏‏‏‏کچل کر) روٹی کی طرح بنا دیں گے ۔ اللہ نے فرمایا : تو ان کو نکال دے ، جس طرح انہوں نے تجھے نکالا اور ان سے جہاد کر ، ہم تیری مدد کریں گے اور تو خرچ کر تجھ پر خرچ کیا جائے گا اور تو ایک لشکر بھیج ہم اس کی پانچ مثل بھیجیں گے اور اپنے فرمانبرداروں کے ساتھ مل کر اپنے نافرمانوں سے لڑ ۔ اور جنتی لوگ تین طرح کے ہیں : (‏‏‏‏۱) منصف صاحب اقتدار ، جو صدقہ کرنے والا ہو اور اسے نیک کاموں کی توفیق دی گئی ہو ۔ (۲) ہر وہ شخص جو قریبی رشتہ دار اور مسلمان کے حق میں نرم دل اور رحمدل ہو ۔ (۳) ہر وہ شخص جو پاک دامن ہو اور اہل و عیال کے باوجود مانگنے سے بچنے والا اور صدقہ کرنے والا ہو ۔ اور دوزخ والے پانچ طرح کے لوگ ہیں : (‏‏‏‏۱) وہ کمزور شخص کہ جس کو بری بات سے بچنے کی توفیق نہیں ، وہ تم میں (‏‏‏‏‏‏‏‏تمہارا) فرمانبردار ہے ، وہ گھربار چاہتا ہے نہ ہی مال ۔ (‏‏‏‏۲) وہ خائن جس کی لالچ مخفی نہیں ہوتی ، جب ا‏‏‏‏...

حدیث نمبر: 2812 --- حکم البانی: صحيح... عمرہ بنت عبدالرحمٰن کہتی ہیں کہ میں نے ام المؤمنین عائشہ ؓ کو کہتے ہوئے سنا کہ رسول اللہ ﷺ کے زمانہ میں قربانی کے موقع پر (مدینہ میں) کچھ دیہاتی آ گئے تو آپ ﷺ نے فرمایا : ” تین روز تک کا گوشت رکھ لو ، جو باقی بچے صدقہ کر دو “ ، عائشہ ؓ کہتی ہیں : تو اس کے بعد جب پھر قربانی کا موقع آیا تو آپ ﷺ سے عرض کیا گیا : اللہ کے رسول ! لوگ اس سے پہلے اپنی قربانیوں سے فائدہ اٹھایا کرتے تھے ، ان کی چربی محفوظ رکھتے تھے ، ان کی کھالوں سے مشکیں بناتے تھے ، تو رسول اللہ ﷺ نے فرمایا : ” بات کیا ہے ؟ “ یا ایسے ہی کچھ کہا ، تو انہوں نے کہا : اللہ کے رسول ! آپ نے قربانی کا گوشت تین دن سے زیادہ رکھنے سے منع فرما دیا ہے ، تو رسول اللہ ﷺ نے فرمایا : ” میں نے اس وقت اس لیے منع کر دیا تھا کہ کچھ دیہاتی تمہارے پاس آ گئے تھے (اور انہیں بھی کچھ نہ کچھ کھانے کے لیے ملنا چاہیئے تھا) ، اب قربانی کے گوشت کھاؤ ، صدقہ کرو ، اور رکھ چھوڑو “ ۔ ... (ص/ح)

حدیث نمبر: 2975 --- حکم البانی: صحيح... ابوالبختری کہتے ہیں میں نے ایک شخص سے ایک حدیث سنی وہ مجھے انوکھی سی لگی ، میں نے اس سے کہا : ذرا اسے مجھے لکھ کر دو ، تو وہ صاف صاف لکھ کر لایا : علی اور عباس ؓ عمر ؓ کے پاس آ گئے اور ان کے پاس طلحہ ، زبیر ، عبدالرحمٰن اور سعد ؓ (پہلے سے) بیٹھے تھے ، یہ دونوں (یعنی عباس اور علی ؓ ) جھگڑنے لگے ، عمر ؓ نے طلحہ ، زبیر ، عبدالرحمٰن اور سعد ؓ سے کہا : کیا تم لوگوں کو معلوم نہیں کہ رسول اللہ ﷺ نے فرمایا ہے : ” نبی کا سارا مال صدقہ ہے سوائے اس کے جسے انہوں نے اپنے اہل کو کھلا دیا یا پہنا دیا ہو ، ہم لوگوں کا کوئی وارث نہیں ہوتا “ ، لوگوں نے کہا : کیوں نہیں (ہم یہ بات جانتے ہیں آپ نے ایسا ہی فرمایا ہے) اس پر عمر ؓ نے کہا : رسول اللہ ﷺ اپنے مال میں سے اپنے اہل پر صرف کرتے تھے اور جو کچھ بچ رہتا وہ صدقہ کر دیتے تھے ، پھر رسول اللہ ﷺ وفات پا گئے آپ کے بعد اس مال کے متولی ابوبکر ؓ دو سال تک رہے ، وہ ویسے ہی کرتے رہے جیسے رسول اللہ ﷺ کرتے تھے ، پھر راوی نے مالک بن اوس کی حدیث کا کچھ حصہ ذکر کیا ۔ ... (ض) ... حدیث متعلقہ ابواب: حدیث ، فرمان رسول ﷺ کا لکھنا ۔ کتابت حدیث ۔

حدیث نمبر: 3751 --- رقم الحديث ترقيم الباني: 87... سیدنا حذیفہ بن یمان ؓ سے روایت ہے کہ رسول اللہ ﷺ نے فرمایا : ”کپڑے کے بیل بوٹوں کی طرح اسلام (‏‏‏‏آہستہ آہستہ) مٹتا جائے گا ، حتیٰ کہ (‏‏‏‏لوگوں کو) یہ بھی معلوم نہیں ہو گا کہ نماز ، روزہ ، قربانی اور صدقہ (‏‏‏‏ وغیرہ) کسے کہتے ہیں ، ایک رات میں اللہ تعالیٰ کی کتاب (‏‏‏‏کے حروف) کو مٹا دیا جائے گا ، اور زمین میں ایک آیت بھی باقی نہیں رہے گی ، لوگوں میں سے جو بوڑھے مرد اور بوڑھی خواتین بچیں گی ، وہ کہیں گے ہم نے اپنے آباؤ اجداد کو یہ کلمہ « لَا إِلَـٰہَ إِلَّا اللَّـہُ » کہتے سنا اور اب ہم بھی کہہ رہے ہیں ۔ “ صلہ بن زفر نے سیدنا حذیفہ سے کہا : « لَا إِلَـٰہَ إِلَّا اللَّـہُ » سے آپ کی کیا مراد ہے ، حالانکہ وہ نماز ، روزے ، قربانی اور صدقہ سے تو ناواقف ہوں گے ؟ سیدنا حذیفہ نے اس سے منہ پھیر لیا ، اس نے تین دفعہ یہی سوال کیا ہر دفعہ سیدنا حذیفہ اعراض کرتے رہے ۔ تیسری دفعہ کہا : صلہ ! یہ کلمہ انہیں جہنم سے نجات دلائے گا ۔

حدیث نمبر: 3627 --- حکم البانی: صحيح... عمر ؓ کہتے ہیں کہ مجھے خیبر میں (حصہ میں) ایک زمین ملی ، میں رسول اللہ ﷺ کے پاس آیا اور آپ سے کہا : مجھے بہت اچھی زمین ملی ہے ، مجھے اس سے زیادہ محبوب و پسندیدہ مال (کبھی) نہ ملا تھا ، آپ نے فرمایا : ” اگر چاہو تو صدقہ کر سکتے ہو تو انہوں نے اسے بایں طور صدقہ کر دیا کہ وہ زمین نہ تو بیچی جائے گی اور نہ ہی کسی کو ہبہ کی جائے گی اور اس کی پیداوار فقیروں ، محتاجوں اور قرابت داروں میں ، گردن چھڑانے (یعنی غلام آزاد کرانے میں) ، مہمانوں کو کھلانے پلانے اور مسافروں کی مدد و امداد میں صرف کی جائے گی اور کچھ حرج نہیں اگر اس کا ولی ، نگراں ، محافظ و مہتمم اس میں سے کھائے مگر شرط یہ ہے کہ وہ معروف طریقے (انصاف و اعتدال) سے کھائے (کھانے کے نام پر لے کر) مالدار بننے کا خواہشمند نہ ہو اور دوسروں (دوستوں) کو کھلائے “ ۔ ... (ص/ح)