حدیث نمبر: 934 --- رقم الحديث ترقيم الباني: 2968... سیدنا ابوسعید خدری ؓ بیان کرتے ہیں ، نبی کریم ﷺ عیدالاضحیٰ اور عیدالفطر کے موقع پر نکلتے اور نماز سے ابتدا کرتے ، جب نماز سے سلام پھیرتے تو اپنے پاؤں پر کھڑے ہو جاتے ، لوگوں کی طرف متوجہ ہوتے اور لوگ آپ کے سامنے اپنی اپنی جگہ پر بیٹھے رہتے ۔ اگر آپ کو کوئی لشکر بھیجنے کی ضرورت یا کوئی اور حاجت ہوتی تو لوگوں کے سامنے اس کا تذکرہ کرتے اور اسے پورا کرنے کا حکم دیتے ، نیز فرماتے : ’’ صدقہ کرو ، صدقہ کرو ، صدقہ کرو ۔ “ زیادہ تر صدقہ کرنے والی عورتیں ہوتی تھیں ۔ پھر آپ ﷺ پلٹ جاتے تھے ۔

حدیث نمبر: 2449 --- حکم البانی: صحيح... انس بن مالک ؓ سے روایت ہے کہ ابوبکر ؓ نے انہیں (عاملین صدقہ کو) یہ لکھا کہ یہ صدقہ کے وہ فرائض ہیں جنہیں رسول اللہ ﷺ نے مسلمانوں پر فرض ٹھہرائے ہیں ، جن کا اللہ عزوجل نے اپنے رسول ﷺ کو حکم دیا ہے ، تو جس مسلمان سے اس کے مطابق زکاۃ طلب کی جائے تو وہ دے ، اور جس سے اس سے زیادہ مانگا جائے تو وہ نہ دے : پچیس اونٹوں سے کم میں ہر پانچ اونٹ میں ایک بکری ہے ، اور جب پچیس اونٹ ہو جائیں تو اس میں پینتیس اونٹوں تک ایک برس کی اونٹنی ہے ، اگر ایک برس کی اونٹنی نہ ہو تو دو برس کا اونٹ (نر) ہے ، اور جب چھتیس اونٹ ہو جائیں تو چھتیس سے پینتالیس تک دو برس کی اونٹنی ہے ، اور جب چھیالیس اونٹ ہو جائیں تو چھیالیس سے ساٹھ اونٹ تک میں تین برس کی اونٹنی (یعنی جو ان اونٹنی جو نر کودانے کے لائق ہو گئی ہو) ہے ، اور جب اکسٹھ اونٹ ہو جائیں تو اکسٹھ سے پچہتر اونٹوں تک میں چار برس کی اونٹنی ہے ، اور جب چھہتر اونٹ ہو جائیں تو چھہتر سے نوے اونٹوں تک میں دو دو برس کی دو اونٹنیاں ہیں ، اور جب اکیانوے ہو جائیں تو ایک سو بیس اونٹوں تک میں تین تین برس کی دو اونٹنیاں ہیں جو نر کے کودانے کے قابل ہو گئی ہوں ۔ اور جب ایک سو بیس سے زیادہ ہو گئی ہوں تو ہر چالیس اونٹ میں دو برس کی ایک اونٹنی ۔ اور ہر پچاس اونٹ میں تین برس کی ایک اونٹنی ہے ، اگر اونٹوں کی عمروں میں اختلاف ہو (یعنی زکاۃ کے لائق اونٹ نہ ہو ، اس سے بڑا یا چھوٹا ہو) مثلاً جس شخص پر چار برس کی اونٹنی لازم ہو اور اس کے پاس چار برس کی اونٹنی نہ ہو ، تین برس کی اونٹنی ہو ۔ تو تین برس کی اونٹنی ہی اس سے قبول کر لی جائے گی اور وہ ساتھ میں دو بکریاں بھی دے ۔ اگر اسے بکریاں دینے میں آسانی و سہولت ہو ، اور اگر دو بکریاں نہ دے سکتا ہو تو بیس درہم دے ۔ اور جس شخص کو تین برس کی اونٹنی دینی پڑ رہی ہو ، اور اس کے پاس تین برس کی اونٹنی نہ ہو ، چار برس کی اونٹنی ہو تو چار برس کی اونٹنی ہی قبول کر لی جائے گی ۔ اور عامل صدقہ (یعنی زکاۃ وصول کرنے والا) اسے بیس درہم واپس کرے گا ۔ یا اسے بکریاں دینے میں آسانی ہو تو دو بکریاں دے ۔ اور جس کو تین برس کی اونٹنی دینی ہو اور تین برس کی اونٹنی اس کے پاس نہ ہو اس کے پاس دو برس کی اونٹنی ہو تو وہ اس سے قبول کر لی جائے ، اور وہ اس کے ساتھ دو بکریاں اور دے ، اگر یہ اس کے لیے آسان ہو ،...

حدیث نمبر: 2583 --- حکم البانی: صحيح... سلمان بن عامر ؓ نبی اکرم ﷺ سے روایت کرتے ہیں کہ آپ نے فرمایا : ” مسکین کو صدقہ کرنا صرف صدقہ ہے ، اور رشتہ دار مسکین کو صدقہ کرنا صدقہ بھی ہے ، اور صلہ رحمی بھی “ ۔ ... (ص/ح)

حدیث نمبر: 2539 --- حکم البانی: صحيح... ابوموسیٰ اشعری ؓ کہتے ہیں کہ نبی اکرم ﷺ نے فرمایا : ” ہر مسلمان پر صدقہ ہے “ ، عرض کیا گیا : اگر کسی کو ایسی چیز نہ ہو جسے صدقہ کر سکے ؟ آپ نے فرمایا : ” اپنے ہاتھوں سے کام کرے اور اپنی ذات کو فائدہ پہنچائے ، اور صدقہ کرے “ ، کہا گیا : اگر ایسا بھی نہ کر سکے ؟ آپ نے فرمایا : ” محتاج و پریشان حال کی مدد کرے “ ، کہا گیا : اگر ایسا بھی نہ کر سکے ؟ آپ نے فرمایا : ” بھلائی اور نیک باتوں کا حکم کرے “ ، کہا گیا : اگر یہ بھی نہ کر سکے ؟ آپ نے فرمایا : ” برائیوں سے باز رہے “ ، یہ بھی ایک صدقہ ہے ۔ ... (ص/ح)

حدیث نمبر: 4582 --- ‏‏‏‏ ام المؤمنین سیدہ عائشہ ؓ سے روایت ہے ، سیدہ فاطمہ ؓ رسول اللہ ﷺ کی صاحبزادی نے رسول اللہ ﷺ کی وفات کے بعد سیدنا ابوبکر ؓ سے اپنا حصہ مانگا رسول اللہ ﷺ کے ترکہ سے جو اللہ تعالیٰ نے آپ ﷺ کو دیا تھا ۔ سیدنا ابوبکر صدیق ؓ نے کہا : رسول اللہ ﷺ نے تو یہ فرمایا ہے ۔ ”ہمارا کوئی وارث نہیں ہوتا اور جو ہم چھوڑ جائیں وہ صدقہ ہے ۔ “ اور سیدہ فاطمہ ؓ رسول اللہ ﷺ کی وفات کے بعد صرف چھ مہینے تک زندہ رہیں اور وہ اپنا حصہ مانگتی تھیں خیبر اور فدک اور مدینہ کے صدقہ میں سے ۔ سیدنا ابوبکر صدیق ؓ نے نہ دیا اور یہ کہا کہ کوئی کام جس کو رسول اللہ ﷺ کرتے تھے چھوڑنے والا نہیں ، میں ڈرتا ہوں کہیں گمراہ نہ ہو جاؤں ۔ پھر مدینہ کا صدقہ سیدنا عمر ؓ نے اپنے زمانے میں سیدنا علی اور عباس ؓ کو دے دیا لیکن سیدنا علی ؓ نے سیدنا عباس ؓ پر غلبہ کیا (یعنی اپنے قبضہ میں رکھا) اور خیبر اور فدک کو سیدنا عمر ؓ نے اپنے قبضہ میں رکھا اور یہ کہا کہ دونوں صدقہ تھے رسول اللہ ﷺ کے جو صرف ہوتے آپ ﷺ کے حقوق اور کاموں میں جو پیش آتے آپ ﷺ کو اور یہ دونوں اس کے اختیار میں رہیں گے جو حاکم ہو مسلمانوں کا پھر آج تک ایسا ہی رہا (یعنی خیبر اور فدک ہمیشہ خلیفہ وقت کے قبضہ میں رہے ۔ سیدنا علی ؓ نے بھی اپنی خلافت میں ان کو تقسیم نہیں کیا ۔ پس شیعوں کا اعتراض سیدنا ابوبکر صدیق ؓ اور سیدنا عمر فاروق ؓ پر لغو ہو گیا)

حدیث نمبر: 2531 --- حکم البانی: صحيح... ابومسعود ؓ کہتے ہیں کہ جب رسول اللہ ﷺ نے ہمیں صدقہ کا حکم دیا تو ابوعقیل ؓ نے آدھا صاع صدقہ دیا ، اور ایک اور شخص اس سے زیادہ لے کر آیا ، تو منافقین اس (پہلے شخص) کے صدقہ کے بارے میں کہنے لگے کہ اللہ تعالیٰ ایسے صدقے سے بے نیاز ہے ، اور اس دوسرے نے محض دکھاوے کے لیے دیا ہے ، تو (اس موقع پر) آیت کریمہ : « الذين يلمزون المطوعين من المؤمنين في الصدقات والذين لا يجدون إلا جہدہم‏ » ” جو لوگ دل کھول کر خیرات کرنے والے مومنین پر اور ان لوگوں پر جو صرف اپنی محنت و مزدوری سے حاصل کر کے صدقہ دیتے ہیں طعن زنی کرتے ہیں “ (التوبہ : ۷۹) نازل ہوئی ۔ ... (ص/ح)

حدیث نمبر: 1671 --- ‏‏‏‏ سیدنا ابوذر ؓ نے کہا کہ نبی ﷺ نے فرمایا : ”جب آدمی پر صبح ہوتی ہے تو اس کے ہر جوڑ پر ایک صدقہ واجب ہوتا ہے ۔ “ پھر ہر بار « سبحان اللہ » کہنا ایک صدقہ ہے ، اور ہر بار « الحمداللہ » کہنا ایک صدقہ ہے اور ہر بار « لَا إِلَـٰہَ إِلَّا اللَّـہُ » کہنا ایک صدقہ ہے ہر بار « اللہُ اكبر » کہنا صدقہ ہے اور اچھی بات کا حکم کرنا ایک صدقہ ہے ، اور بری بات سے روکنا ایک صدقہ ہے اور ان سب سے کافی ہو جاتی ہیں چاشت کی دو رکعتیں جس کو وہ پڑھ لیتا ہے ۔ “

حدیث نمبر: 2778 --- رقم الحديث ترقيم الباني: 572... سیدنا ابوذر ؓ سے روایت ہے کہ نبی کریم ﷺ نے فرمایا : ”تیرا اپنے بھائی کے سامنے مسکرانا صدقہ ہے ، نیکی کا حکم دینا صدقہ ہے ، برائی سے منع کرنا صدقہ ہے ، بےآباد زمین میں کسی آدمی کی راہنمائی کرنا صدقہ ہے ، جہاں کوئی قائد نہیں ملتا ، کمزور نظر والے آدمی کو دکھانا صدقہ ہے ، راستے سے پتھر ، کانٹا اور ہڈی (‏‏‏‏وغیرہ) دور کرنا صدقہ ہے اور اپنے ڈول کا پانی کسی بھائی کے ڈول میں ڈال دینا صدقہ ہے ۔ “ ‏‏‏‏

حدیث نمبر: 658 --- حکم البانی: ( جملة إذا أفطر ... ) ضعيف ، والصحيح من فعله صلى الله عليه وسلم ، ( جملة الصدقة على.... ) صحيح ( جملة إذا أفطر ... ) ، ابن ماجة ( 1699 ) ، ( جملة الصدقة على ... ) ، ابن ماجة ( 1844 ) // عندنا برقم ( 1494 ) //... سلمان بن عامر ؓ سے روایت ہے کہ نبی اکرم ﷺ نے فرمایا : ” جب تم میں سے کوئی روزہ افطار کرے تو کھجور سے افطار کرے ، کیونکہ اس میں برکت ہے ، اگر کھجور میسر نہ ہو تو پانی سے افطار کرے وہ نہایت پاکیزہ چیز ہے “ ، نیز فرمایا : ” مسکین پر صدقہ ، صرف صدقہ ہے اور رشتے دار پر صدقہ میں دو بھلائیاں ہیں ، یہ صدقہ بھی ہے اور صلہ رحمی بھی “ ۔ امام ترمذی کہتے ہیں : ۱- سلمان بن عامر کی حدیث حسن ہے ، ۲- سفیان ثوری نے بھی عاصم سے بطریق : « حفصۃ بنت سيرين ، عن الرباب ، عن سلمان بن عامر ، عن النبي صلى اللہ عليہ وسلم » اسی حدیث کی طرح روایت کی ہے ، ۳- نیز شعبہ نے بطریق : « عاصم ، عن حفصۃ ، عن سلمان بن عامر » روایت کی ہے اور اس میں انہوں نے رباب کا ذکر نہیں کیا ہے ، ۴- سفیان ثوری اور ابن عیینہ کی حدیث زیادہ صحیح ہے ، ۵- اسی طرح ابن عون اور ہشام بن حسان نے بھی بطریق : « حفصۃ ، عن الرباب ، عن سلمان بن عامر » روایت کی ہے ، ۶- اس باب میں عبداللہ بن مسعود ؓ کی اہلیہ زینب ، جابر اور ابوہریرہ ؓ سے بھی احادیث آئی ہیں ۔ ... (ص/ح)

حدیث نمبر: 1956 --- حکم البانی: صحيح ، الصحيحة ( 572 ) ... ابوذر ؓ کہتے ہیں کہ رسول اللہ ﷺ نے فرمایا : ” اپنے بھائی کے سامنے تمہارا مسکرانا تمہارے لیے صدقہ ہے ، تمہارا بھلائی کا حکم دینا اور برائی سے روکنا صدقہ ہے ، بھٹک جانے والی جگہ میں کسی آدمی کو تمہارا راستہ دکھانا تمہارے لیے صدقہ ہے ، نابینا اور کم دیکھنے والے آدمی کو راستہ دکھانا تمہارے لیے صدقہ ہے ، پتھر ، کانٹا اور ہڈی کو راستے سے ہٹانا تمہارے لیے صدقہ ہے ، اپنے ڈول سے اپنے بھائی کے ڈول میں تمہارا پانی ڈالنا تمہارے لیے صدقہ ہے “ ۔ امام ترمذی کہتے ہیں : ۱- یہ حدیث حسن غریب ہے ، ۲- اس باب میں ابن مسعود ، جابر ، حذیفہ ، عائشہ اور ابوہریرہ ؓ سے احادیث آئی ہیں ۔ ... (ص/ح)