حدیث نمبر: 2709 --- حکم البانی: حسن... ابوہریرہ ؓ کہتے ہیں کہ رسول اللہ ﷺ نے فرمایا : ” اللہ تعالیٰ نے تمہاری وفات کے وقت تم پر تہائی مال کا صدقہ کیا ہے ، (یعنی وصیت کی اجازت دی ہے) تاکہ تمہارے نیک اعمال میں اضافہ ہو “ ۔ ... (ض)

حدیث نمبر: 3610 --- حکم البانی: صحيح... ام المؤمنین میمونہ ؓ سے روایت ہے کہ ان کی ایک لونڈی کو صدقہ کی ایک بکری ملی تھی جو مری پڑی تھی ، نبی اکرم ﷺ کا گزر اس بکری کے پاس ہوا تو آپ ﷺ نے فرمایا : ” ان لوگوں نے اس کی کھال کیوں نہیں اتار لی کہ اسے دباغت دے کر کام میں لے آتے “ ؟ لوگوں نے عرض کیا : اللہ کے رسول ! یہ تو مردار ہے ، آپ ﷺ نے فرمایا : ” صرف اس کا کھانا حرام ہے “ ۔ ... (ص/ح)

حدیث نمبر: 3955 --- حکم البانی: صحيح... حذیفہ ؓ کہتے ہیں کہ ہم عمر ؓ کے پاس بیٹھے ہوئے تھے اتنے میں آپ نے کہا کہ تم میں سے کس کو فتنہ کے باب میں رسول اللہ ﷺ کی حدیث یاد ہے ؟ حذیفہ ؓ کہتے ہیں کہ میں نے عرض کیا : مجھ کو یاد ہے ، عمر ؓ نے کہا : تم بڑے جری اور نڈر ہو ، پھر بولے : وہ (حدیث) کیسے ہے ؟ تو انہوں نے کہا : میں نے آپ ﷺ کو فرماتے سنا ہے : ” آدمی کے لیے جو فتنہ اس کے اہل و عیال ، اولاد اور پڑوسی میں ہوتا ہے اسے نماز ، روزہ ، صدقہ ، امر بالمعروف اور نہی عن المنکر مٹا دیتے ہیں ، (یہ سن کر) عمر ؓ نے کہا : میری یہ مراد نہیں ہے ، بلکہ میری مراد وہ فتنہ ہے جو سمندر کی موج کی طرح امنڈ آئے گا ، انہوں نے کہا : امیر المؤمنین ! آپ کو اس فتنے سے کیا سروکار ، آپ کے اور اس فتنہ کے درمیان تو ایک بند دروازہ ہے ، تو انہوں نے پوچھا : کیا وہ دروازہ توڑا جائے گا یا کھولا جائے گا ، حذیفہ ؓ نے کہا : نہیں ؛ بلکہ وہ توڑ دیا جائے گا تو عمر ؓ نے کہا : تو پھر وہ کبھی بند ہونے کے قابل نہ رہے گا ۔ ابووائل شقیق بن سلمہ کہتے ہیں کہ ہم نے حذیفہ ؓ سے کہا : کیا عمر ؓ جانتے تھے کہ وہ دروازہ کون ہے ؟ جواب دیا : ہاں ، وہ ایسے ہی جانتے تھے جیسے یہ جانتے ہیں کہ کل سے پہلے رات ہے ، میں نے ان سے ایک ایسی حدیث بیان کی تھی جس میں کوئی دھوکا جھوٹ اور مغالطہٰ نہ تھا ، پھر ہمیں خوف محسوس ہوا کہ ہم حذیفہ ؓ سے یہ سوال کریں کہ اس دروازے سے کون شخص مراد ہے ؟ پھر ہم نے مسروق سے کہا : تم ان سے پوچھو ، انہوں نے پوچھا تو حذیفہ ؓ نے کہا : وہ دروازہ خود عمر ؓ ہیں (جن کی ذات تمام بلاؤں اور فتنوں کی روک تھی) ۔ ... (ص/ح)

حدیث نمبر: 4003 --- حکم البانی: صحيح... عبداللہ بن عمر ؓ کہتے ہیں کہ رسول اللہ ﷺ نے فرمایا : ” عورتوں کی جماعت ! تم صدقہ و خیرات کرو ، کثرت سے استغفار کیا کرو ، کیونکہ میں نے جہنم میں تم عورتوں کو زیادہ دیکھا ہے “ ، ان میں سے ایک سمجھ دار عورت نے سوال کیا : اللہ کے رسول ہمارے جہنم میں زیادہ ہونے کی کیا وجہ ہے ؟ ، تو آپ ﷺ نے فرمایا : ” تم لعنت و ملامت زیادہ کرتی ہو ، اور شوہر کی ناشکری کرتی ہو ، میں نے باوجود اس کے کہ تم ناقص العقل اور ناقص الدین ہو ، تم سے زیادہ مرد کی عقل کو مغلوب اور پسپا کر دینے والا کسی کو نہیں دیکھا “ ، اس عورت نے عرض کیا : اللہ کے رسول ! ہماری عقل اور دین کا نقصان کیا ہے ؟ آپ ﷺ نے فرمایا : ” تمہاری عقل کی کمی (و نقصان) تو یہ ہے کہ دو عورتوں کی گواہی ایک مرد کی گواہی کے برابر ہے ، اور دین کی کمی یہ ہے کہ تم کئی دن ایسے گزارتی ہو کہ اس میں نہ نماز پڑھ سکتی ہو ، اور نہ رمضان کے روزے رکھ سکتی ہو “ ۔ ... (ص/ح)

حدیث نمبر: 4131 --- حکم البانی: حسن صحيح... ابوہریرہ ؓ کہتے ہیں کہ نبی اکرم ﷺ نے فرمایا : ” زیادہ مال والے ہی سب سے نیچے درجے والے ہوں گے مگر جو اس طرح کرے ، اس طرح کرے اور اس طرح کرے ، (یعنی کثرت سے صدقہ و خیرات کرے) تین بار اشارہ فرمایا ۔ ... (ص/ح)

حدیث نمبر: 2710 --- حکم البانی: ضعيف... عبداللہ بن عمر ؓ کہتے ہیں کہ رسول اللہ ﷺ نے فرمایا : ” اللہ تعالیٰ فرماتا ہے : اے ابن آدم ! میں نے دو ایسی چیزیں عنایت کیں جن میں سے ایک پر بھی تمہارا حق نہیں تھا ، میں جس وقت تمہاری سانس روکوں اس وقت تمہیں مال کے ایک حصہ (یعنی تہائی مال کے صدقہ کرنے) کا اختیار دیا ، تاکہ اس کے ذریعے سے میں تمہیں پاک کروں اور تمہارا تزکیہ کروں ، دوسری چیز تمہارے مرنے کے بعد میرے بندوں کا تم پر نماز (جنازہ) پڑھنا “ ۔ ... (ض)

حدیث نمبر: 4198 --- حکم البانی: حسن... ام المؤمنین عائشہ ؓ کہتی ہیں کہ میں نے کہا : اللہ کے رسول ! « والذين يؤتون ما آتوا وقلوبہم وجلۃ » (سورۃ الومنون : 60) سے کیا وہ لوگ مراد ہیں جو زنا کرتے ہیں ، چوری کرتے ہیں اور شراب پیتے ہیں ، آپ ﷺ نے فرمایا : ” نہیں : ابوبکر کی بیٹی یا آپ ﷺ نے فرمایا : ” صدیق کی بیٹی ! اس سے مراد وہ شخص ہے جو روزے رکھتا ہے ، صدقہ دیتا ہے ، اور نماز پڑھتا ہے ، اور ڈرتا رہتا ہے کہ کہیں ایسا نہ ہو اس کا یہ عمل قبول نہ ہو “ ۔ ... (ص/ح)

حدیث نمبر: 49 --- حکم البانی: موضوع... حذیفہ ؓ کہتے ہیں کہ رسول اللہ ﷺ نے فرمایا : ” اللہ کسی بدعتی کا روزہ ، نماز ، صدقہ و زکاۃ ، حج ، عمرہ ، جہاد ، نفل و فرض کچھ بھی قبول نہیں کرتا ، وہ اسلام سے اسی طرح نکل جاتا ہے جس طرح گوندھے ہوئے آٹے سے بال نکل جاتا ہے “ ۔ ... (ض)

حدیث نمبر: 1273 --- حکم البانی: صحيح... عطاء کہتے ہیں کہ میں نے ابن عباس ؓ کو کہتے سنا کہ میں گواہی دیتا ہوں کہ رسول اللہ ﷺ نے خطبے سے پہلے نماز ادا کی ، پھر خطبہ دیا ، آپ ﷺ نے محسوس کیا کہ عورتوں تک آواز نہیں پہنچ سکی ہے لہٰذا آپ ان کے پاس آئے ، ان کو (بھی) وعظ و نصیحت کی ، اور انہیں صدقہ و خیرات کا حکم دیا ، اور بلال ؓ اپنے دونوں ہاتھوں سے اپنا دامن پھیلائے ہوئے تھے جس میں عورتیں اپنی بالیاں ، انگوٹھیاں اور دیگر سامان ڈالنے لگیں ۔ ... (ص/ح)

حدیث نمبر: 243 --- حکم البانی: ضعيف... ابوہریرہ ؓ سے روایت ہے کہ نبی اکرم ﷺ نے فرمایا : ” سب سے بہتر اور افضل صدقہ یہ ہے کہ کوئی مسلمان علم دین سیکھے ، پھر اسے اپنے مسلمان بھائی کو سکھائے “ ۔ ... (ض)