حدیث نمبر: 2343 --- حکم البانی: صحيح ، الإرواء ( 3 / 318 ) ... ابوامامہ کہتے ہیں کہ رسول ﷺ نے فرمایا : ” ابن آدم ! اگر تو اپنی حاجت سے زائد مال اللہ کی راہ میں خرچ کرے گا تو یہ تیرے لیے بہتر ہو گا ، اور اگر تو اسے روک رکھے گا تو یہ تیرے لیے برا ہو گا ، اور بقدر کفاف خرچ کرنے میں تیری ملامت نہیں کی جائے گی اور صدقہ و خیرات دیتے وقت ان لوگوں سے شروع کر جن کی کفالت تیرے ذمہ ہے ، اور اوپر والا (دینے والا) ہاتھ نیچے والے ہاتھ (مانگنے والے) سے بہتر ہے “ ۔ امام ترمذی کہتے ہیں : یہ حدیث حسن صحیح ہے ۔ ... (ص/ح)

حدیث نمبر: 2391 --- حکم البانی: صحيح ، الإرواء ( 887 ) ... ابوہریرہ یا ابو سعید خدری ؓ کہتے ہیں کہ رسول اللہ ﷺ نے فرمایا : ” سات قسم کے لوگ ایسے ہیں جنہیں اللہ تعالیٰ اس دن کہ جب اس کے (عرش کے) سائے کے علاوہ کوئی سایہ نہ ہو گا اپنے عرش کے سائے میں جگہ دے گا : ان میں سے ایک انصاف کرنے والا حکمراں ہے ، دوسرا وہ نوجوان ہے جو اللہ کی عبادت میں پلا بڑھا ، تیسرا وہ شخص ہے جس کا دل مسجد میں لگا ہوا ہو چوتھا وہ دو آدمی جنہوں نے صرف اللہ کی رضا کے لیے ایک دوسرے کے ساتھ محبت کی ، اسی کے واسطے جمع ہوتے ہیں اور اسی کے واسطے الگ ہوتے ہیں ، پانچواں وہ آدمی جو تنہائی میں اللہ کا ذکر کرے اور عذاب الٰہی کے خوف میں آنسو بہائے ، چھٹا وہ آدمی جسے خوبصورت عورت گناہ کی دعوت دے ، لیکن وہ کہے کہ مجھے اللہ کا خوف ہے ، ساتواں وہ آدمی جس نے کوئی صدقہ کیا تو اسے چھپایا یہاں تک کہ اس کے بائیں ہاتھ کو بھی نہ پتہ چلے کہ دائیں ہاتھ نے کیا خرچ کیا ۔ امام ترمذی کہتے ہیں : ۱- یہ حدیث حسن صحیح ہے ، ۲- یہ حدیث امام مالک بن انس سے اس کے علاوہ دوسری سندوں سے بھی اسی کے مثل مروی ہے ، ان میں بھی راوی نے شک کا اظہار کیا ہے اور کہا ہے « عن أبي ہريرۃ أو عن أبي سعيد » اور عبیداللہ بن عمر عمری نے اس حدیث کو خبیب بن عبدالرحمٰن سے بغیر شک کے روایت کیا ہے ، اس میں انہوں نے صرف « عن أبي ہريرۃ » کہا ہے ۔ ... (ص/ح)

حدیث نمبر: 2567 --- حکم البانی: ضعيف ، المشكاة ( 1921 / التحقيق الثاني ) // ضعيف الجامع الصغير ( 2609 ) //... عبداللہ بن مسعود ؓ سے روایت ہے کہ نبی اکرم ﷺ نے فرمایا : ” تین قسم کے لوگوں سے اللہ تعالیٰ محبت کرتا ہے : ایک وہ آدمی جو رات میں اٹھ کر اللہ کی کتاب کی تلاوت کرے ، دوسرا وہ آدمی جو اپنے داہنے ہاتھ سے صدقہ کرے اور اسے چھپائے اور تیسرا وہ آدمی جو کسی سریہ میں ہو اور ہار جانے کے بعد پھر بھی دشمنوں کا مقابلہ کرے “ ۔ امام ترمذی کہتے ہیں : یہ حدیث اس سند سے غریب ہے ، اور یہ محفوظ نہیں ہے ۔ صحیح وہ روایت ہے جسے شعبہ وغیرہ نے « عن منصور عن ربعي بن حراش عن زيد بن ظبيان عن أبي ذر عن النبي صلى اللہ عليہ وسلم » کی سند سے روایت کی ہے ، ابوبکر بن عیاش بہت غلطیاں کرتے ہیں ۔ ... (ص/ح)

حدیث نمبر: 2616 --- حکم البانی: صحيح ، ابن ماجة ( 3973 ) ... معاذ بن جبل ؓ کہتے ہیں کہ میں ایک سفر میں نبی اکرم ﷺ کے ساتھ تھا ، ایک دن صبح کے وقت میں آپ ﷺ سے قریب ہوا ، ہم سب چل رہے تھے ، میں نے آپ سے عرض کیا : اللہ کے رسول ! آپ مجھے کوئی ایسا عمل بتائیے جو مجھے جنت میں لے جائے ، اور جہنم سے دور رکھے ؟ آپ نے فرمایا : ” تم نے ایک بہت بڑی بات پوچھی ہے ۔ اور بیشک یہ عمل اس شخص کے لیے آسان ہے جس کے لیے اللہ آسان کر دے ۔ تم اللہ کی عبادت کرو اور اس کا کسی کو شریک نہ ٹھہراؤ ، نماز قائم کرو ، زکاۃ دو ، رمضان کے روزے رکھو ، اور بیت اللہ کا حج کرو “ ۔ پھر آپ نے فرمایا : ” کیا میں تمہیں بھلائی کے دروازے (راستے) نہ بتاؤں ؟ روزہ ڈھال ہے ، صدقہ گناہ کو ایسے بجھا دیتا ہے جس طرح پانی آگ کو بجھاتا ہے ، اور آدھی رات کے وقت آدمی کا نماز (تہجد) پڑھنا “ ، پھر آپ نے آیت « تتجافى جنوبہم عن المضاجع » کی تلاوت « يعملون » تک فرمائی ، آپ نے پھر فرمایا : ” کیا میں تمہیں دین کی اصل ، اس کا ستون اور اس کی چوٹی نہ بتا دوں ؟ “ میں نے کہا : کیوں نہیں ؟ اللہ کے رسول (ضرور بتائیے) آپ نے فرمایا : ” دین کی اصل اسلام ہے اور اس کا ستون (عمود) نماز ہے اور اس کی چوٹی جہاد ہے “ ۔ پھر آپ نے فرمایا : ” کیا میں تمہیں ان تمام باتوں کا جس چیز پر دارومدار ہے وہ نہ بتا دوں ؟ “ میں نے کہا : جی ہاں ، اللہ کے نبی ! پھر آپ نے اپنی زبان پکڑی ، اور فرمایا : ” اسے اپنے قابو میں رکھو “ ، میں نے کہا : اللہ کے نبی ! کیا ہم جو کچھ بولتے ہیں اس پر پکڑے جائیں گے ؟ آپ نے فرمایا : ” تمہاری ماں تم پر روئے ، معاذ ! لوگ اپنی زبانوں کے بڑ بڑ ہی کی وجہ سے تو اوندھے منہ یا نتھنوں کے بل جہنم میں ڈالے جائیں گے ؟ “ ۔ امام ترمذی کہتے ہیں : یہ حدیث حسن صحیح ہے ۔ ... (ص/ح)

حدیث نمبر: 2325 --- حکم البانی: صحيح ، ابن ماجة ( 4228 ) ... ابوکبشہ انماری ؓ کا بیان ہے کہ انہوں نے رسول اللہ ﷺ کو فرماتے ہوئے سنا : ” میں تین باتوں پر قسم کھاتا ہوں اور میں تم لوگوں سے ایک بات بیان کر رہا ہوں جسے یاد رکھو “ ، ” کسی بندے کے مال میں صدقہ دینے سے کوئی کمی نہیں آتی (یہ پہلی بات ہے) ، اور کسی بندے پر کسی قسم کا ظلم ہو اور اس پر وہ صبر کرے تو اللہ اس کی عزت کو بڑھا دیتا ہے (دوسری بات ہے) ، اور اگر کوئی شخص پہنے کے لیے سوال کا دروازہ کھولتا ہے تو اللہ اس کے لیے فقر و محتاجی کا دروازہ کھول دیتا ہے “ ۔ (یا اسی کے ہم معنی آپ نے کوئی اور کلمہ کہا) (یہ تیسری بات ہے) اور تم لوگوں سے ایک اور بات بیان کر رہا ہوں اسے بھی اچھی طرح یاد رکھو : ” یہ دنیا چار قسم کے لوگوں کے لیے ہے : ایک بندہ وہ ہے جسے اللہ تبارک و تعالیٰ نے مال اور علم کی دولت دی ، وہ اپنے رب سے اس مال کے کمانے اور خرچ کرنے میں ڈرتا ہے اور اس مال کے ذریعے صلہ رحمی کرتا ہے اور اس میں سے اللہ کے حقوق کی ادائیگی کا بھی خیال رکھتا ہے ایسے بندے کا درجہ سب درجوں سے بہتر ہے ۔ اور ایک وہ بندہ ہے جسے اللہ نے علم دیا ، لیکن مال و دولت سے اسے محروم رکھا پھر بھی اس کی نیت سچی ہے اور وہ کہتا ہے کہ کاش میرے پاس بھی مال ہوتا تو میں اس شخص کی طرح عمل کرتا لہٰذا اسے اس کی سچی نیت کی وجہ سے پہلے شخص کی طرح اجر برابر ملے گا ، اور ایک وہ بندہ ہے جسے اللہ نے مال و دولت سے نوازا لیکن اسی علم سے محروم رکھا وہ اپنے مال میں غلط روش اختیار کرتا ہے ، اس مال کے کمانے اور خرچ کرنے میں اپنے رب سے نہیں ڈرتا ہے ، نہ ہی صلہ رحمی کرتا ہے اور نہ ہی اس مال میں اللہ کے حق کا خیال رکھتا ہے تو ایسے شخص کا درجہ سب درجوں سے بدتر ہے ، اور ایک وہ بندہ ہے جسے اللہ نے مال و دولت اور علم دونوں سے محروم رکھا ، وہ کہتا ہے کاش میرے پاس مال ہوتا تو فلاں کی طرح میں بھی عمل کرتا (یعنی : برے کاموں میں مال خرچ کرتا) تو اس کی نیت کا وبال اسے ملے گا اور دونوں کا عذاب اور بار گناہ برابر ہو گا “ ۔ امام ترمذی کہتے ہیں : یہ حدیث حسن صحیح ہے ۔ ... (ض)

حدیث نمبر: 3354 --- حکم البانی: صحيح ومضى ( 2445 ) ... شخیر ؓ کہتے ہیں کہ وہ نبی اکرم ﷺ کے پاس اس وقت پہنچے جب آپ آیت « ألہاكم التكاثر » ” زیادتی کی چاہت نے تمہیں غافل کر دیا “ (التکاثر : ۱) ، تلاوت فرما رہے تھے ، آپ نے فرمایا : ” ابن آدم میرا مال ، میرا مال کہے جاتا ہے (اسی ہوس و فکر میں مرا جاتا ہے) مگر بتاؤ تو تمہیں اس سے زیادہ کیا ملا جو تم نے صدقہ دے دیا اور آگے بھیج دیا یا کھا کر ختم کر دیا یا پہن کر بوسیدہ کر دیا ۔ امام ترمذی کہتے ہیں : یہ حدیث حسن صحیح ہے ۔ ... (ص/ح)

حدیث نمبر: 3560 --- حکم البانی: ضعيف ، ابن ماجة ( 3557 ) // ضعيف سنن ابن ماجة برقم ( 782 ) ، المشكاة ( 4374 ) ، ضعيف الجامع الصغير ( 5827 ) //... ابوامامہ الباہلی ؓ کہتے ہیں کہ عمر بن خطاب نے نیا کپڑا پہنا پھر یہ دعا پڑھی « الحمد للہ الذي كساني ما أواري بہ عورتي وأتجمل بہ في حياتي » ” تمام تعریفیں اس اللہ کے لیے ہیں جس نے مجھے ایسا کپڑا پہنایا جس سے میں اپنی ستر پوشی کرتا ہوں اور اپنی زندگی میں حسن و جمال پیدا کرتا ہوں “ ، پھر انہوں نے کہا : میں نے رسول اللہ ﷺ کو کہتے ہوئے سنا : ” جس نے نیا کپڑا پہنا پھر یہ دعا پڑھی : « الحمد للہ الذي كساني ما أواري بہ عورتي وأتجمل بہ في حياتي » پھر اس نے اپنا پرانا (اتارا ہوا) کپڑا لیا اور اسے صدقہ میں دے دیا ، تو وہ اللہ کی حفاظت و پناہ میں رہے گا زندگی میں بھی اور مرنے کے بعد بھی “ ۔ امام ترمذی کہتے ہیں : یہ حدیث غریب ہے ۔ ... (ض)

حدیث نمبر: 2342 --- حکم البانی: صحيح... عبداللہ بن شخیر ؓ سے روایت ہے کہ وہ نبی اکرم ﷺ کی خدمت میں پہنچے اور آپ « ألہاكم التكاثر » کی تلاوت کر رہے تھے تو آپ نے فرمایا : ” ابن آدم کہتا ہے کہ میرا مال ، میرا مال ، حالانکہ تمہارا مال صرف وہ ہے جو تم نے صدقہ کر دیا اور اسے آگے چلا دیا ، اور کھایا اور اسے ختم کر دیا یا پہنا اور اسے پرانا کر دیا “ ۔ امام ترمذی کہتے ہیں : یہ حدیث حسن صحیح ہے ۔ ... (ص/ح)

حدیث نمبر: 3760 --- حکم البانی: صحيح بما قبله ( 3759 ) ، الإرواء ( 3 / 348 - 349 ) ... علی ؓ سے روایت ہے کہ نبی اکرم ﷺ نے عمر ؓ سے عباس ؓ کے سلسلہ میں فرمایا : ” بلاشبہہ آدمی کا چچا اس کے باپ کے مثل ہوتا ہے “ عمر ؓ نے آپ ﷺ سے ان کے صدقہ کے سلسلہ میں کوئی بات کی تھی ۔ امام ترمذی کہتے ہیں : یہ حدیث حسن صحیح ہے ۔ ... (ص/ح)

حدیث نمبر: 136 --- حکم البانی: ضعيف بهذا اللفظ ، والصحيح بلفظ : دينار أو نصف دينار ، صحيح أبي داود ( 256 ) ، ابن ماجة ( 640 ) ، ضعيف أبي داود ( 42 ) ... عبداللہ بن عباس ؓ سے روایت ہے کہ نبی اکرم ﷺ نے اس آدمی کے بارے میں جو اپنی بیوی سے حیض کی حالت میں جماع کرتا ہے فرمایا : ” وہ آدھا دینار صدقہ کرے “ ۔ ... (ض)