حدیث نمبر: 922 --- رقم الحديث ترقيم الباني: 566... سیدنا جابر ؓ بیان کرتے ہیں کہ رسول اللہ ﷺ نے فرمایا : ”کم سرمائے والے آدمی کی محنت کا صدقہ افضل ہے اور جن افراد کی کفالت کا تو ذمہ دار ہے ، (مال خرچ کرنے کے سلسلے میں) ان سے ساتھ ابتدا کر ۔ “

حدیث نمبر: 940 --- رقم الحديث ترقيم الباني: 1553... ابن اذنان کہتے ہیں کہ میں نے علقمہ کو دو ہزار درہم قرضہ دیا ، جب ادائیگی کا وقت آیا تو میں اس کے پاس گیا اور کہا : کہ مجھے میرا قرضہ ادا کرو ۔ اس نے کہا : مجھے اگلے سال تک مہلت دو ۔ (میں نے اس کی یہ بات تسلیم کر لی اور ایک سال کے بعد) قرضہ لینے کے لیے آیا ، پھر اس کے بعد تیسری دفعہ آیا ، اس نے کہا : تو مجھے تکلیف دینے پر مصر ہے ، اور تو نے مجھے روکا ہوا ہے ۔ میں نے کہا : جی ہاں ، وہ تیرا ہی عمل ہے ۔ اس نے کہا : میرا عمل کیسے ؟ میں نے کہا : کیا تو نے مجھے سیدنا عبداللہ بن مسعود ؓ سے بیان کیا تھا کہ رسول اللہ ﷺ نے فرمایا : ”قرض نصف صدقہ کے قائم مقام ہو تا ہے ؟ “ اس نے کہا : ہاں ، وہ اسی طرح ہی ہے ۔ اس نے کہا : اب لے لیجئے ۔

حدیث نمبر: 1148 --- رقم الحديث ترقيم الباني: 2038... ابوبختری کہتے ہیں : میں نے ایک آدمی سے حدیث سنی ، وہ مجھے پسند آئی ۔ میں نے اسے کہا : یہ مجھے لکھ دو ۔ اتنے میں ان کے پاس مکتوب لایا گیا ، اس میں لکھا ہوا تھا : سیدنا عباس اور سیدنا علی ؓ (آپ ﷺ کی میراث کا) مطالبہ کرنے کے لیے سیدنا عمر ؓ کے پاس گئے ، ان کے پاس سیدنا طلحہ ، سیدنا عبدالرحمٰن اور سیدنا سعد ؓ موجود تھے ۔ سیدنا عمر ؓ نے ان (چار صحابہ) سے کہا : کیا تم لوگ جانتے ہو کہ رسول اللہ ﷺ نے فرمایا : ”نبی کا سارا مال صدقہ (یعنی وقف) ہوتا ہے ، ہاں وہ اپنے اہل خانہ کو کھلا اور پہنا سکتا ہے ، (یعنی ان کا خرچ مستثنی کیا جا سکتا ہے) ، ہم (انبیاء) کے وارث نہیں بنائے جاتے ۔ “ انہوں نے کہا : کیوں نہیں (ہم نے سنی ہے) ۔ پھر سیدنا عمر ؓ نے کہا : رسول اللہ ﷺ اپنا مال اپنے اہل خانہ پر خرچ کرتے اور زائد مال کا صدقہ دیتے تھے ، پھر جب آپ ﷺ فوت ہوئے تو دو سالوں تک ابوبکر ؓ اس چیز کے نگران بنے رہے ، انہوں نے وہی کچھ کیا جو رسول اللہ ﷺ کرتے تھے ۔ پھر مالک بن اوس کی حدیث کا کچھ حصہ ذکر کیا ۔

حدیث نمبر: 3908 --- رقم الحديث ترقيم الباني: 1099... سیدنا بسر ؓ کہتے ہیں کہ رسول اللہ ﷺ نے اپنی ہتیھلی میں تھوکا اور اس پر اپنی انگلی رکھی اور فرمایا : ”اللہ تعالیٰ فرماتے ہیں : اے آدم کے بیٹے ! تو مجھے کیسے بےبس کر سکتا ہے ، میں نے تو تجھے اس قسم کے مادے سے پیدا کیا ، حتیٰ کہ تجھے ٹھیک ٹھاک کیا اور پھر (‏‏‏‏درست اور) برابر بنایا ۔ (‏‏‏‏جب تو بڑا ہوا تو) تو نے دو چادریں زیب تن کر لیں اور زمین میں خراماں خراماں چلنے لگا ، پھر مال جمع کیا اور اسے اپنے پاس روکے رکھا ، حتیٰ کہ تیرا سانس حلق تک پہنچ گیا اور تو نے یہ کہنا شروع کر دیا کہ اب میں صدقہ کرتا ہوں ، لیکن اب کہاں ہے صدقہ کرنے کا وقت ؟ “ ایک روایت میں ”حلق“ کی بجائے ”ہنسلی کی ہڈی“ کا ذکر ہے ۔

حدیث نمبر: 3454 --- رقم الحديث ترقيم الباني: 894... سیدنا عبداللہ بن عباس ؓ سے روایت ہے ، وہ کہتے ہیں : سیدنا سلمان فارسی ؓ نے مجھے اپنا واقعہ اپنی زبانی یوں بیان کیا ، وہ کہتے ہیں : میں اصبہان کا ایک فارسی باشندہ تھا ، میرا تعلق ان کی ایک جیی نامی بستی سے تھا ، میرے باپ اپنی بستی کے بہت بڑے کسان تھے اور میں اپنے باپ کے ہاں اللہ کی مخلوق میں سے سب سے زیادہ محبوب تھا ۔ میرے ساتھ ان کی محبت قائم رہی حتیٰ کہ انہوں نے مجھے گھر میں آگ کے پاس ہمیشہ رہنے والے کی حیثیت سے پابند کر دیا ، جیسے لڑکی کو پابند کر دیا جاتا ہے ۔ میں نے مجوسیت میں بڑی جدوجہد سے کام لیا ، حتیٰ کہ میں آگ کا ایسا خادم و مصاحب بنا کہ ہر وقت اس کو جلاتا رہتا تھا اور ایک لمحہ کے لیے بھی اسے بجھنے نہ دیتا تھا ۔ میرے باپ کی ایک بڑی عظیم جائیداد تھی ، انہوں نے ایک دن ایک عمارت (‏‏‏‏کے سلسلہ میں) مصروف ہونے کی وجہ سے مجھے کہا : بیٹا ! میں تو آج اس عمارت میں مشغول ہو گیا ہوں اور اپنی جائیداد (‏‏‏‏تک نہیں پہنچ پاؤں گا) ، اس لیے تم چلے جاؤ اور ذرا دیکھ کر آؤ ۔ انہوں نے اس کے بارے میں مزید چند (‏‏‏‏ احکام بھی) صادر کئے تھے ۔ پس میں اس جاگیر کے لیے نکل پڑا ، میرا گزر عیسائیوں کے ایک گرجا گھر کے پاس سے ہوا ، میں نے ان کی آوازیں سنیں وہ نماز ادا کر رہے تھے ۔ مجھے یہ علم نہ ہو سکا کہ عوام الناس کا کیا معاملہ ہے کہ میرے باپ نے مجھے اپنے گھر میں پابند کر رکھا ہے ۔ (‏‏‏‏بہرحال) جب میں ان کے پاس سے گزرا اور ان کی آوازیں سنیں تو میں ان کے پاس چلا گیا اور ان کی نقل و حرکت دیکھنے لگ گیا ۔ جب میں نے ان کو دیکھا تو مجھے ان کی نماز پسند آئی اور میں ان کے دین کی طرف راغب ہوا اور میں نے کہا : بخدا ! یہ دین اس (‏‏‏‏مجوسیت) سے بہتر ہے جس پر ہم کاربند ہیں ۔ میں نے ان سے پوچھا : اس دین کی بنیاد کہاں ہے ؟ انہوں نے کہا : شام میں ۔ پھر میں اپنے باپ کی طرف واپس آ گیا ، (‏‏‏‏چونکہ مجھے تاخیر ہو گئی تھی اس لیے) انہوں نے مجھے بلانے کے لیے کچھ لوگوں کو بھی میرے پیچھے بھیج دیا تھا ۔ میں اس مصروفیت کی وجہ سے ان کے مکمل کام کی (‏‏‏‏طرف کوئی توجہ نہ دھر سکا) ۔ جب میں ان کے پاس آیا تو انہوں نے پوچھا : بیٹا ! آپ کہاں تھے ؟ کیا میں نے ایک ذمہ داری آپ کے سپرد نہیں کی تھی ؟ میں نے کہا : ابا جان ! میں کچھ لوگوں کے پاس سے گزرا ، وہ گرجا گھر می...

حدیث نمبر: 3080 --- رقم الحديث ترقيم الباني: 100... سیدنا ابوہریرہ ؓ بیان کرتے ہیں سیدنا ابوذر ؓ نے کہا : اے اللہ کے رسول ! اجر و ثواب تو مالدار لے گئے ہیں ، (‏‏‏‏وہ اس طرح کہ) وہ نماز تو ہماری طرح پڑھتے ہیں اور روزہ بھی ہماری طرح رکھتے ہیں ، لیکن ان کے پاس زائد مال ہیں ، وہ صدقہ کرتے ہیں اور ہمارے پاس مال نہیں کہ ہم صدقہ کریں ۔ رسول اللہ ﷺ نے فرمایا : ”ابوذر ! کیا میں تجھے ایسے کلمات نہ سکھا دوں کہ جن کے ذریعے تو سبقت لے جانے والے پہلے لوگوں کو پالے گا اور بعد میں آنے والوں میں سے کوئی بھی تیرے مقام کو نہیں پہنچ سکے گا ، البتہ وہ شخص جو تیری طرح عمل کرے گا ۔ ہر نماز کے بعد تینتیس دفعہ « اللہ اكبر » ، تینتیس دفعہ « الحمد للہ » اور تینتیس دفعہ « سبحان اللہ » اور آخر میں یہ کلمہ پڑھے : « لا إلہ إلا اللہ وحدہ لا شريك لہ ، لہ الملك ولہ الحمد وہو على كل شيء قدير » نہیں کوئی معبود برحق مگر اللہ تعالیٰ ، وہ اکیلا ہے ، اس کا کوئی شریک نہیں ، بادشاہت اسی کی ہے ، ساری تعریف اسی کے لیے ہے اور وہ ہر چیز پر قادر ہے ۔ جو آدمی یہ عمل کرے گا اس کے گناہ بخش دیے جائیں گے اگرچہ وہ سمندر کی جھاگ کے برابر ہوں ۔ “

حدیث نمبر: 1174 --- رقم الحديث ترقيم الباني: 2354... سیدنا عبداللہ بن ا‏‏‏‏نیس ؓ سے روایت ہے کہ اس کی اور سیدنا عمر بن خطاب ؓ کی صدقہ کے موضوع پر بحث ہوئی ۔ سیدنا عمر ؓ نے کہا : ’’ کیا تم نے سنا تھا کہ جب رسول اللہ ﷺ صدقے کی خیانت کا ذکر کر رہے تھے ، تو فرمایا تھا : ”جس نے (‏‏‏‏ ‏‏‏‏صدقہ میں سے) اونٹ یا بکری کی خیانت کی تو قیامت والے دن وہ اس کو اٹھا کر لائے گا ۔ “ ؟ سیدنا عبداللہ بن انیس ؓ نے کہا : کیوں نہیں ۔

حدیث نمبر: 2991 --- رقم الحديث ترقيم الباني: 1316... سیدہ ام ہانی بنت ابوطالب ؓ بیان کرتی ہیں کہ رسول اللہ ﷺ میرے پاس سے گزرے ، میں نے کہا : اے اللہ کے رسول ! میں بوڑھی اور کمزور ہو گئی ہوں ، آپ مجھے ایسا عمل بتائیں جو میں بیٹھ کر کر سکوں ۔ آپ ﷺ نے فرمایا : ” سو دفعہ « سبحان اللہ » کہا کر ، یہ ذکر تیرے لیے اسماعیل ‏‏‏‏علیہ السلام کی اولاد کے ان سو غلاموں سے بہتر ہے جنہیں تو آزاد کرے ۔ سو دفعہ « الحمد للہ » کہا کر ، یہ ذکر تیرے لیے ان سو زین شدہ اور لگام شدہ گھوڑوں سے بہتر ہے جن کا تو اللہ کے راستے میں صدقہ کرے ۔ سو دفعہ « اللہ اكبر » کہا کر ، یہ ذکر تیرے لیے قلادے والی اللہ تعالیٰ کے ہاں مقبول ان سو اونٹنیوں سے بہتر ہے جنہیں مکہ میں ذبح کیا جائے ۔ سو دفعہ « لا الہ الا اللہ » کہا کر ، یہ ذکر آسمان و زمین کے درمیانی خلا کو (‏‏‏‏ثواب) سے بھر دے گا اور اس دن (‏‏‏‏اس عمل کے مقابلے) میں کسی کو کوئی عمل نہیں ہو گا جو آسمان کی طرف بلند ہو سوائے اس آدمی کے عمل کے جو تیری طرح کا عمل کرے ۔ “

حدیث نمبر: 1119 --- رقم الحديث ترقيم الباني: 7... سیدنا انس ؓ بیاں کرتے ہیں کہ نبی کریم ﷺ نے فرمایا : ”جو بھی مسلمان پودا لگائے گا یا کھیتی باڑی کرے گا اور اس سے جو پرند ، انسان یا کوئی چوپایہ کھائے گا ، تو وہ اس کے لیے صدقہ ہو گا ۔ “

حدیث نمبر: 3079 --- رقم الحديث ترقيم الباني: 3308... رسول اللہ ﷺ نے فرمایا : کیا میں تمہیں ایسی چیز نہ بتلاؤں جس کے ذریعے تم اپنے سے پہلوں کو پالو گے ، بعد والے تمہارے (‏‏‏‏مرتبے کو) نہ پہنچ سکیں گے اور تم تمام لوگوں میں بہترین قرار پاؤ گے ، مگر وہی شخص جو اسی طرح کا عمل کرے گا ۔ (‏‏‏‏ ‏‏‏‏عمل یہ ہے) تم لوگ ہر نماز کے بعد « سبحان اللہ » ، « الحمد للہ » اور « اللہ اكبر » تینتیس تینتیس دفعہ کہا کرو ۔ “ یہ حدیث سیدنا ابوہریرہ ، سیدنا ابوذر ، سیدنا ابودردا ، سیدنا ابن عباس اور سیدنا ابن عمر ؓ سے مروی ہے ۔ سیدنا ابوہریرہ ؓ کی حدیث ، جسے ان سے ابوصالح نے روایت ہے ، فقراء لوگ ، نبی کریم ﷺ کے پاس آئے اور عرض کیا کہ بلند درجے اور ہمیشہ رہنے والی نعمتیں تو مالدار لوگ لے گئے ، وہ نماز تو ہماری طرح پڑھتے ہیں اور روزہ بھی ہماری طرح رکھتے ہیں ۔ لیکن ان کے لیے مالوں سے حاصل ہونے والی فضیلت زیادہ ہے ، وہ حج کرتے ہیں ، عمرہ کرتے ہیں ، جہاد کرتے ہیں اور صدقہ کرتے ہیں ۔ راوی کہتا ہے : . . . (‏‏‏‏اوپر والی حدیث ذکر کی) (‏‏‏‏تسبیحات کی تعداد کے بارے میں) ہم اختلاف میں پڑھ گئے ، کوئی کہتا کہ تینتیس دفعہ « سبحان اللہ » تینتیس دفعہ « الحمد للہ » اور چونتیس دفعہ « اللہ اكبر » کہنا ہے (‏‏‏‏اور کوئی کچھ اور کہتا) ۔ میں آپ ﷺ کے پاس گیا اور (‏‏‏‏سارا مسئلہ ذکر کیا تو) آپ ﷺ نے فرمایا : ” « سبحان اللہ » ، « الحمد للہ » اور « اللہ اكبر » میں سے ہر ایک تینتیس تینتیس بار کہنا ہے ۔ “