حدیث نمبر: 137 --- حکم البانی: ضعيف ، والصحيح عنه بهذا التفصيل موقوف ، صحيح أبي داود ( 258 ) ، // هو فى صحيح سنن أبى داود - باختصار السند برقم ( 238 - 265 ) //... عبداللہ بن عباس ؓ سے روایت ہے کہ نبی اکرم ﷺ نے فرمایا : ” جب خون سرخ ہو (اور جماع کر لے تو) ایک دینار اور جب زرد ہو تو آدھا دینار (صدقہ کرے) “ ۔ امام ترمذی کہتے ہیں : ۱- حائضہ سے جماع کے کفارے کی حدیث ابن عباس سے موقوفاً اور مرفوعاً دونوں طرح سے مروی ہے ، ۲- اور بعض اہل علم کا یہی قول ہے ، احمد اور اسحاق بن راہویہ بھی یہی کہتے ہیں ۔ ابن مبارک کہتے ہیں : یہ اپنے رب سے استغفار کرے گا ، اس پر کوئی کفارہ نہیں ، ابن مبارک کے قول کی طرح بعض تابعین سے بھی مروی ہے جن میں سعید بن جبیر ، ابراہیم نخعی بھی شامل ہیں ۔ اور اکثر علماء امصار کا یہی قول ہے ۔ ... (ض)

حدیث نمبر: 652 --- حکم البانی: صحيح ، المشكاة ( 1444 ) ، الإرواء ( 877 ) ... عبداللہ بن عمرو ؓ سے روایت ہے کہ نبی اکرم ﷺ نے فرمایا : ” کسی مالدار کے لیے مانگنا جائز نہیں اور نہ کسی طاقتور اور صحیح سالم شخص کے لیے مانگنا جائز ہے “ ۔ امام ترمذی کہتے ہیں : ۱- عبداللہ بن عمرو کی حدیث حسن ہے ، ۲- اور شعبہ نے بھی یہ حدیث اسی سند سے سعد بن ابراہیم سے روایت کی ہے ، لیکن انہوں نے اسے مرفوع نہیں کیا ہے ، ۳- اس باب میں ابوہریرہ ، حبشی بن جنادہ اور قبیصہ بن مخارق ؓ سے بھی احادیث آئی ہیں ، ۴- اور اس حدیث کے علاوہ میں نبی اکرم ﷺ سے مروی ہے کہ ” کسی مالدار کے لیے مانگنا جائز نہیں اور نہ کسی ہٹے کٹے کے لیے مانگنا جائز ہے “ اور جب آدمی طاقتور و توانا ہو لیکن محتاج ہو اور اس کے پاس کچھ نہ ہو اور اسے صدقہ دیا جائے تو اہل علم کے نزدیک اس دینے والے کی زکاۃ ادا ہو جائے گی ۔ بعض اہل علم نے اس حدیث کی توجیہ یہ کی ہے کہ « لا تحل لہ الصدقۃ » کا مطلب ہے کہ اس کے لیے مانگنا درست نہیں ہے ۔ ... (ص/ح)

حدیث نمبر: 680 --- حکم البانی: صحيح ، الإرواء ( 834 ) ... ابوہریرہ ؓ کہتے ہیں کہ میں نے رسول اللہ ﷺ کو فرماتے سنا : ” تم میں سے کوئی شخص صبح سویرے جائے اور لکڑیوں کا گٹھر اپنی پیٹھ پر رکھ کر لائے اور اس میں سے (یعنی اس کی قیمت میں سے) صدقہ کرے اور اس طرح لوگوں سے بے نیاز رہے (یعنی ان سے نہ مانگے) اس کے لیے اس بات سے بہتر ہے کہ وہ کسی سے مانگے ، وہ اسے دے یا نہ دے کیونکہ اوپر والا ہاتھ نیچے والے ہاتھ سے افضل ہے ، اور پہلے اسے دو جس کی تم خود کفالت کرتے ہو “ ۔ امام ترمذی کہتے ہیں : ۱- ابوہریرہ کی حدیث حسن صحیح غریب ہے ، ۲- وہ بیان کی حدیث سے جسے انہوں نے قیس سے روایت کی ہے غریب جانی جاتی ہے ، ۳- اس باب میں حکیم بن حزام ، ابو سعید خدری ، زبیر بن عوام ، عطیہ سعدی ، عبداللہ بن مسعود ، مسعود بن عمرو ، ابن عباس ، ثوبان ، زیاد بن حارث صدائی ، انس ، حبشی بن جنادہ ، قبیصہ بن مخارق ، سمرہ اور ابن عمر ؓ سے بھی احادیث آئی ہیں ۔ ... (ص/ح)

حدیث نمبر: 1257 --- حکم البانی: ضعيف أحاديث البيوع... حکیم بن حزام ؓ کہتے ہیں کہ رسول اللہ ﷺ نے انہیں ایک دینار میں قربانی کا جانور خریدنے کے لیے بھیجا ، تو انہوں نے قربانی کا ایک جانور خریدا (پھر اسے دو دینار میں بیچ دیا) ، اس میں انہیں ایک دینار کا فائدہ ہوا ، پھر انہوں نے اس کی جگہ ایک دینار میں دوسرا جانور خریدا ، قربانی کا جانور اور ایک دینار لے کر وہ رسول اللہ ﷺ کے پاس آئے ، تو آپ نے فرمایا : ” بکری کی قربانی کر دو اور دینار کو صدقہ کر دو “ ۔ امام ترمذی کہتے ہیں : حکیم بن حزام کی حدیث کو ہم صرف اسی سند سے جانتے ہیں ، اور میرے نزدیک جبیب بن ابی ثابت کا سماع حکیم بن حزام سے ثابت نہیں ہے ۔ ... (ض)

حدیث نمبر: 1393 --- حکم البانی: ضعيف ، ابن ماجة ( 2693 ) // ضعيف سنن ابن ماجة برقم ( 586 ) ، ضعيف الجامع الصغير ( 5175 ) //... ابوسفر سعید بن احمد کہتے ہیں کہ ایک قریشی نے ایک انصاری کا دانت توڑ دیا ، انصاری نے معاویہ ؓ سے فریاد کی ، اور ان سے کہا : امیر المؤمنین ! اس (قریشی) نے میرا دانت توڑ دیا ہے ، معاویہ ؓ نے کہا : ہم تمہیں ضرور راضی کریں گے ، دوسرے (یعنی قریشی) نے معاویہ ؓ سے بڑا اصرار کیا اور (یہاں تک منت سماجت کی کہ) انہیں تنگ کر دیا ، معاویہ اس سے مطمئن نہ ہوئے ، چنانچہ معاویہ نے اس سے کہا : تمہارا معاملہ تمہارے ساتھی کے ہاتھ میں ہے ، ابو الدرداء ؓ ان کے پاس بیٹھے ہوئے تھے ، ابو الدرداء ؓ نے کہا : میں نے رسول اللہ ﷺ کو کہتے سنا ہے ، میرے کانوں نے اسے سنا ہے اور دل نے اسے محفوظ رکھا ہے ، آپ فرما رہے تھے : ” جس آدمی کے بھی جسم میں زخم لگے اور وہ اسے صدقہ کر دے (یعنی معاف کر دے) تو اللہ تعالیٰ اسے ایک درجہ بلندی عطا کرتا ہے اور اس کا ایک گناہ معاف فرما دیتا ہے ، انصاری نے کہا : رسول اللہ ﷺ سے آپ نے سنا ہے ؟ ابو الدرداء نے کہا : میرے دونوں کانوں نے سنا ہے اور میرے دل نے اسے محفوظ رکھا ہے ، اس نے کہا : تو میں اس کی دیت معاف کر دیتا ہوں ، معاویہ ؓ نے کہا : لیکن میں تمہیں محروم نہیں کروں گا ، چنانچہ انہوں نے اسے کچھ مال دینے کا حکم دیا ۔ امام ترمذی کہتے ہیں : ۱- یہ حدیث غریب ہے ، ہمیں یہ صرف اسی سند سے معلوم ہے ، مجھے نہیں معلوم کہ ابوسفر نے ابو الدرداء سے سنا ہے ، ۲- ابوسفر کا نام سعید بن احمد ہے ، انہیں ابن یحمد ثوری بھی کہا جاتا ہے ۔ ... (ض)

حدیث نمبر: 1627 --- حکم البانی: حسن انظر ما قبله ( 1626 ) ... ابوامامہ ؓ کہتے ہیں کہ رسول اللہ ﷺ نے فرمایا : ” جہاد میں (مجاہدین کے لیے) خیمہ کا سایہ کرنا ، خادم کا عطیہ دینا اور جوان اونٹنی دینا سب سے افضل و بہتر صدقہ ہے “ ۔ امام ترمذی کہتے ہیں : ۱- یہ حدیث حسن صحیح غریب ہے ، ۲- میرے نزدیک یہ معاویہ بن صالح کی حدیث سے زیادہ صحیح ہے ۔ ... (ص/ح)

حدیث نمبر: 2042 --- حکم البانی: صحيح وقد مضى أتم منه ( 62 ) ... انس ؓ کہتے ہیں کہ قبیلہ عرینہ کے کچھ لوگ مدینہ آئے ، انہیں مدینہ کی آب و ہوا راس نہیں آئی ، تو رسول اللہ ﷺ نے انہیں صدقہ کے اونٹوں کے ساتھ (چراگاہ کی طرف) روانہ کیا اور فرمایا : ” تم لوگ اونٹنیوں کے دودھ اور پیشاب پیو “ ۔ امام ترمذی کہتے ہیں : ۱- یہ حدیث حسن صحیح ہے ، ۲- اس باب میں ابن عباس سے بھی روایت ہے ۔ ... (ص/ح)

حدیث نمبر: 1970 --- حکم البانی: صحيح ، التعليق الرغيب ( 3 / 264 ) ... جابر بن عبداللہ ؓ کہتے ہیں کہ رسول اللہ ﷺ نے فرمایا : ” ہر بھلائی صدقہ ہے ، اور بھلائی یہ بھی ہے کہ تم اپنے بھائی سے خوش مزاجی کے ساتھ ملو اور اپنے ڈول سے اس کے ڈول میں پانی ڈال دو “ ۔ امام ترمذی کہتے ہیں : ۱- یہ حدیث حسن صحیح ہے ، ۲- اس باب میں ابوذر ؓ سے بھی روایت ہے ۔ ... (ص/ح)

حدیث نمبر: 1965 --- حکم البانی: صحيح ، الصحيحة ( 982 ) ... ابومسعود انصاری ؓ سے روایت ہے کہ نبی اکرم ﷺ نے فرمایا : ” آدمی کا اپنے بال بچوں پر خرچ کرنا صدقہ ہے “ ۔ امام ترمذی کہتے ہیں : ۱- یہ حدیث حسن صحیح ہے ، ۲- اس باب میں عبداللہ بن عمرو ، عمرو بن امیہ ضمری اور ابوہریرہ ؓ سے بھی احادیث آئی ہیں ۔ ... (ص/ح)

حدیث نمبر: 1951 --- حکم البانی: ضعيف الضعيفة ( 1887 ) // ضعيف الجامع الصغير ( 4642 ) //... جابر بن سمرہ ؓ کہتے ہیں کہ رسول اللہ ﷺ نے فرمایا : ” اپنے لڑکے کو ادب سکھانا ایک صاع صدقہ دینے سے بہتر ہے “ ۔ امام ترمذی کہتے ہیں : ۱- یہ حدیث غریب ہے ، ۲- راوی ناصح کی کنیت ابوالعلا ہے ، اور یہ کوفہ کے رہنے والے ہیں ، محدثین کے نزدیک قوی نہیں ہیں ، یہ حدیث صرف اسی سند سے معروف ہے ، ۳- ناصح ایک دوسرے شیخ بھی ہیں جو بصرہ کے رہنے والے ہیں ، عمار بن ابوعمار وغیرہ سے حدیث روایت کرتے ہیں ، اور یہ ان سے زیادہ قوی ہیں ۔ ... (ض)