حدیث نمبر: 329 --- ‏‏‏‏ سیدنا ابوہریرہ ؓ سے روایت ہے ، جب رسول اللہ ﷺ پر آیت اتری « لِلَّہِ مَا فِي السَّمَوَاتِ وَمَا فِي الْأَرْضِ وَإِنْ تُبْدُوا مَا فِي أَنْفُسِكُمْ أَوْ تُخْفُوہُ يُحَاسِبْكُمْ بِہِ اللَّہُ فَيَغْفِرُ لِمَنْ يَشَاءُ وَيُعَذِّبُ مَنْ يَشَاءُ وَاللَّہُ عَلَى كُلِّ شَيْءٍ قَدِيرٌ » (البقرۃ 284) اخیر تک یعنی ”اللہ ہی کا ہے جو کہ ہے آسمانوں اور زمین میں اور اگر تم کھول دو اپنے دل کی بات کو یا چھپاؤ اس کو ، اللہ تعالیٰ حساب کرے گا اس کا تم سے پھر بخش دے گا جس کو چاہے گا اور عذاب کرے گا ، جس کو چاہے گا اور اللہ ہر چیز پر قدرت رکھتا ہے ۔ ‘‘ تو گراں گزری رسول اللہ ﷺ کے اصحاب ؓ پر ، اور وہ آئے رسول اللہ ﷺ کے پاس ، پھر بیٹھ گئے گھٹنوں پر اور کہنے لگے : یا رسول اللہ ! ہم کو حکم ہوا ان کاموں کے کرنے کا جن کی ہمیں طاقت ہے جیسے نماز ، روزہ ، صدقہ ، اب آپ پر یہ آیت اتری اور اس پر عمل کرنے کی ہم میں طاقت نہیں (یعنی اپنے دل پر ہمارا زور نہیں چلتا کہ برے شیطانی وسوسے بالکل نہ آنے پائیں) رسول اللہ ﷺ نے فرمایا : ’’ تم کیا چاہتے ہو کہ ایسا کہو جیسے پہلے دونوں کتاب والوں (یہود و نصاریٰ) نے کہا (جب اللہ کا حکم سنا) « سَمِعْنَا وَعَصَيْنَا » ”سنا ہم نے اور نافرمانی کی“ (یعنی ہم نے تیرا حکم سنا پر ہم اس پر عمل نہیں کریں گے) بلکہ یوں کہو « سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ » ”سنا ہم نے اور مان لیا ۔ بخش دے ہم کو اے ہمارے مالک ! تیری ہی طرف ہم کو جانا ہے ۔ “ ‘‘ یہ سن کر صحابہ ؓ نے کہا : « سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ » ”سنا ہم نے اور مان لیا ، بخش دے ہم کو مالک ہمارے ! تیری ہی طرف ہم کو جانا ہے ۔ “ جب لوگوں نے یہ کہا اور اپنی زبانوں سے نکالا ۔ اس کے بعد ہی یہ آیت اتری « آمَنَ الرَّسُولُ بِمَا أُنْزِلَ إِلَيْہِ مِنْ رَبِّہِ وَالْمُؤْمِنُونَ كُلٌّ آمَنَ بِاللَّہِ وَمَلَائِكَتِہِ وَكُتُبِہِ وَرُسُلِہِ لَا نُفَرِّقُ بَيْنَ أَحَدٍ مِنْ رُسُلِہِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ » (البقرۃ : 285) اخیر تک یعنی ”ایمان لایا رسول اس پر جو اترا اس کی طرف اس کے مالک کے پاس سے اور ایمان لائے مومن بھی ، سب ایمان لائے اللہ پر اور اس کے فرشتوں پر اس کی کتابوں پر اور اس کے رس...

حدیث نمبر: 534 --- ‏‏‏‏ ابومالک اشعری ؓ سے (جن کا نام حارث یا عبید یا کعب بن عاصم یا عمرو ہے) روایت ہے کہ رسول اللہ ﷺ نے فرمایا : ”طہارت آدھے ایمان کے برابر ہے ۔ اور « الحمد للہ » بھر دے گا ترازو کو (یعنی اس قدر اس کا ثواب عظیم ہے کہ اعمال تولنے کا ترازو اس کے اجر سے بھر جائے گا) اور « سبحان اللہ » اور « الحمدللہ » دونوں بھر دیں گے آسمانوں اور زمین کے بیچ کی جگہ کو (اگر ان کا ثواب ایک جسم کی شکل میں فرض کیا جائے) اور نماز نور ہے اور صدقہ دلیل ہے اور صبر روشنی ہے اور قرآن تیری دلیل ہے ۔ دوسرے پر یا دوسرے کی دلیل ہے تجھ پر (یعنی اگر سمجھ کر پڑھے اور فائدہ اٹھائے تو تیری دلیل ہے نہیں تو دوسرے کو فائدہ ہو گا اور تو محرم رہے گا) ، ہر ایک آدمی (بھلا ہو یا برا) صبح کو اٹھتا ہے یا پھر اپنے تئیں آزاد کرتا ہے (نیک کام کر کے اللہ کے عذاب سے) یا (برے کام کر کے) اپنے آپ کو تباہ کرتا ہے ۔ “

حدیث نمبر: 806 --- ‏‏‏‏ سیدنا ابن عباس ؓ سے روایت ہے کہ سیدہ میمونہ ؓ کی لونڈی کو کسی نے ایک بکری صدقہ میں دی وہ مر گئی ۔ رسول اللہ ﷺ نے اس کو پڑا ہوا دیکھا تو فرمایا : ”تم نے اس کی کھال کیوں نہ لی ۔ دباغت کر کے کام میں لاتے ۔ “ لوگوں نے کہا : یا رسول اللہ ! وہ مردار تھی ۔ آپ ﷺ نے فرمایا : ”مردار کا صرف کھانا حرام ہے ۔ “

حدیث نمبر: 807 --- ‏‏‏‏ سیدنا ابن عباس ؓ سے روایت ہے کہ رسول اللہ ﷺ نے ایک مردار بکری دیکھی ، جو سیدہ میمونہ ؓ کی لونڈی کو صدقہ میں ملی تھی ۔ آپ ﷺ نے فرمایا : ”پر تم نے اس کی کھال سے فائدہ کیوں نہ اٹھایا ۔ “ لوگوں نے کہا : وہ مردار ہے ۔ آپ ﷺ نے فرمایا : ”مردار کا کھانا حرام ہے ۔ “

حدیث نمبر: 809 --- ‏‏‏‏ سیدنا ابن عباس ؓ سے روایت ہے کہ رسول اللہ ﷺ نے ایک پڑی ہوئی بکری دیکھی جو سیدہ میمونہ ؓ کی لونڈی کو صدقہ میں ملی تھی ۔ رسول اللہ ﷺ نے فرمایا : ”ان لوگوں نے اس کی کھال کیوں نہ لی دباغت کر کے فائدہ اٹھاتے ۔ “

حدیث نمبر: 2714 --- ‏‏‏‏ ام المؤمنین عائشہ ؓ فرماتی ہیں ، مجھ سے ایک دن رسول اللہ ﷺ نے فرمایا : ” اے عائشہ ! تمہارے پاس کچھ کھانا ہے ؟ “ تو میں نے عرض کیا : یا رسول اللہ ! کچھ نہیں ہے تو آپ ﷺ نے فرمایا : ” میں روزے سے ہوں ۔ “ پھر آپ ﷺ باہر تشریف لے گئے اور ہمارے پاس کچھ حصہ آیا ہدیہ کے طور یا آگئے ہمارے پاس کچھ مہمان (کہ ان میں بڑا حصہ اس ہدیہ کا خرچ ہو گیا اور کچھ تھوڑا سا میں نے آپ ﷺ کے لیے چھپا رکھا) پھر آپ ﷺ نے پوچھا : ” وہ کیا ہے ؟ “ میں نے کہا : حیس ہے (حیس وہ کھانا ہے کہ کھجور اور گھی اور اقط یعنی سوکھا دہی ملا کر بناتے ہیں) آپ ﷺ نے فرمایا ” لاؤ ۔ “ پھر میں لائی اور آپ ﷺ نے کھایا پھر فرمایا : ” میں روزے سے تھا صبح کو ۔ “ کہا طلحہ نے میں نے یہ حدیث مجاہد سے بیان کی تو انہوں نے کہا : یہ ایسی بات ہے (یعنی نفل روزہ کھول ڈالنا) جیسے کوئی صدقہ نکالے اپنے مال سے تو اس کو اختیار ہے چاہے دے دے چاہے پھر رکھ لے ۔

حدیث نمبر: 2916 --- ‏‏‏‏ اس حدیث کا مضمون وہی ہے جو اوپر گزرا ۔ عروہ کی روایت میں ہے کہ اللہ تعالیٰ نے سیدہ عائشہ ؓ کا حج پورا کیا اور ہشام کی روایت میں ہے کہ اس میں کوئی قربانی ، روزہ یا صدقہ واجب نہیں ہوا ۔

حدیث نمبر: 4260 --- ‏‏‏‏ سیدنا ابوہریرہ ؓ سے روایت ہے ، رسول اللہ ﷺ نے فرمایا : ”جو شخص تم میں سے قسم کھائے لات (اور عزیٰ) کی (یہ دونوں بت تھے جاہلیت کے زمانے میں جن کی لوگ پوجا کرتے تھے) وہ کہے : « لَا إِلَـٰہَ إِلَّا اللَّـہُ » ۔ اور جو کوئی کہے دوسرے سے آ میں تجھ سے جوا کھیلوں تو وہ صدقہ دے ۔ “

حدیث نمبر: 4223 --- ‏‏‏‏ سیدنا ابوہریرہ ؓ سے روایت ہے ، رسول اللہ ﷺ نے فرمایا : ”جب مر جاتا ہے آدمی تو اس کا عمل موقوف ہو جاتا ہے مگر تین چیزوں کا ثواب جاری رہتا ہے ۔ ایک صدقہ جاریہ کا ۔ دوسرے علم کا جس سے لوگ فائدہ اٹھائیں ۔ تیسرے نیک بخت بچے کا جو دعا کرے اس کے لیے ۔ “

حدیث نمبر: 3721 --- ‏‏‏‏ سیدنا جابر بن عبداللہ کہتے تھے کہ میری خالہ کو طلاق ہوئی ۔ اور انہوں نے چاہا کہ اپنے باغ کی کھجوریں توڑ لیں سو ایک شخص نے ان کو جھڑکا ان کے باہر نکلنے پر ۔ اور وہ نبی ﷺ کے پاس حاضر ہوئیں اور آپ ﷺ نے فرمایا : کہ ” کیوں نہیں تم جاؤ اور اپنے باغ کی کھجوریں توڑ لو اس لیے کہ شاید تم اس میں سے صدقہ دو (تو اوروں کا بھلا ہو) یا اور کوئی نیکی کرو ۔ “ (کہ تمہارا بھلا ہو) ۔