حدیث نمبر: 39 --- رقم الحديث ترقيم الباني: 826... سیدنا ابوذر ؓ کہتے ہیں : میں ایک رات کو نکلا ، کیا دیکھتا ہوں کہ رسول اللہ ﷺ اکیلے چل رہے تھے ، آپ کے ساتھ کوئی آدمی نہیں تھا ۔ میں نے سمجھا کہ شائد آپ ﷺ اس بات کو ناپسند کرتے ہیں کہ آپ کے ساتھ کوئی چلے ۔ میں نے چاند کے سائے میں چلنا شروع کر دیا ۔ آپ میری طرف متوجہ ہوئے ، مجھے دیکھا اور پوچھا : ”یہ کون ہے ؟ “ میں نے کہا : میں ابوذر ہوں ، اللہ مجھے آپ پر قربان کرے ۔ آپ ﷺ نے فرمایا : ”ابوذر ! ادھر آؤ ۔ “ میں آپ کے پاس گیا اور آپ کے ساتھ کچھ دیر چلتا رہا پھر آپ ﷺ نے مجھے فرمایا : ”قیامت والے روز کثیر مال و دولت والے اجر و ثواب میں کم ہوں گے ، مگر جس کو اللہ تعالیٰ نے مال دیا اور اس نے (صدقہ کرتے ہوئے) اسے دائیں بائیں اور آگے پیچھے بکھیر دیا اور اس کے ذریعے نیک اعمال کیے ۔ “ پھر میں آپ کے ساتھ چلتا رہا ، حتی کہ آپ ﷺ نے فرمایا : ”یہاں بیٹھ جاؤ ۔ “ آپ ﷺ نے مجھے ایسی ہموار زمین میں بٹھایا ، جس کے ارد گرد پتھر پڑے ہوئے تھے ۔ پھر فرمایا : ”میرے واپس آنے تک یہاں بیٹھے رہو ۔ “ پھر آپ ﷺ حرہ (کالے پتھروں والی زمین) کی طرف چلے گئے اور نظروں سے اوجھل ہو گئے ، آپ ﷺ وہاں کافی دیر تک ٹھہرے رہے ۔ پھر میں نے سنا آپ ﷺ یہ فرماتے ہوئے آ رہے تھے : ”اگرچہ وہ چوری بھی کرے اور زنا بھی کرے ۔ “ جب آپ ﷺ میرے پاس پہنچے تو مجھ سے صبر نہ ہو سکا اور میں نے کہا : اے اللہ کے نبی ! مجھے اللہ تعالیٰ آپ پر قربان کرے ! آپ حرہ زمین کے پاس کس سے گفتگو کر رہے تھے ؟ پھر آپ کو کوئی جواب بھی نہیں دے رہا تھا ۔ آپ ﷺ نے فرمایا : ”وہ جبریل تھا ، حرہ کے ساتھ ہی وہ مجھے ملا اور کہا : (اے محمد !) اپنی امت کو خوشخبری سنا دو کہ جو اس حال میں مرے کہ اس نے اللہ تعالیٰ کے ساتھ کسی کو شریک نہ ٹھہرایا ہو ، وہ جنت میں داخل ہو گا ۔ میں نے کہا : جبریل ! اگرچہ اس نے چوری بھی کی ہو اور زنا بھی کیا ہو ؟ ۔ اس نے کہا : جی ہاں ۔ میں نے کہا : اگرچہ اس نے چوری بھی کی ہو اور زنا بھی کیا ہو ؟ ۔ میں نے کہا : جی ہاں ۔ میں نے کہا : اگرچہ اس نے چوری بھی کی ہو اور زنا بھی کیا ہو ؟ ۔ اس نے کہا : جی ہاں اور اگرچہ اس نے شراب بھی پی ہو ۔ “

حدیث نمبر: 194 --- رقم الحديث ترقيم الباني: 826... سیدنا ابوذر ؓ کہتے ہیں : میں ایک رات کو نکلا ، کیا دیکھتا ہوں کہ رسول اللہ ﷺ اکیلے چل رہے ہیں ، آپ کے ساتھ کوئی آدمی نہیں تھا ۔ میں نے سمجھا آپ ﷺ شاید اس بات کو ناپسند کرتے ہیں کہ آپ کے ساتھ کوئی چلے ۔ میں نے چاند کے سائے میں چلنا شروع کر دیا ۔ آپ میری طرف متوجہ ہوئے ، مجھے دیکھا اور پوچھا : ”یہ کون ہے ؟ “ میں نے کہا : میں ابوذر ہوں ، اللہ مجھے آپ پر قربان کرے ۔ آپ ﷺ نے فرمایا : ” ابوذر ادھر آؤ ۔ “ میں آپ کے پاس گیا اور آپ کے ساتھ کچھ دیر چلتا رہا ۔ پھر آپ ﷺ نے مجھے فرمایا : ”قیامت والے روز کثیر مال و دولت والے اجر و ثواب میں کم ہوں گے ، مگر جس کو اللہ تعالیٰ نے مال دیا اور اس نے (صدقہ کرتے ہوئے) اسے دائیں بائیں اور آگے پیچھے بکھیر دیا اور اس کے ذریعے نیک اعمال کئے ۔ “ پھر میں آپ ﷺ کے ساتھ چلتا رہا ، حتی کہ آپ ﷺ نے فرمایا : ”یہاں بیٹھ جاؤ ۔ “ آپ ﷺ نے مجھے ایسی ہموار زمین پر بٹھایا ، جس کے اردگرد پتھر پڑے ہوئے تھے ۔ پھر فرمایا : ”میرے واپس آنے تک یہاں بیٹھے رہو ۔ “ پھر آپ ﷺ حرہ (کالے پتھروں والی زمین) کی طرف چلے گئے اور نظروں سے اوجھل ہو گئے ، آپ وہاں کافی دیر تک ٹھہرے رہے ۔ پھر میں نے سنا آپ ﷺ یہ فرماتے ہوئے آ رہے تھے : ”اگرچہ وہ چوری بھی کرے اور زنا بھی کرے ۔ “ جب آپ ﷺ میرے پاس پہنچے تو مجھ سے صبر نہ ہو سکا اور میں نے کہا : اے اللہ کے نبی ! مجھے اللہ تعالی آپ پر قربان کرے ! آپ حرہ زمین کے پاس کس سے گفتگو کر رہے تھے ؟ پھر آپ کو کوئی جواب بھی نہیں دے رہا تھا ۔ آپ ﷺ نے فرمایا : ”وہ جبریل تھا ، حرہ کے ساتھ ہی وہ مجھے ملا اور کہا : (اے محمد !) اپنی امت کو خوشخبری سنا دو کہ جو اس حال میں مرے کہ اس نے اللہ تعالیٰ کے ساتھ کسی کو شریک نہ ٹھہرایا ہو ، وہ جنت میں داخل ہو گا ۔ میں نے کہا : جبریل ! اگرچہ اس نے چوری بھی کی ہو اور زنا بھی کیا ہو ؟ اس نے کہا : جی ہاں ۔ میں نے کہا : اگرچہ اس نے چوری بھی کی ہو اور زنا بھی کیا ہو ؟ اس نے کہا : جی ہاں ۔ میں نے کہا : اگرچہ وہ چوری بھی کرے اور زنا بھی کرے ؟ اس نے کہا : جی ہاں اور اگرچہ وہ شراب بھی پی لیا ہو ۔ “

حدیث نمبر: 4076 --- رقم الحديث ترقيم الباني: 1387... سیدہ عائشہ ؓ سے روایت ہے کہ نبی کریم ﷺ نے فرمایا : ”میں تین چیزوں پر قسم اٹھاتا ہوں : (‏‏‏‏۱) اللہ تعالیٰ صاحب اسلام کو اسلام سے عاری شخص کے برابر نہیں کرے گا اور اسلام کے تین حصے ہیں : روزہ ، نماز اور صدقہ ۔ (‏‏‏‏۲) (‏‏‏‏یہ نہیں ہو سکتا کہ) اللہ کسی بندے سے ہم نوائی کرے اور پھر روز قیامت اسے کسی دوسرے کا ہم نوا بنا دے اور (‏‏‏‏۳) جو شخص جس کسی سے محبت کرے گا ، وہ روز قیامت اسی کے ساتھ آئے گا اور اگر چوتھی چیز پر بھی میں قسم اٹھا لوں تو مجھے گنہگار ہونے کا خدشہ نہیں ہو گا ۔ (‏‏‏‏وہ یہ ہے کہ) اگر اﷲ تعالیٰ نے دنیا میں اپنے بندے (‏‏‏‏ کے گناہوں) کی پردہ پوشی کی تو وہ آخرت میں بھی (‏‏‏‏ اس کی خطاؤں پر) پردہ ڈالے گا ۔ “

حدیث نمبر: 914 --- رقم الحديث ترقيم الباني: 2426... سیدہ عائشہ ؓ کہتی ہیں : نبی کریم ﷺ کو سانڈا بطور ہدیہ پیش کیا گیا ، لیکن آپ نے نہیں کھایا ۔ سیدہ عائشہ ؓ نے کہا : اے اللہ کے رسول ! ہم یہ مساکین کو کھلا دیں ؟ آپ ﷺ نے فرمایا : ”جو چیز تم خود نہیں کھاتے وہ کسی کومت کھلاؤ ۔ “

حدیث نمبر: 932 --- رقم الحديث ترقيم الباني: 567... صعصعہ بن معاویہ کہتے ہیں کہ میں سیدنا ابوذر ؓ کو ملا اور کہا : کہ مجھے کوئی حدیث بیان کرو ۔ انہوں نے کہا : لیجئے ، رسول اللہ ﷺ نے فرمایا : ”جو مسلمان بندہ ہر مال میں سے ایک ایک جوڑا اللہ تعالیٰ کے راستے میں خرچ کرتا ہے تو جنت کے دربان اس کا استقبال کریں گے اور اسے اپنی طرف والی نعمتوں کی طرف بلائیں گے ۔ میں نے کہا : (ہر مال میں سے ایک ایک جوڑا) ، اس کی کیا صورت ہے ؟ آپ ﷺ نے فرمایا : ”اگر اونٹ ہیں تو دو انٹ اور اگر گائیں ہیں تو دو گائیں (علی ہذاالقیاس) ۔ “

حدیث نمبر: 920 --- رقم الحديث ترقيم الباني: 2661... رسول اللہ ﷺ نے فرمایا : ”بلال ! خرچ کیا کرو اور عرش والے سے مفلسی سے نہ ڈرا کرو ۔ “ یہ حدیث سیدنا ابوہریرہ ۔ سیدنا بلال بن رباح ، سیدنا عبداللہ بن مسعود اور سیدہ عائشہ ؓ سے مروی ہے ۔

حدیث نمبر: 917 --- رقم الحديث ترقيم الباني: 1179... سیدنا عبداللہ بن عباس ؓ کہتے ہیں کہ رسول اللہ ﷺ نے فرمایا : ”کھانے کا ایک صاع ادا کیا کرو ۔ “

حدیث نمبر: 910 --- رقم الحديث ترقيم الباني: 2718... سیدہ عائشہ ؓ سے روایت ہے کہ رسول اللہ ﷺ نے فرمایا : ”ہمیں جو نفع ابوبکر ؓ کے مال نے دیا ، وہ کسی کے مال نے نہیں دیا ۔ “

حدیث نمبر: 3463 --- رقم الحديث ترقيم الباني: 3553... ایاس بن سلمہ اپنے باپ سیدنا سلمہ ؓ سے روایت کرتے ہیں کہ (‏‏‏‏1) ہم چودہ سو افراد رسول اللہ ﷺ کے ساتھ حدیبیہ مقام پر آئے ، وہاں ایک کنواں تھا ، جس سے (‏‏‏‏پانی کی قلت کی وجہ سے) پچاس بکریاں سیراب نہیں ہو سکتی تھیں ، رسول اللہ ﷺ اس کنویں کے کنارے بیٹھ گئے ، دعا کی یا اس میں تھوکا ، پانی زور سے نکل کر بہنے لگا ، سو ہم نے پیا اور پلایا ۔ (۲) پھر رسول اللہ ﷺ نے ہمیں بیعت کے لیے درخت کے تنے کے پاس بلایا ، میں نے سب سے پہلے بیعت کی ، پھر آپ ﷺ مسلسل بیعت لیتے رہے ، جب نصف لوگ بیعت کر کے فارغ ہو گئے تو آپ نے مجھے فرمایا : ”سلمہ ! بیعت کرو ۔ “ میں نے کہا : اے اللہ کے رسول ! میں تو سب سے پہلے بیعت کر چکا ہوں ۔ آپ ﷺ نے فرمایا : ”ایک دفعہ پھر کر لو ۔ “ (‏‏‏‏۳) جب رسول اللہ ﷺ نے مجھے بغیر اسلحہ کے دیکھا تو مجھے ایک ڈھال دی ، پھر بیعت لینا شروع کر دیا ، حتیٰ کہ لوگ آخر تک پہنچ گئے ۔ آپ ﷺ نے مجھے فرمایا : ”سلمہ ! کیا تم بیعت نہیں کرتے ؟ “ میں نے کہا : اے اللہ کے رسول ! میں سب سے پہلے اور پھر درمیان میں (‏‏‏‏دو دفعہ) بیعت کر چکا ہوں ۔ آپ ﷺ نے فرمایا : ”ایک دفعہ پھر کر لو ۔ “ سو میں نے تیسری دفعہ بیعت کی ۔ (‏‏‏‏۴) پھر آپ ﷺ نے مجھے فرمایا : ”سلمہ ! وہ ڈھال کہاں ہے ، جو میں نے تجھے دی تھی ؟ “ میں نے کہا : اے اللہ کے رسول ! مجھے میرے چچا ملے ، ان کے پاس کوئی اسلحہ نہیں تھا ، اس لیے میں نے ان کو دے دی ۔ رسول اللہ ﷺ ہنس پڑے اور فرمایا : ”تم تو اس آدمی کی طرح ہو جس نے کہا : اے اللہ ! مجھے ایسا محبوب عطا کر دے جو مجھے اپنے آپ سے بھی زیادہ محبو ب ہو ۔ “ (‏‏‏‏۵) پھر مشرکوں نے ہم سے صلح کے موضوع پر خط و کتابت شروع کی ، یہاں تک کہ ہم ایک دوسرے کے پاس جانے لگ گئے اور صلح ہو گئی ۔ میں سیدنا طلحہ بن عبیداللہ ؓ کا تابع تھا ، ان کے گھوڑے کو پانی پلاتا ، کھریرے کے ذریعے اس کی گرد صاف کرتا اور ان کی خدمت کرتا تھا ۔ انہیں کا کھانا کھا لیتا تھا اور جب اللہ اور اس کے رسول کی طرف ہجرت کی تو اپنے اہل و عیال اور مال و منال کو پیچھے چھو ڑ آیا تھا ۔ جب ہماری اور اہل مکہ کی صلح ہو گئی اور ہم ایک دوسرے کے پاس جانے لگے گئے ، تو میں ایک درخت کے نیچے آیا ، اس کے کانٹے صاف کئے اور وہاں لیٹ گیا ۔ میرے پاس مکہ کے چار مشرک آئے ، انہوں نے رسول اللہ ﷺ کے حق میں ...

حدیث نمبر: 969 --- رقم الحديث ترقيم الباني: 1707... حکیم بن حزام کہتے ہیں کہ رسول اللہ ﷺ عہد جاہلیت میں اس کو سب سے زیادہ محبوب تھے ۔ جب آپ نے نبوت کا دعوی کیا اور مدینہ کی طرف ہجرت فرما گئے اور حکیم بن حزام ، جبکہ وہ کافر تھے ، حج کے موسم میں مکہ میں آئے اور دیکھا کہ ذی یزن کی ایک عمدہ پوشاک فروخت کی جا رہی تھی ، انہوں نے رسول اللہ ﷺ کو ہدیہ دینے کے لیے وہ خرید لی اور مدینہ پہنچ گئے ۔ جب انہوں نے یہ پوشاک بطور ہدیہ آپ ﷺ کے سامنے پیش کرنا چاہی تو آپ نے انکار کر دیا ۔ عبید اللہ کہتے ہیں : میرا خیال ہے کہ آپ ﷺ نے فرمایا : ”ہم مشرکین سے کوئی چیز قبول نہیں کرتے ، ہاں اگر آپ دینا ہی چاہتے ہیں تو ہم اسے قیمت کے بدلے خرید لیتے ہیں ۔ “ جب آپ نے ہدیہ قبول کرنے سے انکار کیا تو میں نے (قیمت کے بدلے) دے دیا ۔