حدیث نمبر: 2322 --- ‏‏‏‏ سیدنا ابومسعود ؓ نے نبی ﷺ سے روایت کی کہ آپ ﷺ نے فرمایا : ” جو خرچ کرتا ہے مسلمان اپنے گھر والوں پر اور اس میں ثواب کی امید رکھتا ہے تو وہ صدقہ ہے اس کے لیے ۔ “

حدیث نمبر: 2057 --- ‏‏‏‏ سیدنا ابن عباس ؓ نے کہا کہ رسول اللہ ﷺ عید قربان یا عید الفطر میں نکلے اور دو رکعت پڑھی کہ نہ اس سے پہلے نماز پڑھی ، نہ بعد میں ، پھر عورتوں کے پاس گئے اور آپ ﷺ کے ساتھ سیدنا بلال ؓ تھے ، پھر حکم کیا عورتوں کو صدقہ کا ، پھر کوئی تو اپنے چھلے نکالنے لگی اور کوئی لونگوں کے ہار جو ان کے گلوں میں تھے ۔

حدیث نمبر: 4669 --- ‏‏‏‏ سیدنا ابن اکوع ؓ سے روایت ہے ، جب خیبر کی لڑائی ہوئی تو میرا بھائی (عامر بن اکوع) خوب لڑا رسول اللہ ﷺ کے ساتھ ہو کر ۔ اس کی تلوار خود اس پر پلٹ گئی ، وہ مر گیا تو آپ ﷺ کے اصحاب نے اس کے باب میں گفتگو کی اور شکایت کی اس کے باب میں ۔ سلمہ ؓ نے کہا : پھر رسول اللہ ﷺ خیبر سے لوٹے ۔ میں نے عرض کیا : یا رسول اللہ ! اجازت دیجئیے رجز پڑھنے کی (رجز وہ موزوں کلام سے ایک بحر ہے شعر کی) آپ ﷺ نے اجازت دی ۔ سیدنا عمر بن خطاب ؓ نے کہا : مجھے معلوم ہے جو تم کہو گے ۔ پھر میں نے کہا ان شعروں کو جن کا ترجمہ یہ ہے کہ ”قسم اللہ کی اگر اللہ تعالیٰ ہدایت نہ کرتا ہم کو تو ہم کبھی راہ نہ پاتے اور نہ صدقہ دیتے اور نہ نماز پڑھتے ۔ “ آپ ﷺ نے فرمایا : ”سچ کہا تو نے ۔ “ پھر میں نے کہا : ”اتار اپنی رحمت ہم پر اور جما دے ہمارے پاؤں کو اگر ہمارا سامنا ہو کافروں سے اور مشرکوں سے ۔ اور مشرکوں نے ہجوم کیا ہم پر“ جب میں اپنی رجز پڑھ چکا تو رسول اللہ ﷺ نے فرمایا : ”یہ کس کا کلام ہے ۔ “ میں نے عرض کیا میرے بھائی کا ۔ آپ ﷺ نے فرمایا : ”اللہ رحم کرے اس پر ۔ “ میں نے عرض کیا یا رسول اللہ ! بعض لوگ تو اس پر نماز پڑھنے سے ڈرتے ہیں اور کہتے ہیں وہ اپنے ہتھیار سے مرا ۔ آپ ﷺ نے فرمایا : ”وہ تو جاہد اور مجاہد ہو کر مرا ۔ “ ابن شہاب نے کہا : میں نے سلمہ کے بیٹے سے پوچھا : تو اس نے یہی حدیث اپنے باپ سے روایت کی ۔ صرف اس نے یہ کہا کہ جب میں نے یہ کہا کہ بعض لوگ اس پر نماز پڑھنے سے ڈرتے ہیں تو آپ ﷺ نے فرمایا : ”وہ جھوٹے ہیں وہ تو جاہد اور مجاہد ہو کر مرا اور اس کو دوہرا ثواب ہے ۔ “ اور اشارہ کیا آپ ﷺ نے اپنی انگلی سے ۔

حدیث نمبر: 4108 --- ‏‏‏‏ سیدنا ابورافع ؓ سے روایت ہے ، رسول اللہ ﷺ نے ایک شخص سے اونٹ کا بچھڑا قرض لیا (یعنی چھ برس سے کم کا) پھر آپ ﷺ کے پاس صدقے کے اونٹ آئے ۔ آپ ﷺ نے سیدنا ابورافع ؓ کو حکم کیا اس کا اونٹ ادا کرنے کا ۔ ابورافع ؓ آپ ﷺ کے پاس آئے لوٹ کر ، اور کہا کہ صدقہ کے اونٹوں میں (ویسا کوئی بچھڑا) نہیں ، اس سے بہتر پورے سات برس کے اونٹ ہیں ۔ آپ ﷺ نے فرمایا : ” وہی اس کو دے دے اچھے وہ لوگ ہیں جو قرض کو اچھی طرح سے ادا کریں ۔ “

حدیث نمبر: 2368 --- ‏‏‏‏ عمیر جو غلام آزاد ہیں آبی اللحم ؓ کے انہوں نے رسول اللہ ﷺ سے پوچھا کہ میں اپنے مالکوں کے مال سے کچھ صدقہ دوں ؟ تو آپ ﷺ نے فرمایا : ” ہاں اور ثواب اس کا تم دونوں کو ہے آدھا آدھا ۔ “

حدیث نمبر: 7268 --- ‏‏‏‏ سیدنا حذیفہ ؓ سے روایت ہے ، ہم سیدنا عمر ؓ کے پاس بیٹھے تھے ، انہوں نے کہا : تم میں سے کس کو رسول اللہ ﷺ کی حدیث یاد ہے فتنے کے باب میں ؟ میں نے کہا : مجھ کو یاد ہے سیدنا عمر ؓ نے کہا : تم بڑے بہادر ہو بھلا کہو آپ ﷺ نے کیا فرمایا ؟ میں نے کہا : میں نے سنا رسول اللہ ﷺ سے ، آپ ﷺ فرماتے تھے : ” آدمی کو جو فتنہ ہوتا ہے اس کے گھر والوں ، مال ، جان ، اولاد اور ہمسایہ سے اس کا کفارہ ہو جاتا ہے روزہ ، نماز ، صدقہ ، اچھی بات کا حکم کرنا اور بری بات سے منع کرنا ۔ “ سیدنا عمر ؓ نے کہا : میں اس فتنہ کو نہیں پوچھتا میں تو اس فتنہ کو پوچھتا ہوں جو موج مارے گا دریا کی موج کی طرح (یعنی اس کا اثر سب مسلمانوں کو پہنچے گا) میں نے کہا : اے امیرالمؤمنین ! آپ کو اس فتنہ سے کیا غرض ہے آپ کے اور اس کے درمیان تو ایک بند دروازہ ہے ۔ سیدنا عمر ؓ نے کہا : وہ دروازہ ٹوٹ جائے گا یا کھل جائے گا ؟ میں نے کہا : نہیں وہ ٹوٹ جائے گا ۔ سیدنا عمر ؓ نے کہا : ایسا ہے تو پھر کبھی بند نہ ہو گا (کیونکہ جب دروازہ ٹوٹ گیا تو بند کیسے ہو سکتا ہے) ۔ شقیق نے کہا : ہم لوگوں نے سیدنا حذیفہ ؓ سے کہا : کیا سیدنا عمر ؓ کو معلوم تھا ۔ فرمایا ہاں ، جیسے یہ معلوم تھا کہ کل کہ دن کے بعد رات ہے ۔ اور میں نے ان سے ایک حدیث بیان کی تھی جو لغو نہ تھی ۔ شقیق نے کہا : ہم لوگ ڈرے سیدنا حذیفہ ؓ سے یہ پوچھنے میں کہ وہ دروازہ کون ہے ؟ ہم نے مسروق سے کہا : تم پوچھو ۔ انہوں نے حذیفہ ؓ سے پوچھا : حذیفہ ؓ نے کہا : وہ دروازہ عمر ؓ کی ذات تھی ۔

حدیث نمبر: 7016 --- ‏‏‏‏ ابن شہاب سے روایت ہے ، پھر رسول اللہ ﷺ نے جہاد کیا تبوک کا (تبوک ایک مقام کا نام ہے مدینہ سے پندرہ منزل پر شام کے راستہ میں) اور آپ ﷺ کا ارادہ تھا روم اور عرب کے نصارٰی کو دھمکانے کا شام میں ۔ ابن شہاب رحمہ اللہ نے کہا : مجھ سے بیان کیا عبدالرحمن بن عبداللہ بن کعب بن مالک نے ان سے بیان کیا عبداللہ بن کعب نے جو کعب کو پکڑ کر چلایا کرتے تھے ، ان کے بیٹوں میں سے جب کعب اندھے ہو گئے تھے ، انہوں نے کہا : میں نے سنا کعب بن مالک ؓ سے ، وہ اپنا حال بیان کرتے تھے ، جب پیچھے رہ گئے تھے رسول اللہ ﷺ کے ساتھ غزوہ تبوک میں ۔ سیدنا کعب بن مالک ؓ نے کہا : میں کسی جہاد میں رسول اللہ ﷺ کے پیچھے نہیں رہا سوائے غزوہ تبوک کے ، البتہ بدر میں پیچھے رہا پر آپ ﷺ نے کسی پر غصہ نہیں کیا جو پیچھے رہ گیا تھا اور بدر میں تو آپ ﷺ مسلمانوں کے ساتھ قریش کا قافلہ لوٹنے کے لیے نکلے تھے لیکن اللہ نے مسلمانوں کو ان کے دشمنوں سے بھڑا دیا (اور قافلہ نکل گیا) بے وقت اور میں رسول اللہ ﷺ کے ساتھ موجود تھا لیلتہ العقبہ میں (لیلتہ العقبہ وہ رات ہے جب آپ ﷺ نے انصار سے بیعت لی تھی اسلام پر اور آپ ﷺ کی مدد کرنے پر اور یہ بیعت جمرہ عقبہ کے پاس جو منٰی میں ہے دو بارہ ہوئی ۔ پہلی بار میں بارہ انصاری تھے اور دوسری بار میں ستر انصاری تھے) اور میں نہیں چاہتا کہ اس رات کے بدلے میں جنگ بدر میں شریک ہوتا گو جنگ بدر لوگوں میں اس رات سے زیادہ مشہور ہے (یعنی لوگ اس کو افضل کہتے ہیں) اور میرا قصہ غزوہ تبوک سے پیچھے رہنے کا یہ ہے کہ جب یہ غزوہ ہوا تو میں سب سے زیادہ طاقتور اور مالدار تھا ۔ اللہ کی قسم اس سے پہلے میرے پاس دو اونٹنیاں کبھی نہیں ہوئیں اور اس لڑائی کے وقت میرے پاس دو اونٹنییاں تھیں ۔ آپ ﷺ اس لڑائی کے لیے چلے سخت گرمی کے دنوں میں اور سفر بھی لمبا تھا اور راہ میں جنگل تھے (دور دواز جن میں پانی کم ملتا اور ہلاکت کا خوف ہوتا) اور مقابلہ تھا بہت دشمنوں سے ، اس لیے آپ ﷺ نے مسلمانوں سے واضح طور پر فرما دیا کہ ” میں اس لڑائی کو جاتا ہوں ۔ “ (حالانکہ آپ ﷺ کی یہ عادت تھی کہ اور لڑائیوں میں اپنا ارادہ صاف صاف نہ فرماتے مصلحت سے تاکہ خبر مشہور نہ ہو) تاکہ وہ اپنی تیاری کر لیں ۔ پھر ان سے کہہ دیا کہ فلاں طرف ان کو جانا پڑے گا ، اس وقت آپ ﷺ کے ساتھ بہت سے مسلمان تھے اور کوئی دفتر نہ تھا ، جس میں...

حدیث نمبر: 241 --- ‏‏‏‏ سیدنا عبداللہ بن عمر ؓ سے روایت ہے ، رسول اللہ ﷺ نے فرمایا : ”اے عورتوں کی جماعت ! تم صدقہ دو اور استغفار کرو کیونکہ میں نے دیکھا جہنم میں اکثر عورتوں ہیں ۔ “ ایک عقلمند عورت بولی : یا رسول اللہ ! کیا سبب ہے ؟ عورتیں کیوں زیادہ ہیں جہنم میں ؟ آپ ﷺ نے فرمایا : ”وہ لعنت بہت کرتی ہیں اور خاوند کی ناشکری کرتی ہیں ، میں نے عقل اور دین میں کم اور عقل مند کو بے عقل کرنے والی تم سے زیادہ کسی کو نہ دیکھا ۔ “ وہ عورت بولی : ہماری عقل اور دین میں کیا کمی ہے ؟ آپ ﷺ نے فرمایا : ” عقل کی کمی تو اس سے معلوم ہوتی ہے کہ دو عورتوں کی گواہی ایک مرد کی گواہی کے برابر ہے اور دین میں کمی یہ ہے کہ عورت کئی دن تک (ہر مہینے میں) نماز نہیں پڑھتی (حیض کی وجہ سے) اور رمضان کے روزے نہیں رکھتی (حیض کے دنوں میں) ۔ “

حدیث نمبر: 6715 --- ‏‏‏‏ سیدنا انس بن مالک ؓ سے روایت ہے ، میں اور رسول اللہ ﷺ دونوں مسجد سے نکل رہے تھے اتنے میں ایک شخص ہم کو ملا مسجد کے سائبان کے پاس اور بولا : یا رسول اللہ ! قیامت کب ہو گی ؟ آپ ﷺ نے فرمایا : ” تو نے کیا سامان تیار کیا ہے قیامت کے لیے ؟ “ یہ سن کر وہ شخص دب گیا ، پھر بولا : یا رسول اللہ ! میں نے تو کچھ بہت نماز اور روزہ اور صدقہ تیار نہیں کیا البتہ میں محبت رکھتا ہوں اللہ سے اور اس کے رسول سے ۔ آپ ﷺ نے فرمایا : ” تو اسی کے ساتھ ہو گا جس سے محبت رکھے ۔ “

حدیث نمبر: 250 --- ‏‏‏‏ سیدنا ابوذر ؓ سے روایت ہے ، رسول اللہ ﷺ سے میں نے پوچھا کہ کون سا عمل اٖفضل ہے ؟ آپ ﷺ نے فرمایا : ” اللہ پر ایمان لانا اور جہاد کرنا اس کی راہ میں “ ۔ میں نے کہا : کون سا غلام آزاد کرنا افضل ہے ؟ آپ ﷺ نے فرمایا : ” جو غلام اس کے مالک کو عمدہ معلوم ہو اور جس کی قیمت بھاری ہو “ ۔ میں نے کہا : اگر میں یہ نہ کر سکوں ؟ آپ ﷺ نے فرمایا : ” تو مدد کر کسی « صانع » کی مزدوری کر اس کیلئے جو بے ہنر ہو ۔ “ (یعنی کوئی کام اور پیشہ نہ جانتا ہو اور روٹی کا محتاج ہو) میں نے کہا : یا رسول اللہ ! اگر خود میں ناتواں ہوں ؟ یعنی کام نہ کر سکوں ؟ آپ ﷺ نے فرمایا : ” تو کسی سے برائی نہ کر ، یہی تیرا صدقہ ہے اپنے نفس پر ۔ “