حدیث نمبر: 2214 --- حکم البانی: حسن دون قوله والعرق... خویلہ بنت مالک بن ثعلبہ ؓ کہتی ہیں کہ میرے شوہر اوس بن صامت نے مجھ سے ظہار کر لیا تو میں رسول اللہ ﷺ کی خدمت میں حاضر ہوئی ، میں آپ سے شکایت کر رہی تھی اور رسول اللہ ﷺ مجھ سے ان کے بارے میں جھگڑ رہے تھے اور آپ ﷺ فرما رہے تھے : ” اللہ سے ڈر ، وہ تیرا چچا زاد بھائی ہے “ ، میں وہاں سے ہٹی بھی نہ تھی کہ یہ آیت نازل ہوئی : « قد سمع اللہ قول التي تجادلك في زوجہا » ” اللہ تعالیٰ نے اس عورت کی گفتگو سن لی ہے جو آپ سے اپنے شوہر کے متعلق جھگڑ رہی تھی “ (سورۃ المجادلہ : ۱) ، تو آپ ﷺ نے فرمایا : ” وہ ایک گردن آزاد کریں “ ، کہنے لگیں : ان کے پاس نہیں ہے ۔ آپ ﷺ نے فرمایا : ” پھر وہ دو مہینے کے پے در پے روزے رکھیں “ ، کہنے لگیں : اللہ کے رسول ! وہ بوڑھے کھوسٹ ہیں انہیں روزے کی طاقت نہیں ۔ آپ ﷺ نے فرمایا : ” تو پھر وہ ساٹھ مسکینوں کو کھانا کھلائیں “ ، کہنے لگیں : ان کے پاس صدقہ کرنے کے لیے کچھ بھی نہیں ۔ کہتی ہیں : اسی وقت آپ ﷺ کے پاس کھجوروں کی ایک زنبیل آ گئی ، میں نے کہا : اللہ کے رسول (آپ یہ دے دیجئیے) ایک اور زنبیل میں دے دوں گی ، آپ ﷺ نے فرمایا : ” تم نے ٹھیک ہی کہا ہے ، لے جاؤ اور ان کی جانب سے ساٹھ مسکینوں کو کھلا دو ، اور اپنے چچا زاد بھائی (یعنی شوہر) کے پاس لوٹ جاؤ “ ۔ راوی کا بیان ہے کہ زنبیل ساٹھ صاع کی تھی ۔ ابوداؤد کہتے ہیں : کہ اس عورت نے اپنے شوہر سے مشورہ کئے بغیر اس کی جانب سے کفارہ ادا کیا ۔ ابوداؤد کہتے ہیں : یہ عبادہ بن صامت کے بھائی ہیں ۔ ... (ض) ... حدیث متعلقہ ابواب: شوہر کی طرف سے کفارہ ادا کرنا ۔

حدیث نمبر: 2390 --- حکم البانی: صحيح... ابوہریرہ ؓ کہتے ہیں کہ ایک شخص نبی اکرم ﷺ کی خدمت میں حاضر ہوا اور کہنے لگا کہ میں ہلاک ہو گیا آپ ﷺ نے پوچھا : ” کیا بات ہے ؟ “ اس نے کہا : میں نے رمضان میں اپنی بیوی سے جماع کر لیا ہے ، آپ ﷺ نے فرمایا : ” کیا تم ایک گردن آزاد کر سکتے ہو ؟ “ اس نے کہا : نہیں ، فرمایا : ” دو مہینے مسلسل روزے رکھنے کی طاقت ہے ؟ “ کہا : نہیں ، فرمایا : ” ساٹھ مسکینوں کو کھانا کھلا سکتے ہو ؟ “ ، کہا : نہیں ، فرمایا : ” بیٹھو “ ، اتنے میں رسول اللہ ﷺ کے پاس کھجوروں کا ایک بڑا تھیلا آ گیا ، آپ ﷺ نے اس سے فرمایا : ” انہیں صدقہ کر دو “ ، کہنے لگا : اللہ کے رسول ! مدینہ کی ان دونوں سیاہ پتھریلی پہاڑیوں کے بیچ ہم سے زیادہ محتاج کوئی گھرانہ ہے ہی نہیں ، اس پر رسول ﷺ ہنسے یہاں تک کہ آپ کے سامنے کے دانت ظاہر ہو گئے اور فرمایا : ” اچھا تو انہیں ہی کھلا دو “ ۔ مسدد کی روایت میں ایک دوسری جگہ « ثناياہ » کی جگہ « أنيابہ » ہے ۔ ... (ص/ح)

حدیث نمبر: 2297 --- حکم البانی: صحيح... جابر ؓ کہتے ہیں کہ میری خالہ کو تین طلاقیں دی گئیں ، وہ اپنی کھجوریں توڑنے نکلیں ، راستے میں ایک شخص ملا تو اس نے انہیں نکلنے سے منع کیا چنانچہ وہ نبی اکرم ﷺ کی خدمت میں حاضر ہوئیں ، اور آپ سے اس واقعہ کا ذکر کیا ، آپ ﷺ نے فرمایا : ” جاؤ اور اپنی کھجوریں توڑو ، ہو سکتا ہے تم اس میں سے صدقہ کرو یا اور کوئی بھلائی کا کام کرو “ ۔ ... (ص/ح)

حدیث نمبر: 2813 --- حکم البانی: صحيح... نبیشہ ؓ کہتے ہیں کہ رسول اللہ ﷺ نے فرمایا : ” ہم نے تم لوگوں کو تین دن کے بعد قربانی کا گوشت کھانے سے اس واسطے منع کیا تھا کہ وہ تم سب کو پہنچ جائے ، اب اللہ تعالیٰ نے گنجائش دے دی ہے تو کھاؤ اور بچا (بھی) رکھو اور (صدقہ دے کر) ثواب (بھی) کماؤ ، سن لو ! یہ دن کھانے ، پینے اور اللہ عزوجل کی یاد (شکر گزاری) کے ہیں “ ۔ ... (ص/ح)

حدیث نمبر: 2878 --- حکم البانی: صحيح... عبداللہ بن عمر ؓ کہتے ہیں کہ عمر ؓ کو خیبر میں ایک زمین ملی ، وہ نبی اکرم ﷺ کے پاس آئے اور انہوں نے عرض کیا : اللہ کے رسول ! مجھے ایک ایسی زمین ملی ہے ، مجھے کبھی کوئی مال نہیں ملا تو اس کے متعلق مجھے آپ کیا حکم فرماتے ہیں ؟ رسول اللہ ﷺ نے فرمایا : ” اگر تم چاہو تو زمین کی اصل (ملکیت) کو روک لو اور اس کے منافع کو صدقہ کر دو “ ، عمر ؓ نے ایسا ہی کیا کہ نہ زمین بیچی جائے گی ، نہ ہبہ کی جائے گی ، اور نہ میراث میں تقسیم ہو گی (بلکہ) اس سے فقراء ، قرابت دار ، غلام ، مجاہدین اور مسافر فائدہ اٹھائیں گے ۔ بشر کی روایت میں ” مہمان کا اضافہ ہے “ ، باقی میں سارے راوی متفق ہیں : ” جو اس کا والی ہو گا دستور کے مطابق اس کے منافع سے اس کے خود کھانے اور دوستوں کو کھلانے میں کوئی حرج نہیں جب کہ وہ مال جمع کر کے رکھنے والا نہ ہو “ ۔ بشر کی روایت میں اتنا زیادہ ہے کہ محمد (ابن سیرین) کہتے ہیں : ” مال جوڑنے والا نہ ہو “ ۔ ... (ص/ح)

حدیث نمبر: 3004 --- حکم البانی: صحيح الإسناد... عبدالرحمٰن بن کعب بن مالک ایک صحابی رسول ﷺ سے روایت کرتے ہیں کہ کفار قریش نے اس وقت جب کہ رسول اللہ ﷺ مدینہ آ گئے تھے اور جنگ بدر پیش نہ آئی تھی عبداللہ بن ابی اور اس کے اوس و خزرج کے بت پرست ساتھیوں کو لکھا کہ تم نے ہمارے ساتھی (رسول اللہ ﷺ ) کو اپنے یہاں پناہ دی ہے ، ہم اللہ کی قسم کھا کر کہتے ہیں کہ تم اس سے لڑ بھڑ (کر اسے قتل کر دو) یا اسے وہاں سے نکال دو ، نہیں تو ہم سب مل کر تمہارے اوپر حملہ کر دیں گے ، تمہارے لڑنے کے قابل لوگوں کو قتل کر دیں گے اور تمہاری عورتوں کو اپنے لیے مباح کر لیں گے ۔ جب یہ خط عبداللہ بن ابی اور اس کے بت پرست ساتھیوں کو پہنچا تو وہ سب رسول اللہ ﷺ سے لڑنے کے لیے جمع ہوئے ، جب یہ خبر نبی اکرم ﷺ کو پہنچی تو آپ جا کر ان سے ملے اور انہیں سمجھایا کہ قریش کی دھمکی اپنی انتہا کو پہنچی ہوئی دھمکی ہے ، قریش تمہیں اتنا ضرر نہیں پہنچا سکتے جتنا تم خود اپنے تئیں ضرر پہنچا سکتے ہو ، کیونکہ تم اپنے بیٹوں اور اپنے بھائیوں سے لڑنا چاہتے ہو ، جب ان لوگوں نے نبی اکرم ﷺ سے یہ سنا تو وہ آپس میں ایک رائے نہیں رہے ، بٹ گئے ، (جنگ کا ارادہ سب کا نہیں رہا) تو یہ بات کفار قریش کو پہنچی تو انہوں نے واقعہ بدر کے بعد پھر اہل یہود کو خط لکھا کہ تم لوگ ہتھیار اور قلعہ والے ہو تم ہمارے ساتھی (محمد ﷺ ) سے لڑو نہیں تو ہم تمہاری ایسی تیسی کر دیں گے (یعنی قتل کریں گے) اور ہمارے درمیان اور تمہاری عورتوں کی پنڈلیوں و پازیبوں کے درمیان کوئی چیز حائل نہ ہو گی ، جب ان کا خط رسول اللہ ﷺ کے ہاتھ لگا ، تو بنو نضیر نے فریب دہی و عہدشکنی کا پلان بنا لیا اور رسول اللہ ﷺ کو کہلا بھیجا کہ آپ اپنے اصحاب میں سے تیس آدمی لے کر ہماری طرف نکلئے ، اور ہمارے بھی تیس عالم نکل کر آپ سے ایک درمیانی مقام میں رہیں گے ، وہ آپ کی گفتگو سنیں گے اگر آپ کی تصدیق کریں گے اور آپ پر ایمان لائیں گے تو ہم سب آپ پر ایمان لے آئیں گے ، آپ ﷺ نے اپنے صحابہ سے ان کی یہ سب باتیں بیان کر دیں ، دوسرے دن رسول اللہ ﷺ اپنا لشکر لے کر ان کی طرف گئے اور ان کا محاصرہ کر لیا ، آپ ﷺ نے ان سے کہا : ” اللہ کی قسم ہمیں تم پر اس وقت تک اطمینان نہ ہو گا جب تک کہ تم ہم سے معاہدہ نہ کر لو گے “ ، تو انہوں نے عہد دینے سے انکار کیا (کیونکہ ان کا ارادہ دھوکہ دینے کا تھا) ، آپ ﷺ ن...

حدیث نمبر: 2947 --- حکم البانی: حسن... ابومسعود انصاری ؓ کہتے ہیں کہ نبی اکرم ﷺ نے مجھے عامل بنا کر بھیجا اور فرمایا : ” ابومسعود ! جاؤ (مگر دیکھو) ایسا نہ ہو کہ میں تمہیں قیامت میں اپنی پیٹھ پر زکاۃ کا اونٹ جسے تم نے چرایا ہو لادے ہوئے آتا دیکھوں اور وہ بلبلا رہا ہو “ ، ابومسعود ؓ بولے : اگر ایسا ہے تو میں نہیں جاتا ، آپ ﷺ نے فرمایا : ” تو میں تجھ پر جبر نہیں کرتا “ ۔ ... (ص/ح)

حدیث نمبر: 1674 --- حکم البانی: ضعيف... اس سند سے بھی ابن اسحاق سے اسی مفہوم کی حدیث اسی طریق سے مروی ہے البتہ اس میں اتنا اضافہ ہے : « خذ عنا مالك لا حاجۃ لنا بہ » ” اپنا مال ہم سے لے لو ہمیں اس کی ضرورت نہیں “ ۔ ... (ض)

حدیث نمبر: 1651 --- حکم البانی: صحيح... انس ؓ سے روایت ہے کہ نبی اکرم ﷺ کا گزر کسی پڑی ہوئی کھجور پر ہوتا تو آپ کو اس کے لے لینے سے سوائے اس اندیشے کے کوئی چیز مانع نہ ہوتی کہ کہیں وہ صدقے کی نہ ہو ۔ ... (ص/ح)

حدیث نمبر: 1615 --- حکم البانی: صحيح... نافع کہتے ہیں کہ عبداللہ بن عمر ؓ نے کہا : اس کے بعد لوگوں نے آدھے صاع گیہوں کو ایک صاع کے برابر کر لیا ، عبداللہ (ایک صاع) کھجور ہی دیا کرتے تھے ، ایک سال مدینے میں کھجور کا ملنا دشوار ہو گیا تو انہوں نے جو دیا ۔ ... (ص/ح)