حدیث نمبر: 2351 --- ‏‏‏‏ سیدنا منذر بن جریر ؓ اپنے باپ سے روایت کرتے ہیں کہ ہم رسول اللہ ﷺ کے پاس تھے دن کے شروع میں ، سو کچھ لوگ آئے ننگے پیر ننگے بدن ، گلے میں چمڑے کی عبائیں پہنی ہوئیں ، اپنی تلواریں لٹکائی ہوئی اکثر بلکہ سب ان میں قبیلہ مضر کے لوگ تھے اور رسول اللہ ﷺ کا چہرہ مبارک بدل گیا ان کے فقر و فاقہ کو دیکھ کر آپ ﷺ اندر گئے ، پھر باہر آئے (یعنی پریشان ہو گئے ۔ سبحان اللہ ! کیا شفقت تھی اور کیسی ہمدردی تھی) اور سیدنا بلال ؓ کو حکم فرمایا کہ اذان کہو اور تکبیر کہی اور نماز پڑھی اور خطبہ پڑھا اور یہ آیت پڑھی « يَا أَيُّہَا النَّاسُ اتَّقُوا رَبَّكُمُ الَّذِى خَلَقَكُمْ مِنْ نَفْسٍ وَاحِدَۃٍ » ” اے لوگو ! ڈرو اللہ سے جس نے تم کو بنایا ایک جان سے “ (یہ اس لیے پڑھی کہ معلوم ہو کہ سارے بنی آدم آپس میں بھائی بھائی ہیں) « َإِنَّ اللَّہَ كَانَ عَلَيْكُمْ رَقِيبًا » تک پھر سورہ حشر کی آیت پڑھی « اتَّقُوا اللَّہَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّہَ » ” اے ایمان والو ! ڈرو اللہ سے اور غور کرو کہ تم نے اپنی جانوں کے لیے کیا بھیج رکھا ہے جو کل کام آئے ۔ “ (پھر تو صدقات کا بازار گرم ہوا) اور کسی نے اشرفی دی اور کسی نے درہم ، کسی نے ایک صاع گیہوں ، کسی نے ایک صاع کھجور دینا شروع کیے یہاں تک کہ آپ ﷺ نے فرمایا : ” ایک ٹکڑا بھی کھجور کا ہو ۔ “ (جب بھی لاؤ) پھر انصار میں سے ایک شخص توڑا لایا کہ اس کا ہاتھ تھکا جاتا تھا بلکہ تھک گیا تھا ، پھر تو لوگوں نے تار باندھ دیا یہاں تک کہ میں نے دو ڈھیر دیکھے کھانے اور کپڑے کے اور یہاں تک (صدقات جمع ہوئے) کہ رسول اللہ ﷺ کے چہرہ مبارک کو میں دیکھتا تھا کہ چمکنے لگا تھا گویا کہ سونے کا ہو گیا تھا ، جیسے کندن ، پھر فرمایا : رسول اللہ ﷺ نے کہ ” جس نے اسلام میں آ کر نیک بات (یعنی کتاب و سنت کی بات) جاری کی اس کے لئے اپنے عمل کا بھی ثواب ہے اور جو لوگ عمل کریں (اس کی دیکھا دیکھی) ان کا بھی ثواب ہے بغیر اس کے کہ ان لوگوں کا کچھ ثواب گھٹے اور جس نے اسلام میں آ کر بری چال ڈالی (یعنی جس سے کتاب و سنت نے روکا ہے) اس کے اوپر اس کے عمل کا بھی بار ہے اور ان لوگوں کا بھی جو اس کے بعد عمل کریں بغیر اس کے کہ ان لوگوں کا بار کچھ گھٹے ۔ “

حدیث نمبر: 2373 --- ‏‏‏‏ سیدنا ابوہریرہ ؓ سے روایت ہے کہ رسول اللہ ﷺ نے فرمایا : ” جس نے ایک جوڑا خرچ کیا اللہ کی راہ میں ، بلاتے ہیں اس کو سب خزانچی جنت کے ، ہر دروازے سے اور کہتے ہیں کہ اے فلانے ! آؤ ۔ “ تو ابوبکر ؓ نے عرض کیا یا رسول اللہ ! ایسے شخص پر تو پھر کوئی خرابی نہیں آنے کی یا ایسے شخص کو تو کچھ مشکل نہیں ۔ آپ ﷺ نے فرمایا : ” میں امید رکھتا ہوں کہ تم بھی ان میں ہو گے ۔ “ (یعنی جنت کے سب دروازوں سے پکارے جاؤ گے) ۔

حدیث نمبر: 2372 --- ‏‏‏‏ مذکورہ بالا حدیث اس سند سے بھی مروی ہے ۔

حدیث نمبر: 2379 --- ‏‏‏‏ سیدنا ابوہریرہ ؓ راوی ہیں کہ رسول اللہ ﷺ نے فرمایا : ” اے مسلمان عورتو ! کوئی تم میں سے اپنے ہمسائے کو حقیر نہ جانے اگرچہ ایک بکری کا کھر ہی دے ۔ “ (یعنی نہ لینے والا اس کو حقیر سمجھ کر انکار کرے ، نہ دینے والا شرمندہ ہو کر دینے سے باز رہے) ۔

حدیث نمبر: 4164 --- ‏‏‏‏ اس سند سے بھی مذکورہ بالا حدیث مروی ہے اور اس میں یہ اضافہ ہے کہ ” تو اس کو نہ خرید اگرچہ وہ تجھے ایک درہم کے بدلے میں دے ۔ “

حدیث نمبر: 4166 --- ‏‏‏‏ مذکورہ بالا حدیث اس سند سے بھی مروی ہے ۔

حدیث نمبر: 4165 --- ‏‏‏‏ سیدنا عمر ؓ سے روایت ہے ، انہوں نے ایک گھوڑا دیا اللہ تعالیٰ کی راہ میں ، پھر دیکھا تو وہ جس کے پاس تھا اس نے تباہ کر دیا ، اس کو (گھاس اور دانے کی بے خبری سے) اور وہ نادار تھا تو سیدنا عمر بن خطاب ؓ نے چاہا پھر خریدنا اس کا اور رسول اللہ ﷺ کے پاس آئے ۔ آپ ﷺ سے ذکر کیا ۔ آپ ﷺ نے فرمایا : ” مت خرید اس کو اگرچہ ایک درہم کو ملے کیونکہ مثال اس کی جو لوٹائے اپنے صدقے میں مثال کتے کی ہے لوٹتا ہے قے کر کے پھر کھانے کو ۔ “

حدیث نمبر: 4168 --- ‏‏‏‏ مذکورہ بالا حدیث اس سند سے بھی مروی ہے ۔

حدیث نمبر: 4171 --- ‏‏‏‏ اس سند سے بھی مذکورہ بالا حدیث مروی ہے ۔

حدیث نمبر: 4174 --- ‏‏‏‏ سیدنا عبداللہ بن عباس ؓ سے روایت ہے ، رسول اللہ ﷺ نے فرمایا : ” ہبہ میں لوٹنے والا مثل اس کے ہے جو قے کر کے پھر کھانے جائے اس کو ۔ “