حدیث نمبر: 3398 --- حکم البانی: صحيح الإسناد... ام المؤمنین عائشہ ؓ کہتی ہیں کہ نبی اکرم ﷺ کی بیویاں اکٹھا ہوئیں اور انہوں نے فاطمہ ؓ کو نبی اکرم ﷺ کے پاس بھیجا اور ان سے کہا : آپ کی بیویاں - اور ایسا کلمہ کہا جس کا مفہوم یہ ہے - ابوقحافہ کی بیٹی کے تعلق سے آپ سے مطالبہ کرتی ہیں کہ انصاف سے کام لیجئیے ۔ چنانچہ وہ نبی اکرم ﷺ کے پاس گئیں ، آپ عائشہ ؓ کے ساتھ ان کی چادر میں تھے ۔ انہوں نے آپ سے کہا : (اللہ کے رسول !) آپ کی بیویوں نے مجھے آپ کے پاس بھیجا ہے وہ ابوقحافہ کی بیٹی (عائشہ) کے سلسلے میں آپ سے عدل کا مطالبہ کر رہی ہیں ، نبی اکرم ﷺ نے ان سے فرمایا : ” کیا تمہیں مجھ سے محبت ہے ؟ “ کہا : جی ہاں ! آپ نے فرمایا : ” تو تم بھی ان (عائشہ) سے محبت کرو “ ، عائشہ ؓ کہتی ہیں : فاطمہ ؓ نے نبی اکرم ﷺ کی بیویوں کے پاس واپس آ کر انہیں وہ ساری بات بتائی جو آپ نے (فاطمہ سے) کہی ، وہ سب بولیں : تم نے ہمارے لیے کچھ بھی نہیں کیا ، تم پھر رسول اللہ ﷺ کے پاس جاؤ ۔ فاطمہ نے کہا : نہیں ، اللہ کی قسم ! میں ان کے سلسلے میں آپ کے پاس کبھی نہیں جاؤں گی اور درحقیقت وہ اللہ کے رسول ﷺ کی بیٹی تھیں ، اب نبی اکرم ﷺ کی ازواج مطہرات نے (رسول اللہ ﷺ کے پاس) زینب بنت جحش ؓ کو بھیجا ۔ اور زینب ہی ایسی تھیں جو نبی اکرم ﷺ کی بیویوں میں (رسول اللہ ﷺ کے نزدیک) میرے برابر کا درجہ رکھتی تھیں ۔ وہ بولیں : (اللہ کے رسول !) آپ کی بیویوں نے مجھے آپ کے پاس اس لیے بھیجا ہے کہ وہ سب ابوقحافہ کی بیٹی کے تعلق سے آپ سے عدل و انصاف کا مطالبہ کر رہی ہیں اور وہ مجھے برا بھلا کہنے لگیں ۔ میں نبی اکرم ﷺ کو دیکھ رہی تھی اور آپ کی نگاہ دیکھ رہی تھی کہ آیا آپ مجھے بھی ان کا جواب دینے کی اجازت دیتے ہیں ؟ زینب ؓ ابھی وہیں پر تھیں کہ میں نے اندازہ کر لیا کہ اگر میں انہیں جواب دوں تو رسول اللہ ﷺ کو برا نہیں لگے گا ۔ چنانچہ (جب) میں نے انہیں برا بھلا کہا (تو میں نے انہیں ذرا بھی ٹکنے نہیں دیا) یہاں تک کہ میں ان سے آگے نکل گئی ، نبی اکرم ﷺ نے زینب ؓ سے فرمایا : ” یہ ابوبکر کی بیٹی ہے “ ۔ عائشہ ؓ کہتی ہیں : میں نے کبھی بھی دین کے معاملے میں بہتر ، اللہ سے ڈرنے والی ، سچ بات کہنے والی اور صلہ رحمی کرنے والی ، بڑے بڑے صدقات کرنے والی ، صدقہ و خیرات اور قرب الٰہی کے کاموں میں خود کو سب سے زیادہ کمتر کرنے والی زینب ؓ سے بڑھ ...

حدیث نمبر: 3190 --- حکم البانی: حسن... معاذ بن جبل ؓ کہتے ہیں کہ رسول اللہ ﷺ نے فرمایا : ” جہاد دو طرح کے ہیں : ایک جہاد وہ ہے جس میں جہاد کرنے والا اللہ کی رضا و خوشنودی کا طالب ہو ، امام (سردار) کی اطاعت کرے ، اپنی پسندیدہ چیز اللہ کے راستے میں خرچ کرے ، اپنے شریک کو سہولت پہنچائے ، اور فساد سے بچے تو اس کا سونا ، و جاگنا سب کچھ باعث اجر ہو گا ۔ دوسرا جہاد وہ ہے جس میں جہاد کرنے والا ریاکاری اور شہرت کے لیے جہاد کرے ، امیر (سردار و سپہ سالار) کی نافرمانی کرے اور زمین میں فساد پھیلائے تو وہ برابر سرابر نہیں لوٹے گا “ ۔ ... (ص/ح)

حدیث نمبر: 1581 --- حکم البانی: صحيح المرفوع منه... حسن بصری سے روایت ہے کہ ابن عباس ؓ نے بصرہ میں خطبہ دیا تو کہا : تم لوگ اپنے روزوں کی زکاۃ ادا کرو ، تو (یہ سن کر) لوگ ایک دوسرے کی طرف دیکھنے لگے ، تو انہوں نے کہا : یہاں مدینہ والے کون کون ہیں ، تم اپنے بھائیوں کے پاس جاؤ ، اور انہیں سکھاؤ کیونکہ یہ لوگ نہیں جانتے ہیں کہ رسول اللہ ﷺ نے صدقۃ الفطر آدھا صاع گیہوں یا ایک صاع کھجور یا جو ، چھوٹے ، بڑے ، آزاد ، غلام ، مرد ، عورت سب پر فرض کیا ہے ۔ ... (ض)

حدیث نمبر: 2617 --- حکم البانی: صحيح... عمر ؓ کہتے ہیں کہ انہوں نے ایک گھوڑا اللہ کی راہ میں سواری کے لیے دیا ، پھر دیکھا کہ وہ گھوڑا بیچا جا رہا ہے ، تو انہوں نے اسے خریدنے کا ارادہ کیا ، تو نبی اکرم ﷺ نے ان سے فرمایا : ” تم اپنے صدقے میں آڑے نہ آؤ “ ۔ ... (ص/ح)

حدیث نمبر: 3689 --- حکم البانی: صحيح... عبداللہ بن عباس ؓ کہتے ہیں کہ سعد بن عبادہ ؓ نے رسول اللہ ﷺ سے ایک نذر کے متعلق پوچھا جو ان کی ماں کے ذمہ تھی اور اسے پوری کرنے سے پہلے ہی وہ انتقال کر گئیں ، تو آپ نے فرمایا : ” تم ان کی طرف سے نذر پوری کر دو “ ۔ ... (ص/ح)

حدیث نمبر: 3688 --- حکم البانی: صحيح الإسناد... سعد بن عبادہ ؓ سے روایت ہے کہ انہوں نے نبی اکرم ﷺ سے ایک نذر کے بارے میں پوچھا جوان کی ماں کے ذمہ تھی اور نذر پوری کرنے سے پہلے ہی ان کی موت ہو گئی تھی ؟ آپ نے فرمایا : ” تم ان کی طرف سے نذر پوری کر دو “ ۔ ... (ص/ح)

حدیث نمبر: 2580 --- حکم البانی: صحيح... قبیصہ بن مخارق ؓ کہتے ہیں کہ میں نے ایک قرض اپنے ذمہ لے لیا ، تو میں نبی اکرم ﷺ کے پاس آیا ، اور آپ سے اس سلسلہ میں سوال کیا ، تو آپ نے فرمایا : ” مانگنا صرف تین لوگوں کے لیے جائز ہے ، ان میں سے ایک وہ شخص ہے جس نے قوم کے کسی شخص کے قرض کی ضمانت لے لی ہو (پھر وہ ادا نہ کر سکے) ، تو وہ دوسرے سے مانگے یہاں تک کہ اسے ادا کر دے ، پھر رک جائے “ ۔ ... (ص/ح)

حدیث نمبر: 2510 --- حکم البانی: ضعيف الإسناد... حسن بصری کہتے ہیں کہ ابن عباس ؓ نے رمضان کے مہینے کے آخر میں کہا (جب وہ بصرہ کے امیر تھے) : تم اپنے روزوں کی زکاۃ نکالو ، تو لوگ ایک دوسرے کو تکنے لگے تو انہوں نے پوچھا : مدینہ والوں میں سے یہاں کون کون ہے (جو بھی ہو) اٹھ جاؤ ، اور اپنے بھائیوں کو بتاؤ ، کیونکہ یہ لوگ نہیں جانتے کہ اس زکاۃ کو رسول اللہ ﷺ نے ہر مرد ، عورت ، آزاد اور غلام پر ایک صاع جو یا کھجور ، یا آدھا صاع گی ہوں فرض کیا ہے ، تو لوگ اٹھے (اور انہوں نے لوگوں کو بتایا) ۔ ابوعبدالرحمٰن (نسائی) کہتے ہیں : ہشام نے حمید کی مخالفت کی ہے ، انہوں نے « عن محمد بن سيرين » کہا ہے ۔ ... (ض)

حدیث نمبر: 3686 --- حکم البانی: صحيح لغيره... سعد بن عبادہ ؓ سے روایت ہے کہ انہوں نے نبی اکرم ﷺ کے پاس آ کر کہا : میری ماں مر چکی ہیں اور ان کے ذمہ ایک نذر ہے ، اگر میں ان کی طرف سے (ایک غلام) آزاد کر دوں تو کیا یہ ان کی طرف سے پوری ہو جائے گی ؟ آپ نے فرمایا : ” (ہاں) اپنی ماں کی طرف سے غلام آزاد کر دو “ ۔ ... (ص/ح)

حدیث نمبر: 2550 --- حکم البانی: حسن... ابوامامہ بن سہل بن حنیف ؓ کہتے ہیں کہ ہم لوگ ایک دن مسجد میں بیٹھے ہوئے تھے ہمارے ساتھ کچھ مہاجرین و انصار بھی تھے ، ہم نے ایک شخص کو ام المؤمنین عائشہ ؓ کے پاس ملاقات کی اجازت حاصل کرنے کے لیے بھیجا ، (انہوں نے اجازت دے دی ، ہم ان کے پاس پہنچی تو انہوں نے کہا : ایک بار میرے پاس ایک مانگنے والا آیا اس وقت رسول اللہ ﷺ میرے پاس تشریف فرما تھے ، میں نے (خادمہ کو) اسے کچھ دینے کا حکم دیا ، پھر میں نے اسے بلایا اسے دیکھنے لگی تو رسول اللہ ﷺ نے فرمایا : ” کیا آپ چاہتی ہیں کہ بغیر آپ کے علم میں آئے تمہارے گھر میں کچھ نہ آئے اور تمہارے گھر سے کچھ نہ جائے ؟ “ میں نے کہا : جی ہاں ، آپ نے فرمایا : ” عائشہ ! ٹھہر جاؤ ، گن کر نہ دو کہ اللہ عزوجل بھی تمہیں بھی گن کر دے “ ۔ ... (ص/ح)