تفسير ابن كثير



تفسیر القرآن الکریم

(آیت 18) وَ هُوَ الْقَاهِرُ فَوْقَ عِبَادِهٖ …: یہ بھی اس بات کی دلیل ہے کہ اس کے سوا کسی کو ولی نہیں بنانا چاہیے۔(رازی) مطلب یہ ہے کہ سب لوگ، خواہ بڑے سے بڑے جابر ہوں، اس کے سامنے بے بس ہیں، تمام گردنیں اس کے آگے جھکی ہوئی ہیں، وہ ہر ایک پر غالب ہے اور ساری کائنات اس کی مطیع ہے۔ اللہ تعالیٰ کی دو صفات کمال قدرت اور علم میں سے پہلے جملے «وَ هُوَ الْقَاهِرُ فَوْقَ عِبَادِهٖ» میں کمال قدرت کی طرف اشارہ ہے اور دوسرے جملے «وَ هُوَ الْحَكِيْمُ الْخَبِيْرُ» سے کمال علم ثابت ہوتا ہے، یعنی وہ اپنے احکام میں کمال حکمت والا اور اپنے بندوں کے معاملات کی پوری خبر رکھنے والا ہے۔ (رازی) اس لیے غلبہ و تسلط کے باوجود اپنی مخلوق کے معاملے میں حکمت اور آگاہی کے تقاضوں کو پوری طرح ملحوظ رکھتا ہے۔



http://islamicurdubooks.com/ 2005-2023 islamicurdubooks@gmail.com No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.