سیدنا ابوامامہ رضی اللہ عنہ بیان کرتے ہیں: نبی اکرم صلی اللہ علیہ وسلم نماز کے دوران جماہی کو ناپسندیدہ سمجھتے تھے۔
یہ روایت امام طبرانی نے معجم کبیر میں نقل کی ہے، اس کی سند میں ایک راوی عبدالکریم بن ابومخارق ہے، اور وہ ”ضعیف“ ہے۔ [مجمع الزاوئد ومنبع الفوائد/كِتَابُ الصَّلَاةِ/حدیث: 2470]

ابویقظان نے اپنے والد کے حوالے سے اپنے دادا سے ”مرفوع“ حدیث کے طور پر یہ بات نقل کی ہے: (نبی اکرم صلی اللہ علیہ وسلم نے ارشاد فرمایا ہے:) ”نماز کے دوران چھینک، اونگھ، نکسیر، حیض، قئے اور جماہی شیطان کی طرف سے ہوتی ہیں“۔
یہ روایت امام طبرانی نے معجم کبیر میں نقل کی ہے ابویقظان نامی راوی انتہائی ”ضعیف“ ہے۔ [مجمع الزاوئد ومنبع الفوائد/كِتَابُ الصَّلَاةِ/حدیث: 2471]

سیدنا عبداللہ بن مسعود رضی اللہ عنہ یہ فرماتے ہیں: ”نماز کے دوران جماہی اور چھینک شیطان کی طرف سے ہوتی ہے“۔
یہ روایت امام طبرانی نے معجم کبیر میں نقل کی ہے، اور اس کے رجال کی توثیق کی گئی ہے آگے سیدنا عبداللہ بن مسعود رضی اللہ عنہ کے حوالے سے ایک روایت آئے گی جو نماز کے دوران اونگھنے کے بارے میں ہے، وہ سورۃ آل عمران سے متعلق باب میں آئے گی اگر اللہ نے چاہا۔ [مجمع الزاوئد ومنبع الفوائد/كِتَابُ الصَّلَاةِ/حدیث: 2472]