سیدنا عبداللہ بن عمرو رضی اللہ عنہ بیان کرتے ہیں: نبی اکرم صلی اللہ علیہ وسلم نے یہ فیصلہ دیا تھا کہ اسلام میں شعار کی اجازت نہیں ہے۔
یہ روایت امام أحمد نے نقل کی ہے اور اس کے رجال صحیح کے رجال ہیں، صرف ابن اسحاق کا معاملہ مختلف ہے اور اس نے حدیث روایت کرنے کی صراحت کی ہے۔ [مجمع الزاوئد ومنبع الفوائد/كِتَابُ النِّكَاحِ/حدیث: 7397]

سیدنا سمرہ بن جندب رضی اللہ عنہ بیان کرتے ہیں: نبی اکرم صلی اللہ علیہ وسلم نے عورتوں کے درمیان شغار سے منع کیا ہے۔
یہ روایت امام بزار اور امام طبرانی نے نقل کی ہے اور ان دونوں کی سند ضعیف ہے۔ [مجمع الزاوئد ومنبع الفوائد/كِتَابُ النِّكَاحِ/حدیث: 7398]

سیدنا وائل بن حجر رضی اللہ عنہ بیان کرتے ہیں: نبی اکرم صلی اللہ علیہ وسلم نے شغار سے منع کیا ہے۔
یہ روایت امام بزار نے نقل کی ہے اس کی سند میں ایک راوی سعید بن عبدالجبار بن وائل ہے، جسے امام نسائی رحمہ اللہ نے ضعیف قرار دیا ہے۔ [مجمع الزاوئد ومنبع الفوائد/كِتَابُ النِّكَاحِ/حدیث: 7399]

سیدنا ابی بن کعب رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: اسلام میں شغار نہیں ہے، لوگوں نے عرض کی: شغار سے مراد کیا ہے؟ آپ نے فرمایا: عورت کے عوض میں عورت کے ساتھ نکاح کرنا، یوں کہ ان دونوں کے درمیان کوئی مہر نہ ہو۔
یہ روایت امام طبرانی نے معجم صغیر اور معجم اوسط میں نقل کی ہے، اس کی سند میں ایک راوی یوسف بن خالد سمتی ہے اور وہ ضعیف ہے اور اس کی سند منقطع بھی ہے۔ [مجمع الزاوئد ومنبع الفوائد/كِتَابُ النِّكَاحِ/حدیث: 7400]

سیدنا عبداللہ بن عباس رضی اللہ عنہما بیان کرتے ہیں: نبی اکرم صلی اللہ علیہ وسلم یہ فرماتے تھے: وہ شخص ہم میں سے نہیں ہے، جو لوٹ لیتا ہے اور آپ نے یہ بھی فرمایا ہے: اسلام میں شغار نہیں ہے (نبی اکرم صلی اللہ علیہ وسلم یا شاید راوی یہ کہتے ہیں:) شغار سے مراد یہ ہے کہ دو عورتوں کے ساتھ نکاح کیا جائے، جن میں سے ایک کے ساتھ نکاح دوسری کے عوض میں ہو، اور کسی مہر کے بغیر ہو۔
یہ روایت امام طبرانی نے نقل کی ہے، اس کی سند میں ایک راوی ابوصباح عبدالغفور ہے اور وہ متروک ہے۔ [مجمع الزاوئد ومنبع الفوائد/كِتَابُ النِّكَاحِ/حدیث: 7401]