ابوعمرو شیبانی بیان کرتے ہیں: ایک شخص نے سیدنا عبداللہ بن مسعود رضی اللہ عنہ سے دریافت کیا: ایک شخص اپنی بیوی کی رخصتی کروانے سے پہلے اسے طلاق دے دیتا ہے، تو کیا وہ اس عورت کی بیٹی کے ساتھ شادی کر سکتا ہے؟ انہوں نے جواب دیا: جی ہاں! اس شخص نے ایسی عورت کے ساتھ شادی کر لی، اس عورت نے اس شخص کے بچے کو جنم دے دیا، پھر وہ (یعنی سیدنا عبداللہ بن مسعود رضی اللہ عنہ) سیدنا عمر رضی اللہ عنہ کے پاس آئے، اور ان سے یہ مسئلہ دریافت کیا: تو انہوں نے فرمایا: تم ان میاں بیوی کے درمیان علیحدگی کرواؤ! سیدنا عبداللہ رضی اللہ عنہ نے کہا: اس عورت نے تو بچے کو جنم دے دیا ہے، سیدنا عمر رضی اللہ عنہ نے فرمایا: اگرچہ اس نے دس بچوں کو جنم دیا ہو، پھر بھی تم ان دونوں کے درمیان علیحدگی کروا دو۔ [مجمع الزاوئد ومنبع الفوائد/كِتَابُ النِّكَاحِ/حدیث: 7422]

ایک روایت میں یہ الفاظ ہیں: سیدنا عبداللہ رضی اللہ عنہ ”صرف“ کی رخصت دیتے تھے اور اس بات کی رخصت دیتے تھے کہ آدمی نے کسی عورت کے ساتھ شادی کی ہو، اور پھر اس عورت کی رخصتی ہونے سے پہلے عورت کا انتقال ہو جائے، تو آدمی اس کی ماں کے ساتھ شادی کر سکتا ہے۔۔۔۔۔۔۔۔۔ اس کے بعد انہوں نے حسب سابق روایت ذکر کی ہے۔
یہ روایت امام طبرانی نے مختلف اسانید کے ساتھ نقل کی ہے، جن میں سے بعض کے رجال صحیح کے رجال ہیں۔ [مجمع الزاوئد ومنبع الفوائد/كِتَابُ النِّكَاحِ/حدیث: 7423]