عطیہ بن قیس کلاعی بیان کرتے ہیں: سیدنا معاویہ بن ابوسفیان رضی اللہ عنہ نے سیدنا ابودرداء رضی اللہ عنہ کے انتقال کے بعد سیده ام درداء رضی اللہ عنہ کو شادی کا پیغام بھیجا، تو سیدہ ام درداء رضی اللہ عنہا نے کہا: میں نے سیدنا ابودرداء رضی اللہ عنہ کو یہ بیان کرتے ہوئے سنا ہے، وہ کہتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ”جس عورت کا شوہر انتقال کر جائے اور وہ عورت اس شوہر کے بعد کوئی اور شادی کر لے، تو وہ اپنے آخری شوہر کو ملے گی“۔ (پھر سیدہ ام درداء رضی اللہ عنہا نے فرمایا:) میں سیدنا ابودرداء رضی اللہ عنہ پر کسی کو اختیار نہیں کروں گی۔ سیدنا معاویہ رضی اللہ عنہ نے اس خاتون کو خط لکھا کہ آپ پر روزے رکھنا لازم ہے، کیونکہ یہ جلا دیں گے (یعنی یہ نکاح کی خواہش کو ختم کر دیں گے)۔
یہ روایت امام طبرانی نے معجم کبیر اور معجم اوسط میں نقل کی ہے، اس کی سند میں ایک راوی ابوبکر بن ابومریم ہے اور وہ اختلاط کا شکار ہو گیا تھا۔ [مجمع الزاوئد ومنبع الفوائد/كِتَابُ النِّكَاحِ/حدیث: 7424]