وراد، سیدنا مغیرہ بن شعبہ رضی اللہ عنہ کے آزاد کردہ غلام، کہتے ہیں: مغیرہ رضی اللہ عنہ نے مجھے حکم دیا کہ میں معاویہ رضی اللہ عنہ کو لکھوں کہ رسول اللہ صلی اللہ علیہ وسلم ہر نماز کے بعد فرمایا کرتے تھے: ”اللہ کے سوا کوئی سچا معبود نہیں، وہ اکیلا ہے، اس کا کوئی شریک نہیں، اسی کی بادشاہت ہے اور اسی کے لیے تمام تعریفیں ہیں، اور وہ ہر چیز پر قادر ہے۔ اے اللہ! جو تو دے اسے کوئی روکنے والا نہیں، اور جو تو روک لے اسے کوئی دینے والا نہیں، اور کسی بزرگی والے کو اس کی بزرگی تیرے مقابلے میں کوئی فائدہ نہیں دیتی۔“ [المعجم الكبير للطبراني/باب الميم/حدیث: 18055]