سیدنا مغیرہ بن شعبہ رضی اللہ عنہ سے بھی اسی طرح کی حدیث مروی ہے۔ [المعجم الكبير للطبراني/باب الميم/حدیث: 18056]

معاویہ رضی اللہ عنہ نے مغیرہ رضی اللہ عنہ کو لکھ کر پوچھا کہ نبی کریم صلی اللہ علیہ وسلم نماز سے فارغ ہوتے وقت کیا فرمایا کرتے تھے؟ تو مغیرہ رضی اللہ عنہ نے انہیں لکھا کہ آپ صلی اللہ علیہ وسلم سلام پھیرتے وقت فرماتے: ”اللہ کے سوا کوئی سچا معبود نہیں، وہ اکیلا ہے، اس کا کوئی شریک نہیں، اسی کی بادشاہت ہے اور اسی کے لیے تمام تعریفیں ہیں، اور وہ ہر چیز پر قادر ہے۔ اے اللہ! جو تو دے اسے کوئی روکنے والا نہیں، اور جو تو روک لے اسے کوئی دینے والا نہیں، اور کسی بزرگی والے کو اس کی بزرگی تیرے مقابلے میں کوئی فائدہ نہیں دیتی۔“ [المعجم الكبير للطبراني/باب الميم/حدیث: 18057]