اللہ تعالیٰ کے اس ارشاد کے بیان میں کہ: ”اسی جگہ زکریا نے اپنے رب سے دعا کی، عرض کیا: ”اے میرے پروردگار! مجھے اپنی جناب سے پاکیزہ اولاد عطا فرما، بے شک تو ہی دعا کا سننے والا ہے“، پھر فرشتوں نے انہیں اس وقت آواز دی جب وہ محراب میں کھڑے نماز پڑھ رہے تھے کہ ”بے شک اللہ آپ کو یحییٰ کی خوشخبری دیتا ہے جو اللہ کی طرف سے ایک کلمے کی تصدیق کرنے والے، سردار، کمال درجے کے پارسا اور صالحین میں سے نبی ہوں گے“، زکریا نے عرض کیا: ”اے میرے رب! میرے ہاں لڑکا کیسے ہوگا جبکہ مجھے بڑھاپے نے آ لیا ہے اور میری بیوی بانجھ ہے؟“ اللہ نے فرمایا: ”اسی طرح اللہ جو چاہتا ہے کرتا ہے“، انہوں نے عرض کیا: ”اے میرے رب! میرے لیے کوئی نشانی مقرر فرما دے“، ارشاد ہوا: ”تمہاری نشانی یہ ہے کہ تم تین دن تک لوگوں سے سوائے اشارے کے کلام نہ کر سکو گے، اور اپنے رب کو کثرت سے یاد کرو اور صبح و شام اس کی تسبیح بیان کرو““۔