باب۔

اللہ تعالیٰ کے اس ارشاد کا بیان کہ ”یقیناً وہ اہلِ ایمان کامیاب و کامران ہو گئے جو اپنی نمازوں میں عاجزی اور خشوع اختیار کرنے والے ہیں، اور وہ جو لغو و فضول باتوں سے کنارہ کشی اختیار کرنے والے ہیں، اور وہ جو زکوٰۃ کی ادائیگی کا فریضہ سرانجام دینے والے ہیں، اور وہ جو اپنی شرمگاہوں کی حفاظت کرنے والے ہیں سوائے اپنی بیویوں کے یا ان (کنیزوں) کے جو ان کی ملکِ یمین میں ہوں، کیونکہ (اس صورت میں) ان پر کوئی ملامت نہیں ہے، پس جو اس کے علاوہ کسی اور راہ کے طلب گار ہوئے تو وہی لوگ حد سے تجاوز کرنے والے ہیں، اور وہ جو اپنی امانتوں اور اپنے عہد و پیمان کی پاسداری کرنے والے ہیں، اور وہ جو اپنی نمازوں کی (مستعدی سے) نگہبانی کرتے ہیں۔“

اللہ تعالیٰ کے اس فرمان کے بیان میں کہ ”یہی وہ لوگ ہیں جو حقیقی وارث ہیں، جو جنت الفردوس کے وارث بنیں گے اور وہ اس میں ہمیشہ ہمیشہ رہنے والے ہیں۔“

”اور بلاشبہ ہم نے انسان کو مٹی کے خلاصے سے پیدا کیا، پھر ہم نے اسے ایک مضبوط جائے قرار میں نطفہ بنا کر رکھا، پھر ہم نے اس نطفے کو خون بستہ بنایا، پھر ہم نے اس خون بستہ کو گوشت کی بوٹی کی صورت دی، پھر ہم نے اس بوٹی سے ہڈیاں تخلیق کیں، پھر ہم نے ان ہڈیوں پر گوشت پہنایا، پھر ہم نے اسے ایک دوسری ہی صورت میں اٹھان دی؛ پس اللہ بہت ہی بابرکت ہے جو تمام تخلیق کرنے والوں میں سب سے بہتر بنانے والا ہے۔“