(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کو سب سے زیادہ پسندیدہ دین (عمل) وہ تھا جس پر اس کا کرنے والا ہمیشگی اختیار کرے۔“ [صحيح الجامع الصغير وزيادته/باب كان وهي الشمائل الشريفة/حدیث: 4626]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کو سب سے زیادہ پسندیدہ مشروب میٹھا اور ٹھنڈا مشروب تھا۔“ [صحيح الجامع الصغير وزيادته/باب كان وهي الشمائل الشريفة/حدیث: 4627]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کو سب سے زیادہ پسند تھا کہ آپ شعبان کے مہینے میں روزے رکھیں، پھر انہیں رمضان کے ساتھ ملا دیں۔“ [صحيح الجامع الصغير وزيادته/باب كان وهي الشمائل الشريفة/حدیث: 4628]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کو سب سے زیادہ پسندیدہ گوشت کی ہڈی بکری کی اگلی ٹانگ (دستِ شاۃ) تھی۔“ [صحيح الجامع الصغير وزيادته/باب كان وهي الشمائل الشريفة/حدیث: 4629]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم کو سب سے زیادہ پسندیدہ عمل وہ تھا جس پر ہمیشگی اختیار کی جائے، خواہ وہ کم ہی کیوں نہ ہو۔“ [صحيح الجامع الصغير وزيادته/باب كان وهي الشمائل الشريفة/حدیث: 4630]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم قضائے حاجت کے وقت اوٹ لینے کے لیے سب سے زیادہ کسی ٹیلے یا کھجوروں کے جھنڈ کو پسند فرماتے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4631]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم سب لوگوں سے بہتر اخلاق والے تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4632]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم سب لوگوں میں سب سے اچھی صورت اور سب سے خوبصورت تھے، آپ صلی اللہ علیہ وسلم درمیانے سے کچھ لمبے قد کے تھے، آپ صلی اللہ علیہ وسلم کے دونوں کندھوں کے درمیان کا فاصلہ خاصا کشادہ تھا، آپ صلی اللہ علیہ وسلم کے رخسار ہموار تھے، بال گہرے سیاہ تھے، آنکھیں سرمگیں تھیں، پلکیں گھنی تھیں، جب اپنا قدم رکھتے تو پورے پاؤں کے ساتھ رکھتے، آپ صلی اللہ علیہ وسلم کے تلوے میں گڑھا نہیں تھا۔ جب آپ صلی اللہ علیہ وسلم اپنی چادر اپنے کندھوں سے اتارتے تو گویا وہ چاندی کی ڈلی ہو…۔“ [صحيح الجامع الصغير وزيادته/باب كان وهي الشمائل الشريفة/حدیث: 4633]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم سب لوگوں سے زیادہ خوبصورت، سب سے زیادہ سخی اور سب سے زیادہ بہادر تھے۔“ [صحيح الجامع الصغير وزيادته/باب كان وهي الشمائل الشريفة/حدیث: 4634]

(نبی کریم صلی اللہ علیہ وسلم کا معمول تھا:)
”آپ صلی اللہ علیہ وسلم سب لوگوں سے زیادہ خوبصورت چہرے والے اور سب سے بہتر اخلاق والے تھے، نہ آپ صلی اللہ علیہ وسلم نمایاں طور پر لمبے تھے اور نہ پستہ قد۔“ [صحيح الجامع الصغير وزيادته/باب كان وهي الشمائل الشريفة/حدیث: 4635]