(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم سونے کا ارادہ فرماتے تو اپنا دایاں ہاتھ اپنے رخسار کے نیچے رکھتے، پھر تین بار فرماتے: اے اللہ! مجھے اپنے عذاب سے بچا لے جس دن تو اپنے بندوں کو اٹھائے گا۔“ [صحيح الجامع الصغير وزيادته/باب كان وهي الشمائل الشريفة/حدیث: 4656]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کسی لشکر کو الوداع کہنے کا ارادہ فرماتے تو فرماتے: میں تمہارے دین، تمہاری امانتوں اور تمہارے اعمال کے خاتموں کو اللہ کے سپرد کرتا ہوں۔“ [صحيح الجامع الصغير وزيادته/باب كان وهي الشمائل الشريفة/حدیث: 4657]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اعتکاف کا ارادہ فرماتے تو فجر کی نماز پڑھتے، پھر اپنی اعتکاف گاہ میں داخل ہو جاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4658]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم حالتِ جنابت میں سونے کا ارادہ فرماتے تو نماز جیسا وضو فرماتے، اور جب حالتِ جنابت میں کھانے پینے کا ارادہ فرماتے تو اپنے ہاتھ دھو لیتے، پھر کھاتے پیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4659]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم حالتِ جنابت میں سونے کا ارادہ فرماتے تو اپنی شرمگاہ دھوتے اور نماز جیسا وضو فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4660]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم سفر کا ارادہ فرماتے تو اپنی بیویوں کے درمیان قرعہ ڈالتے، پس جس کا قرعہ نکلتا، آپ صلی اللہ علیہ وسلم اسے اپنے ساتھ لے جاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4661]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کسی غزوے کا ارادہ فرماتے تو دشمن کو دھوکہ دینے کی خاطر اس کے بجائے کسی اور طرف کا اشارہ دیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4662]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کسی حائضہ (بیوی) سے کچھ قربت جیسا معاملہ کرنے کا ارادہ فرماتے تو اس کی شرمگاہ پر کپڑا ڈال دیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4663]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کوئی نیا کپڑا پہنتے تو اسے اس کے نام سے پکارتے، خواہ وہ قمیض ہو، عمامہ ہو یا چادر، پھر فرماتے: اے اللہ! تیرے ہی لیے تعریف ہے، تو نے مجھے یہ پہنایا، میں تجھ سے اس کی بھلائی اور جس مقصد کے لیے یہ بنایا گیا اس کی بھلائی مانگتا ہوں، اور تیری پناہ مانگتا ہوں اس کے شر اور جس مقصد کے لیے یہ بنایا گیا اس کے شر سے۔“ [صحيح الجامع الصغير وزيادته/باب كان وهي الشمائل الشريفة/حدیث: 4664]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کو خبر آنے میں دیر ہوتی تو طرفہ (شاعر) کا یہ شعر پڑھتے: تجھے وہ شخص بھی خبریں لا دیتا ہے جسے تو نے خبر لانے کے لیے زاد راہ نہیں دیا تھا۔“ [صحيح الجامع الصغير وزيادته/باب كان وهي الشمائل الشريفة/حدیث: 4665]