(نبی کریم صلی اللہ علیہ وسلم نے فرمایا:)
”سمندر کا پانی پاک کرنے والا ہے۔“ [صحيح الجامع الصغير وزيادته/حرف الميم./حدیث: 5499]

(نبی کریم صلی اللہ علیہ وسلم نے فرمایا:)
”مرد کا پانی سفید ہوتا ہے اور عورت کا پانی زرد ہوتا ہے، پس جب یہ دونوں اکٹھے ہوں اور مرد کا پانی عورت کے پانی پر غالب آ جائے تو اللہ کے حکم سے بچہ لڑکا ہوتا ہے، اور جب عورت کا پانی مرد کے پانی پر غالب آ جائے تو اللہ کے حکم سے لڑکی ہوتی ہے۔“ [صحيح الجامع الصغير وزيادته/حرف الميم./حدیث: 5500]

(نبی کریم صلی اللہ علیہ وسلم نے فرمایا:)
”مرد کا پانی گاڑھا سفید ہوتا ہے اور عورت کا پانی پتلا زرد ہوتا ہے، پس ان میں سے جو سبقت لے جائے بچہ اسی کے مشابہ ہوتا ہے۔“ [صحيح الجامع الصغير وزيادته/حرف الميم./حدیث: 5501]

(نبی کریم صلی اللہ علیہ وسلم نے فرمایا:)
”زمزم کا پانی اسی نیت کے مطابق فائدہ دیتا ہے جس کے لیے اسے پیا جائے۔“ [صحيح الجامع الصغير وزيادته/حرف الميم./حدیث: 5502]

(نبی کریم صلی اللہ علیہ وسلم نے فرمایا:)
”حکمران کے مال میں سے اللہ تجھے جو کچھ بغیر مانگے اور بغیر لالچ کے دے دے تو اسے کھا لے اور اپنا مال بنا لے۔“ [صحيح الجامع الصغير وزيادته/حرف الميم./حدیث: 5503]

(نبی کریم صلی اللہ علیہ وسلم نے فرمایا:)
”اللہ تجھے اس مال میں سے جو کچھ بغیر مانگے اور بغیر لالچ کے دے دے تو اسے لے لے، اسے اپنا مال بنا لے یا اسے صدقہ کر دے، اور جو ایسا نہ ہو تو اس کے پیچھے اپنے دل کو نہ لگا۔“ [صحيح الجامع الصغير وزيادته/حرف الميم./حدیث: 5504]

(نبی کریم صلی اللہ علیہ وسلم نے فرمایا:)
”وہ شخص مجھ پر ایمان نہیں لایا جو خود پیٹ بھر کر سوئے جبکہ اس کا پڑوسی اس کے پہلو میں بھوکا ہو اور اسے اس کا علم بھی ہو۔“ [صحيح الجامع الصغير وزيادته/حرف الميم./حدیث: 5505]

(نبی کریم صلی اللہ علیہ وسلم نے فرمایا:)
”جو لوگ بھی اکٹھے ہوں پھر اللہ کے ذکر اور نبی صلی اللہ علیہ وسلم پر درود کے بغیر منتشر ہو جائیں تو وہ ایک بدبودار مردار سے بھی زیادہ بدبودار مجلس سے اٹھتے ہیں۔“ [صحيح الجامع الصغير وزيادته/حرف الميم./حدیث: 5506]

(نبی کریم صلی اللہ علیہ وسلم نے فرمایا:)
”جو لوگ بھی ذکر کی مجلس پر اکٹھے ہوں پھر اس سے منتشر ہوں تو ان سے کہا جاتا ہے: اٹھو، تمہیں بخش دیا گیا۔“ [صحيح الجامع الصغير وزيادته/حرف الميم./حدیث: 5507]

(نبی کریم صلی اللہ علیہ وسلم نے فرمایا:)
”جو لوگ بھی اکٹھے ہوں پھر اللہ کے ذکر کے بغیر منتشر ہو جائیں تو گویا وہ ایک گدھے کے مردار سے منتشر ہوئے ہیں، اور وہ مجلس ان کے لیے قیامت کے دن حسرت کا باعث ہوگی۔“ [صحيح الجامع الصغير وزيادته/حرف الميم./حدیث: 5508]