(نبی کریم صلی اللہ علیہ وسلم نے فرمایا:)
”گندم کو جو کے بدلے، دو کے بدلے ایک، نقد سودا کرنے میں کوئی حرج نہیں۔“ [صحيح الجامع الصغير وزيادته/حرف اللام ألف./حدیث: 7183]

(نبی کریم صلی اللہ علیہ وسلم نے فرمایا:)
”کوئی حرج نہیں، آدمی اپنے بھائی کی مدد کرے خواہ وہ ظالم ہو یا مظلوم، اگر وہ ظالم ہو تو اسے ظلم سے روکے، یہی اس کی مدد ہے، اور اگر وہ مظلوم ہو تو اس کی مدد کرے۔“ [صحيح الجامع الصغير وزيادته/حرف اللام ألف./حدیث: 7184]

(نبی کریم صلی اللہ علیہ وسلم نے فرمایا:)
”عریف کا ہونا ضروری ہے، لیکن عریف جہنم میں جانے والا ہے۔“ [صحيح الجامع الصغير وزيادته/حرف اللام ألف./حدیث: 7185]

(نبی کریم صلی اللہ علیہ وسلم نے فرمایا:)
”سفر میں روزہ رکھنا نیکی نہیں۔“ [صحيح الجامع الصغير وزيادته/حرف اللام ألف./حدیث: 7186]

(نبی کریم صلی اللہ علیہ وسلم نے فرمایا:)
”سو سال پورے نہیں ہوں گے کہ آج زمین پر موجود کوئی بھی زندہ شخص باقی نہیں رہے گا۔“ [صحيح الجامع الصغير وزيادته/حرف اللام ألف./حدیث: 7187]

(نبی کریم صلی اللہ علیہ وسلم نے فرمایا:)
”کوئی عورت اپنے خاوند کے گھر میں اس کی اجازت کے بغیر کسی کو اجازت نہ دے۔“ [صحيح الجامع الصغير وزيادته/حرف اللام ألف./حدیث: 7188]

(نبی کریم صلی اللہ علیہ وسلم نے فرمایا:)
”تم اذان اس وقت تک نہ دو جب تک تمہارے لیے فجر اس طرح واضح نہ ہو جائے۔“ [صحيح الجامع الصغير وزيادته/حرف اللام ألف./حدیث: 7189]

(نبی کریم صلی اللہ علیہ وسلم نے فرمایا:)
”جو شخص سلام کہہ کر (گفتگو کا) آغاز نہ کرے، اسے اجازت نہ دو۔“ [صحيح الجامع الصغير وزيادته/حرف اللام ألف./حدیث: 7190]

(نبی کریم صلی اللہ علیہ وسلم نے فرمایا:)
”کسی کافر کو گالی دے کر کسی مسلمان کو تکلیف نہ پہنچاؤ۔“ [صحيح الجامع الصغير وزيادته/حرف اللام ألف./حدیث: 7191]

(نبی کریم صلی اللہ علیہ وسلم نے فرمایا:)
”دنیا میں جو عورت اپنے خاوند کو تکلیف پہنچاتی ہے تو حور عین میں سے اس کی (جنتی) بیوی کہتی ہے: اسے تکلیف نہ دے، اللہ تجھے غارت کرے! وہ تو تیرے پاس صرف ایک مہمان ہے، عنقریب وہ تجھے چھوڑ کر ہماری طرف آنے والا ہے۔“ [صحيح الجامع الصغير وزيادته/حرف اللام ألف./حدیث: 7192]