(نبی کریم صلی اللہ علیہ وسلم نے فرمایا:)
”اے ابی! میرے رب تبارک و تعالیٰ نے میری طرف پیغام بھیجا کہ قرآن ایک ہی قراءت پر پڑھا جائے، تو میں نے جواب بھیجا: میری امت پر آسانی فرما۔ پھر دوبارہ پیغام بھیجا کہ اسے دو قراءتوں پر پڑھا جائے، تو میں نے پھر جواب بھیجا: میری امت پر آسانی فرما۔ پھر تیسری بار پیغام بھیجا کہ اسے سات قراءتوں پر پڑھا جائے، اور ہر بار جو تم نے جواب بھیجا اس کے بدلے تمہیں ایک دعا مانگنے کا حق ہے جو تم مجھ سے مانگ سکتے ہو، تو میں نے کہا: اے اللہ! میری امت کو بخش دے، اے اللہ! میری امت کو بخش دے، اور تیسری دعا کو میں نے اس دن کے لیے مؤخر کر دیا جس دن ساری مخلوق میری طرف رجوع کرے گی، حتیٰ کہ ابراہیم علیہ السلام بھی۔“ [صحيح الجامع الصغير وزيادته/حرف الياء/حدیث: 7841]

(نبی کریم صلی اللہ علیہ وسلم نے فرمایا:)
”اے ابی! قرآن سات قراءتوں پر نازل کیا گیا ہے، ان میں سے ہر ایک شفا بخش اور کافی ہے۔“ [صحيح الجامع الصغير وزيادته/حرف الياء/حدیث: 7842]

(نبی کریم صلی اللہ علیہ وسلم نے فرمایا:)
”اے ابی! مجھے قرآن پڑھایا گیا تو مجھ سے کہا گیا: ایک قراءت پر یا دو پر؟ تو میرے ساتھ موجود فرشتے نے کہا: دو پر کہو۔ میں نے کہا: دو پر۔ پھر مجھ سے کہا گیا: دو پر یا تین پر؟ تو میرے ساتھ موجود فرشتے نے کہا: تین پر کہو۔ میں نے کہا: تین پر، یہاں تک کہ سات قراءتوں تک پہنچ گیا۔ پھر فرمایا گیا: ان میں سے ہر ایک شفا بخش اور کافی ہے، خواہ تم آیت کے آخر میں سمیعاً علیماً کہو یا عزیزاً حکیماً کہو، جب تک تم عذاب کی آیت کو رحمت پر یا رحمت کی آیت کو عذاب پر ختم نہ کرو۔“ [صحيح الجامع الصغير وزيادته/حرف الياء/حدیث: 7843]

(نبی کریم صلی اللہ علیہ وسلم نے فرمایا:)
”اے میرے بھائیو! ایسے ہی دن کے لیے تیاری کرو۔“ [صحيح الجامع الصغير وزيادته/حرف الياء/حدیث: 7844]

(نبی کریم صلی اللہ علیہ وسلم نے فرمایا:)
”اے اسامہ! کیا تم اللہ کی حدود میں سے کسی حد میں سفارش کرتے ہو؟!“ [صحيح الجامع الصغير وزيادته/حرف الياء/حدیث: 7845]

(نبی کریم صلی اللہ علیہ وسلم نے فرمایا:)
”اے اسامہ! جب «لَا إِلَهَ إِلَّا اللَّهُ» (اللہ کے سوا کوئی سچا معبود نہیں) قیامت کے دن آئے گا تو تم اس کے ساتھ کیا کرو گے؟!“ [صحيح الجامع الصغير وزيادته/حرف الياء/حدیث: 7846]

(نبی کریم صلی اللہ علیہ وسلم نے فرمایا:)
”اے اسماء! جب عورت بلوغت کو پہنچ جائے تو اس کا کوئی حصہ نظر آنا درست نہیں سوائے اس کے اور اس کے - اور آپ صلی اللہ علیہ وسلم نے اپنے چہرے اور دونوں ہتھیلیوں کی طرف اشارہ کیا۔“ [صحيح الجامع الصغير وزيادته/حرف الياء/حدیث: 7847]

(نبی کریم صلی اللہ علیہ وسلم نے فرمایا:)
”اے اشج! تم میں دو خصلتیں ہیں جنہیں اللہ پسند کرتا ہے: بردباری اور سنجیدگی۔“ [صحيح الجامع الصغير وزيادته/حرف الياء/حدیث: 7848]

(نبی کریم صلی اللہ علیہ وسلم نے فرمایا:)
”اے دیہاتی! اللہ نے بنی اسرائیل کے دو قبیلوں پر غضب فرمایا اور انہیں ایسے جانوروں میں مسخ کر دیا جو زمین پر رینگتے ہیں، مجھے نہیں معلوم شاید یہ (یعنی ضب) انہی میں سے ہو، اس لیے میں اسے نہیں کھاتا اور نہ اس سے منع کرتا ہوں۔“ [صحيح الجامع الصغير وزيادته/حرف الياء/حدیث: 7849]

(نبی کریم صلی اللہ علیہ وسلم نے فرمایا:)
”بہترین ساتھی چار ہیں... اور بہترین دستہ چار سو کا ہے، اور بہترین لشکر چار ہزار کا ہے، اور بارہ ہزار کی تعداد کبھی کمی کی وجہ سے شکست نہیں کھائے گی۔“ [صحيح الجامع الصغير وزيادته/حرف الياء/حدیث: 7850]