سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”بے شک علیین (بلند درجات) والوں میں سے جب کوئی شخص جنت پر جھانکے گا تو اس کا چہرہ ان (اہلِ جنت) کے لیے ویسے ہی روشن ہو جائے گا جیسے چودھویں رات کا چاند دنیا والوں کے لیے روشن ہوتا ہے، اور یقیناً ابوبکر اور عمر رضی اللہ عنہما انہی میں سے ہیں اور وہ کیا ہی خوب ہیں (یعنی بہترین حال و مقام میں ہیں)۔“
امام طبرانی رحمہ اللہ فرماتے ہیں: ”اس حدیث کو مہدی سے صرف جراح نے روایت کیا ہے، اور ان سے روایت کرنے میں علی بن ابی بکر منفرد ہیں۔“ [المعجم الأوسط/باب الألف/حدیث: 1778]