سلیم بن عامر رحمہ اللہ بیان کرتے ہیں کہ ”میں نے سیدنا ابوبکر صدیق رضی اللہ عنہ کو دیکھا کہ وہ مہندی اور کتم کا خضاب لگاتے تھے، جبکہ سیدنا عمر رضی اللہ عنہ خضاب نہیں لگاتے تھے، اور انہوں نے فرمایا کہ میں نے رسول اللہ صلی اللہ علیہ وسلم کو یہ فرماتے ہوئے سنا: «مَنْ شَابَ شَيْبَةً فِي سَبِيلِ اللهِ كَانَتْ لَهُ نُورًا يَوْمَ الْقِيَامَةِ» ”جس شخص کا اللہ کی راہ میں ایک بال سفید ہوا، وہ قیامت کے دن اس کے لیے نور ہو گا۔““
امام طبرانی رحمہ اللہ فرماتے ہیں: ”اس حدیث کو ثابت رحمہ اللہ سے صرف محمد رحمہ اللہ نے ہی روایت کیا ہے۔“ [المعجم الأوسط/باب الألف/حدیث: 1825]