سیدنا ابوسعید خدری رضی اللہ عنہ سے روایت ہے کہ عطیہ عوفی رحمہ اللہ نے ان سے دریافت کیا: ”وہ اہل بیت کون ہیں جن کے بارے میں اللہ نے فرمایا ہے کہ وہ ان سے ناپاکی دور کر دے اور انہیں خوب اچھی طرح پاک کر دے؟“ تو انہوں نے اپنے ہاتھ پر پانچ افراد گنوائے: ”رسول اللہ صلی اللہ علیہ وسلم ، سیدنا علی رضی اللہ عنہ، سیدہ فاطمہ رضی اللہ عنہا، اور سیدنا حسن و سیدنا حسین رضی اللہ عنہما۔“ سیدنا ابوسعید رضی اللہ عنہ نے فرمایا: ”یہ آیت ام المومنین سیدہ ام سلمہ رضی اللہ عنہا کے گھر میں نازل ہوئی تھی۔“
امام طبرانی رحمہ اللہ فرماتے ہیں: ”اس حدیث کو ہارون رحمہ اللہ سے صرف سلیمان رحمہ اللہ نے روایت کیا ہے، جبکہ ان سے روایت کرنے میں احوص رحمہ اللہ منفرد ہیں۔“ [المعجم الأوسط/باب الألف/حدیث: 1826]