عبداللہ بن بریدہ رحمہ اللہ اپنے والد سیدنا بریدہ رضی اللہ عنہ سے روایت کرتے ہیں کہ رسول اللہ صلی اللہ علیہ وسلم نے ”اس بات سے منع فرمایا کہ آدمی صرف شلوار میں نماز پڑھے جبکہ اس کے جسم پر اس کے علاوہ کوئی دوسرا کپڑا نہ ہو۔“
امام طبرانی رحمہ اللہ فرماتے ہیں: ”یہ حدیث سیدنا بریدہ رضی اللہ عنہ سے صرف اسی سند کے ساتھ مروی ہے، اور ابن وہب رحمہ اللہ اسے بیان کرنے میں منفرد ہیں۔“ [المعجم الأوسط/باب الألف/حدیث: 1939]