ام المومنین سیدہ ام سلمہ رضی اللہ عنہا سے روایت ہے کہ انہوں نے فرمایا: ”ہم میں سے کسی عورت کو ایک ہی کپڑے میں حیض آتا تھا، پھر جب اس کے پاک ہونے کا دن آتا تو وہ کپڑے پر لگے ہوئے (خون) کو دھو لیتی، پھر اسی میں نماز پڑھ لیتی تھی، اور آج تم میں سے کوئی عورت اپنی خادمہ کو پاک ہونے کے دن اپنے کپڑے دھونے کے لیے فارغ کر دیتی ہے۔“
امام طبرانی رحمہ اللہ کے بیان کے مطابق: مجاہد رحمہ اللہ سے اس حدیث کو خالد کے سوا کسی نے روایت نہیں کیا، اور خالد سے روایت کرنے میں منہال منفرد ہیں۔ [المعجم الأوسط/باب الألف/حدیث: 2192]