سعید بن نافع رحمہ اللہ بیان کرتے ہیں کہ رسول اللہ صلی اللہ علیہ وسلم کے صحابی سیدنا ابوبشیر انصاری رضی اللہ عنہ نے مجھے اس وقت چاشت کی نماز پڑھتے ہوئے دیکھا جب سورج طلوع ہو رہا تھا، تو انہوں نے مجھ پر اس بات کا عیب نکالا اور مجھے (اس سے) منع کر دیا، پھر فرمایا: بیشک رسول اللہ صلی اللہ علیہ وسلم نے فرمایا ہے: ”تم نماز نہ پڑھو یہاں تک کہ سورج (خوب) بلند ہو جائے، کیونکہ وہ شیطان کے سینگ میں طلوع ہوتا ہے۔“
اس حدیث کو بکیر بن عبد اللہ سے ان کے بیٹے مخرمہ کے علاوہ کسی نے روایت نہیں کیا، اس میں ابن وہب منفرد ہیں، اور سیدنا ابوبشیر رضی اللہ عنہ سے یہ روایت صرف اسی سند کے ساتھ مروی ہے۔ [المعجم الأوسط/باب الميم/حدیث: 6524]