قتادہ بن دعامہ رحمہ اللہ بیان کرتے ہیں کہ سیدنا انس بن مالک رضی اللہ عنہ نے مجھے حدیث بیان کی کہ ایک شخص رسول اللہ صلی اللہ علیہ وسلم کی خدمت میں حاضر ہوا اور اس نے وضو کر رکھا تھا، جبکہ اس نے اپنے قدموں پر ایک ناخن کے برابر جگہ (خشک) چھوڑ دی تھی، تو رسول اللہ صلی اللہ علیہ وسلم نے اس سے فرمایا: ”واپس جاؤ اور اپنا وضو اچھی طرح (مکمل) کرو۔“
امام طبرانی رحمہ اللہ فرماتے ہیں: ”اس حدیث کو قتادہ رحمہ اللہ سے صرف جریر بن حازم نے روایت کیا ہے اور ان سے روایت کرنے میں ابن وہب منفرد ہیں۔“ [المعجم الأوسط/باب الميم/حدیث: 6525]