سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس کا ہنسنا زیادہ ہو جائے اس کے حق کو ہلکا (معمولی) سمجھا جانے لگتا ہے، جس کی خوش طبعی زیادہ ہو جائے اس کا رعب و دبدبہ ختم ہو جاتا ہے، جس کا مذاق بہت بڑھ جائے اس کا وقار رخصت ہو جاتا ہے، جس نے نہار منہ پانی پیا اس کی جسمانی قوت کمزور پڑ جاتی ہے، جس کی گفتگو زیادہ ہو جائے اس کی لغزشیں بڑھ جاتی ہیں، جس کی لغزشیں بڑھ جائیں اس کے گناہ زیادہ ہو جاتے ہیں، اور جس کے گناہ زیادہ ہو جائیں آگ اس کے لیے زیادہ موزوں ہو جاتی ہے۔“
یہ حدیث رسول اللہ صلی اللہ علیہ وسلم سے صرف اسی سند کے ساتھ روایت کی گئی ہے، اور عبد الاول المعلم رحمہ اللہ اسے روایت کرنے میں منفرد ہیں۔ [المعجم الأوسط/باب الميم/حدیث: 6557]