سیدنا ابن عباس رضی اللہ عنہما سے روایت ہے کہ انہوں نے فرمایا: ”دیہاتیوں میں سے ایک شخص فوت ہو گیا اور اس کا کوئی عصبہ (مرد وارث) نہیں تھا، البتہ اس کا ایک آزاد کردہ غلام تھا جسے اس نے خود آزاد کیا تھا۔ یہ معاملہ نبی کریم صلی اللہ علیہ وسلم کی خدمت میں پیش کیا گیا تو آپ صلی اللہ علیہ وسلم نے دریافت فرمایا: «أَلَمْ يَكُنْ يَغْضَبُ لِغَضَبِهِ، وَيَرْضَى لِرِضَاهُ؟» ”کیا وہ اس کی ناراضی پر ناراض اور اس کی خوشی پر خوش نہیں ہوتا تھا؟“ لوگوں نے عرض کیا: جی ہاں! چنانچہ آپ صلی اللہ علیہ وسلم نے اسے اس کے مولیٰ (آزاد کرنے والے مالک) کے مال کا وارث قرار دے دیا۔“
اس حدیث کو عبدالکریم رحمہ اللہ سے صرف ابو حمزہ رحمہ اللہ نے روایت کیا ہے اور علی بن حسن رحمہ اللہ اس کی روایت میں منفرد ہیں۔ [المعجم الأوسط/باب الميم/حدیث: 6948]