بنو اسد سے تعلق رکھنے والے ایک صاحب بیان کرتے ہیں: غزوہ ذات سلاسل کے موقع پر میں نے سیدنا ابوبکر صدیق رضی اللہ عنہ کو دیکھا، ان کی داڑھی عرفج نامی درخت کی طرح سرخ تھی، وہ اپنی اونٹنی پر سوار تھے، وہ سفید رنگت کے مالک کمزور جسم والے شخص تھے۔
یہ روایت امام طبرانی نے نقل کی ہے، اور میں اس شخص سے واقف نہیں ہوں، جس کا تعلق بنو اسد سے ہے، اس روایت کے بقیہ رجال ”صحیح“ کے رجال ہیں۔ [مجمع الزاوئد ومنبع الفوائد/كتاب المناقب/حدیث: 14302]