سیدنا عبداللہ بن عباس رضی اللہ عنہما روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”جو شخص جمعہ کے دن کلام کرے اور امام اس وقت خطبہ دے رہا ہو تو وہ اس گدھے کی مانند ہے، جس نے بوجھ اٹھایا ہوا ہو اور جو شخص اس سے یہ کہے کہ تم خاموش رہو اس کا جمعہ نہیں ہو گا“۔
یہ روایت امام أحمد اور امام بزار نے اور امام طبرانی نے معجم کبیر میں نقل کی ہے، اس کی سند میں ایک راوی مجالد بن سعید ہے، جسے لوگوں نے ضعیف قرار دیا ہے ایک روایت کے مطابق امام نسائی رحمہ اللہ نے اسے ”ثقہ“ قرار دیا ہے۔ [مجمع الزاوئد ومنبع الفوائد/كتاب الصلاة/حدیث: 3123]