سیدنا معاویہ بن حکم رضی اللہ عنہ بیان کرتے ہیں: میں نے عرض کیا: یا رسول اللہ! ہم میں سے کچھ لوگ بدشگونی لیتے ہیں۔ آپ صلی اللہ علیہ وسلم نے فرمایا: ”یہ ایک ایسی چیز ہے جو تم اپنے دل میں محسوس کرتے ہو، یہ تمہیں نقصان نہیں پہنچاتی۔“ میں نے عرض کیا: اور ہم میں سے کچھ لوگ کاہنوں کے پاس جاتے ہیں۔ آپ صلی اللہ علیہ وسلم نے فرمایا: ”ان کے پاس مت جاؤ۔“ میں نے عرض کیا: اور ہم میں سے کچھ لوگ لکیریں کھینچتے ہیں۔ آپ صلی اللہ علیہ وسلم نے فرمایا: ”ایک نبی لکیر کھینچا کرتے تھے، تو جو اس کے علم کے موافق ہو جائے وہ جان لے۔“ [المعجم الكبير للطبراني/باب الميم/حدیث: 16989]