سیدنا معاذ بن جبل رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جو اپنے دل سے سچائی کے ساتھ اللہ سے قتل (شہادت) مانگے، پھر مر جائے یا قتل ہو جائے، تو اسے شہید کا اجر ملے گا، اور جو اللہ کے راستے میں زخمی ہو یا کوئی مصیبت پہنچے، تو وہ قیامت کے دن اس حال میں آئے گی کہ اس کا رنگ زعفران کی مانند اور اس کی خوشبو مشک کی مانند ہوگی، اور جو اللہ کے راستے میں زخمی ہو، اس پر شہداء کی مہر ہوگی۔“ [المعجم الكبير للطبراني/باب الميم/حدیث: 17341]